Сизга қайси тароналар энг кўп ёқади ва нега? Тароналарнинг видеоларидаги саҳналар кундалик ҳаётимиздан олинишини сездингизми? Ҳар бир киши турли-туман мавзудаги ва мусиқий жанрдаги тароналардан ўзига мосини топиши мумкин. Лекин мазкур тароналар ҳамда мусиқий видеолар шунчаки ўйин-кулги учун яратилмаган.

Ҳар бир таронадан ҳаётимизда ва хизматимизда асқатадиган амалий сабоқлар олишимиз мумкин. Баъзи тароналар меҳмондўстлик, бирлик, дўстлик, жасорат, севги ва имон каби мавзуларга бағишланган. Бошқаларида эса Яҳова, кечиримли бўлиш, ҳар куни бенуқсонликни сақлаш ва маънавий мақсадлар пайида бўлиш ҳақида куйланади. Ҳатто смартфонлардан мувозанат билан фойдаланиш тўғрисидаги тарона ҳам бор. Тароналардан яна қандай амалий сабоқлар олдингиз?

«ЖАННАТ ЯҚИНДИР» НОМЛИ ТАРОНАНИНГ ВИДЕОСИНИ ТОМОША ҚИЛГАЧ, ҚУЙИДАГИ САВОЛЛАРГА ЖАВОБ БЕРИНГ:

• Ёши катта жуфтлик келажакдаги қайси баракалар ҳақида фикр юритяпти? (Ибт 12:3)

• Яҳова Ўз ваъдаларини бажара олишига бўлган ишончимизни қандай мустаҳкамлашимиз мумкин?

• Яқин орада кимлар билан дийдор кўриша оламиз?

• Қай йўсин Шоҳликка бўлган умид ҳозирги синовларга бардош қилишимизга кўмаклашади? (Рм 8:25)