Маънавий мақсадлар қўйсак, кучимизни тўғри йўналтирган бўламиз. (1Кр 9:26) Мақсадлар бизга бу замонанинг охиригача қолган вақтдан оқилона фойдаланишга ёрдам беради. (Эф 5:15, 16) Оилавий топиниш пайтида янги хизмат йили учун қандай мақсадлар қўйишингиз мумкинлигини муҳокама қилса бўлади. Сизга ёрдам бериш учун «Таълим дастури»нинг ушбу сонида турли мақсадларга доир мақолалар келтирилган. Қўйишингиз мумкин бўлган бу мақсадлар ҳақида ибодат ила ўйлаб кўрсангиз бўлади. (Ёқ 1:5)

Масалан, оиланинг ҳеч бўлмаса битта аъзоси доимий кашшофликни олиши учун оиланинг бошқа аъзолари уни ҳар томонлама қўллаб-қувватлашга тайёрми? Агар соат нормасини бажара оламанми ё йўқми, деб хавотирланаётган бўлсангиз, шароитлари сизникига ўхшаш бўлган кашшофлар билан суҳбатлашиб кўринг. (Ҳк 15:22) Эҳтимол, ҳатто оилавий топиниш пайтида қайсидир кашшофдан интервью олсангиз бўлади. Кейин ўзингиз учун тахминий жадваллар тузинг. Борди-ю, олдинлари кашшофлик қилган бўлсангиз, ҳозирги шароитларингиз бунга йўл қўйиш-қўймаслиги ҳақида ўйлаб кўринг.

Оила аъзоларингиздан кимдир бир ой ёки бундан кўпроқ вақт давомида кўмакчи кашшоф бўлиб хизмат қила оладими? Мабодо камқувват бўлсангиз, ҳар куни хизматга оз-оздан вақт ажратиб, кўмакчи кашшофнинг соат нормасини бажаришингиз мумкин. Мактабда ўқиётганингиз ёки кун бўйи ишлаётганингиз учун хизматга кўп вақт ажрата олмасангиз, балки 5 та шанба-якшанбаси ё байрам кунлари бор ойда кўмакчи кашшоф сифатида хизмат қиларсиз. Календарингизда кўмакчи кашшофликни қачон олмоқчи эканингизни белгилаб қўйинг ва хизмат учун жадвал тузинг. (Ҳк 21:5)

«ЖАСОРАТЛИ БЎЛИНГ — КАШШОФЛАР» НОМЛИ ВИДЕОНИ ТОМОША ҚИЛГАЧ, ҚУЙИДАГИ САВОЛЛАРГА ЖАВОБ БЕРИНГ:

• Эмма опамизга Яҳова қай йўсин ғамхўрлик қилган? Бундан қандай сабоқ оляпмиз?