JW.ORG ВЕБ-САЙТИ
Адабиёт излаш
JW.ORG сайтидаги КУТУБХОНА сарлавҳаси остида юзлаб матн, аудио ва видео ёзувлар мавжуд. Ушбу мақоладаги кўрсатмаларга риоя қилиб, излаётган маълумотни топишингиз мумкин.
Излаш хусусиятидан фойдаланинг
Маълумотни излаш учун муайян сўз ёки ибораларни киритиш орқали Излаш хусусиятидан фойдаланинг.
Излаш майдонига излаётган сўз ёки ибораларни ёзинг, сўнг Enter ёки Излаш тугмасига босинг. Агар адабиётда учрайдиган очқич сўз ёки ибораларни билсангиз, уларнинг ҳаммасини ёзинг. Бу туфайли, излаётган маълумотингизни илк бор чиқиб келганлар орасидан топа оласиз.
Борди-ю, ҳаддан ташқари кўп маълумот топилса, қуйидаги маслаҳатларнинг бирини қўллаб излаш жараёнини тезлаштира оласиз:
Излаш саҳифасининг юқорисида келтирилган сўзни танланг. Масалан, фақат видеолар натижасини кўрмоқчи бўлсангиз, Видеолар сўзини танланг.
Бу туркумдаги излаш жараёнини тезлаштириш учун Барчаси тугмасига босинг.
JW.org сайтида бўлмаган, лекин Қўриқчи минорасининг ОНЛАЙН КУТУБХОНАсида бўлган маълумот Излаш саҳифасидаги рўйхатда ҳам чиқади.
Муайян мавзу бўйича адабиётни изланг
Агар адабиётнинг номини ёки ҳатто яримини ҳам билсангиз, қуйида келтирилган усулдан фойдаланиб, адабиётни тезроқ топиб олинг:
Йўли: КУТУБХОНА > КИТОБЛАР ВА РИСОЛАЛАР.
Барча адабиётлар майдонида излаётган адабиётнинг номидаги бирон сўзни ёзинг. Айтайлик, «Муқаддас Китоб ҳақиқатлари» китобини қидиряпсиз, унда «ҳақиқатлар» сўзини теринг. Шунда, номида «ҳақиқатлар» сўзи учрайдиган адабиётлар рўйхати қисқаради. Сўнг, қидираётган китобнинг номини танланг.
Излаш тугмасига босинг.
Муайян журналнинг сонини изланг
Йўли: АДАБИЁТЛАР > ЖУРНАЛЛАР.
Биринчи саҳифада, «Уйғонинг!» ва «Қўриқчи минораси» (тарқатиш сони) журналларининг сўнгги тўртта ҳамда «Қўриқчи минораси»нинг тадқиқ сонининг сўнгги саккизта нашрини кўрасиз. Муайян журналнинг сонини қидириш учун, қуйидагиларни қилинг:
Чиқадиган рўйхатда муайян журналнинг сонини ва йилини танланг.
Излаш тугмасига босинг.
Адабиётни юклаб олиш шаклларини кўринг
Айрим саҳифаларда адабиётлар иккита шаклда, яъни жадвал ва рўйхат кўринишида чиқиши мумкин.
Жадвал тугмасига боссангиз, адабиётлар маълум тартибда қатор бўлиб чиқади. Бундай кўриниш доим бир хил.
Адабиётларни рўйхат кўринишида очилишини хоҳласангиз, Рўйхат тугмасига босинг.
Ҳар бир адабиётнинг муқоваси, мавзуси ва юклаб олиш мумкин бўлган форматларини кўриш мумкин.
Онлайн тарзда ўқиш учун мавзуни танланг.
Матн шакллари тугмасига боссангиз, Юклаш ойнаси очилади.
Айрим адабиётларни PDF ва JWPUB каби турли форматларда юклаб олиш мумкин. Шунингдек, баъзи адабиётлар оддий ва йирик ҳарфли каби турли нашрларда мавжуд.
Юклаб олмоқчи бўлган форматни ва нашрни танланг.
Аудио тугмасига боссангиз, Юклаш ойнаси очилади. Юклаб олмоқчи бўлган аудио ёзувини танланг.
Видео тугмасига боссангиз, Юклаш ойнаси очилади. Юклаб олмоқчи бўлган видеони танланг.
