Ishayo 13:1-22
13 Omiz o‘g‘li Ishayo+ vahiy ko‘rib, Bobilga qarshi+ quyidagicha xabar oldi:
2 «Tog‘da, yalang qoya ustida belgi o‘rnating+,
Qo‘lingizni silkib, ularni da’vat eting,Toki ular asilzodalar eshiklaridan kirsin.
3 Men o‘zim tayinlagan kishilarga buyruq berdim+.
Faxrlanib shodlanayotgan jangchilarimniQahrimni sochsin deya to‘pladim.
4 Tog‘lardagi olomonning shovqinini eshiting!U son-sanoqsiz xalqning tovushiga o‘xshaydi.
Birgalikda yig‘ilgan xalqlarning+,Shohliklarning shovqin-suroniga quloq tuting!
Qo‘shinlar Sarvari Yahova jang uchun qo‘shin to‘plamoqda+.
5 Ular olis yurtdan+,Yerning chetlaridan kelmoqda.Butun yer yuzini barbod qilish uchun,Yahova hamda Uning g‘azab qurollari kelmoqda+.
6 Fig‘on qiling! Zero, Yahovaning kuni yaqindir!
Qodir Tangrining halokat kuni kelmoqda+.
7 Shu bois, barchaning qo‘li bo‘shashib,Qo‘rquvdan yuragi ado bo‘ladi+.
8 Odamlarni sarosima bosadi+.
Ular to‘lg‘oq tutgan ayoldayTalvasaga tushib azob chekadi.
Bir-biriga dahshat bilan qarab,Azobdan yuzlari lovullab yonadi.
9 Mana, Yahovaning shafqatsiz kuniShiddat va otashin g‘azab ila kelmoqda!Bu kuni yer qo‘rqinchli ahvolga tushadi+,Undagi gunohkorlar qirib tashlanadi.
10 Osmondagi yulduzlar ham,Yulduz turkumlari*+ ham nur sochmay qo‘yadi.Ko‘tarilayotgan quyosh qorong‘i bo‘lib qoladi,Oy ham nur taratmaydi.
11 Men yer aholisini yomonligi,Yovuzlarni qabihligi uchun javobgarlikka tortaman+.
O‘zbilarmonlarning mag‘rurligiga chek qo‘yaman,Zolimlarning takabburligini tiyaman+.
12 O‘tkinchi insonni sof oltindan,Odamzodni Ofir oltinidan+ ham kamyob qilaman+.
13 Shu sababli, Men, Qo‘shinlar Sarvari Yahova,G‘azabim alanga olgan kuni osmonni titratib,Yerni o‘z joyidan qo‘zg‘ataman+.
14 Ular ovchidan qochgan g‘izolday, cho‘ponsiz suruvday bo‘ladi.Har kim o‘z xalqi yoniga qaytadi,Har kim o‘z yurtiga qochadi+.
15 Topilgan har kimga nayza sanchiladi,Qo‘lga tushgan esa qilichdan o‘tkaziladi+.
16 Ko‘z oldida bolalari tilka-pora qilinadi+,Uylari talon-toroj etiladi,Xotinlariga tajovuz qilinadi.
17 Kumushni nazarga ilmaydigan,Oltinni ham xush ko‘rmaydiganMidiyaliklarni ularga qarshi chiqaraman+.
18 Ularning kamonlari yigitlarni qulatadi+,Ular go‘dakka rahm qilmaydi,Bolalarni ham ayamaydi.
19 Shohliklar toji,Xaldeylar+ g‘ururi-yu ko‘rki bo‘lmish Bobil+Alloh yo‘q qilgan Sado‘m va G‘amo‘ra ko‘yiga tushadi+.
20 Hech qachon unda odam yashamaydi,Avlodlar osha hech kimsa maskan qurmaydi+.
Arablar unda chodir tikmaydi,Cho‘ponlar ham suruvlarini boqmaydi.
21 U yerda dasht hayvonlari yotadigan bo‘ladi,Uylariga ukkilar in quradi.
Tuyaqushlar u yerga joylashadi+,Yovvoyi echkilar* sakrab yuradi.
22 Minoralarida hayvonlar,
Serhasham saroylarida chiyabo‘rilar uvullaydi.
Uning vaqti yaqin qoldi, kunlari bitib bormoqda»+.
Izohlar
^ So‘zma-so‘z «Kesillari». Ehtimol, Orion va atrofidagi yulduz turkumlari nazarda tutilgan.
^ Boshqa variant «Takasifat jinlar».
