Hikmatlar 18:1-24
18 Boshqalardan ajralgan xudbin istaklarini ko‘zlaydi,U donolikni rad etadi.
2 Nodon fahm-farosatni yoqtirmaydi,U nuqul yuragidagini oshkor qiladi+.
3 Yovuz kishi bilan birga nafrat keladi,Uyatli ish ortidan sharmandalik keladi+.
4 Insonning so‘zlari chuqur suv kabidir+,Donolik chashmasi qaynar buloqdir.
5 Yovuz kishining tarafini olish+,Odil insonga esa adolatsizlik qilish yaxshi emas+.
6 Nodonning gapi janjal chiqaradi+,Tili dastidan kaltak yeydi+.
7 O‘z og‘zi ahmoqni halok qiladi+,Tili ham joniga* tuzoq bo‘ladi.
8 Tuhmatchining so‘zlari mazali ovqatdaydir+,Ular yutilib to‘g‘ri qoringa tushadi+.
9 Ish qilishga eringanBuzg‘unchiga sherikdir+.
10 Yahovaning ismi mustahkam qal’adir+.Odil kishi u yerga qochib borib, omon qoladi+.
11 Boyning mol-davlati mustahkam shahridir,O‘z tasavvurida himoya devori kabidir+.
12 Qalbi mag‘rur halokatga yo‘liqadi+,Kamtarinlik esa shon-sharafga yetaklaydi+.
13 Tinglamasdan javob berish,Ahmoqlik va sharmandalikdir+.
14 Ruhi tetik dardga bardosh bera oladi+,Ammo ezilgan ruhni kim ham ko‘tara olardi?!+
15 Zakovatli qalb egasi ilmga ega bo‘ladi+,Dononing qulog‘i bilim izlaydi.
16 Hadya insonga imkon beradi+,Katta odamlarning huzuriga yo‘l ochadi.
17 Qarshi tomon kelib, so‘roq-savol qilmaguncha+,Mahkamada birinchi gapirganning da’vosi to‘g‘ri ko‘rinadi+.
18 Qur’a bahs-munozaraga chek qo‘yadi+,Kuchli raqiblar masalasini hal qiladi.
19 Ranjigan do‘stga yo‘liqish, mustahkam shaharni zabt etishdan qiyinroqdir+.Shunday tortishuvlar borki, ular qo‘rg‘on surma zulfinlari kabidir+.
20 Ezgu so‘zlari tufayli odamning qorni to‘yadi+,So‘zlarining samarasidan zavq oladi.
21 O‘lim va hayot tilning izmidadir+,Tiliga erk bergan uning mevasini yeydi+.
22 Yaxshi xotin topgan — baxtga erishadi+,U Yahovaning iltifotiga sazovor bo‘ladi+.
23 Kambag‘al yalinib gapiradi,Boy esa qo‘rs javob qaytaradi.
24 Bir-birini yakson qilishga tayyor sheriklar bor+.Ammo tug‘ishgandan ham yaqinroq do‘st bor+.
Izohlar
^ Yoki «hayotiga».
