Ishayo 46:1-13
46 Bel bukilib+, Navo* bukchayib qoladi.
Butlari hayvonlarga, yuk hayvonlariga ortiladi+.Ular charchagan hayvonlarga og‘ir yuk bo‘ladi.
2 Ikkovi birga bukchayib, egilib qoladi.Ular yuklarini* saqlab qola olmaydi,O‘zlari esa asir qilib olib ketiladi.
3 «Ey, Yoqub xonadoni, ey, Isroil xonadonining omon qolganlari+, Menga quloq soling!Men sizlarga ona qornidan g‘amxo‘rlik qilib, tug‘ilganingizdan buyon qo‘llab kelyapman+.
4 Keksaygan chog‘ingizda ham Men o‘zgarmayman+,Sochingiz oqarsa ham sizlarni qo‘limda olib yuraman.
Ilgarigiday sizlarni ko‘tarib yuraman va qutqaraman+.
5 Meni kimga o‘xshatasiz? Kim bilan tenglashtirasiz?+O‘xshashligimiz ko‘rinishi uchun Meni kim bilan solishtirasiz?+
6 Hamyonidan tilla to‘kib,Kumushni tarozida o‘lchaydiganlar bor.
Ular zargar yollab, unga xudo yasattiradi+.
So‘ngra yergacha egilib, o‘sha xudoga sig‘inadi+.
7 Ular uni yelkalarida olib yuradi+.Ko‘tarib keladi-da, o‘rniga qo‘yadi,
U faqat o‘sha yerda turadi+,
Unga yolvorishadi, ammo u javob qaytarmaydi,Hech kimni qayg‘udan xalos eta olmaydi+.
8 Buni yodda tuting, jasoratli bo‘ling.
Ey qonunbuzarlar, buni qalbingizda saqlang.
9 Qadimda bo‘lgan narsalarni esga oling,Men Xudoman, Mendan boshqasi yo‘q.
Men Tangriman, Menga o‘xshagani yo‘q+.
10 Oxirida nima bo‘lishini boshidan,Hali yuz bermagan narsalarni oldindan aytaman+.
Men: “Niyatim albatta bajo bo‘ladi+,Istaganimni amalga oshiraman”+,— deyman.
11 Kunchiqar tomondan bir yirtqich qushni+,Olis yurtdan irodamni bajaradigan bir kishini chaqiraman+.
Aytganimni amalga oshiraman.
Tilagimni bajo qilaman+.
12 Ey, qalbi o‘jarlar,Ey, odillikdan yiroq bo‘lganlar, Meni tinglang.
13 Men adolatimni yaqinlashtirdim,U uzoqda emas,Najotim aslo kechikmaydi+.
Men Sionga najotni, Isroilga ulug‘vorligimni taqdim etaman»+.
