«Ёшларнинг ҳиссий саломатлиги хавф остида ва бунинг асосий сабабларидан бири ижтимоий тармоқлардир». (Шифокор Вивек Мёрти, АҚШ тиббиёт бошқармасининг раҳбари, «New York Times» 2014 йил 17 июнь)

 Қай йўсин ота-оналар фарзандларини ижтимоий тармоқларнинг хавфидан ҳимоялай олади? Муқаддас Китобда амалий маслаҳатлар келтирилган.

 Қуйидаги Муқаддас Китоб принципларини кўриб чиқинг:

 «Заковатли... ҳар бир қадамини ўйлаб босади». (Ҳикматлар 14:15)

 Хавфни инобатга олинг ва фарзандингизга «ижтимоий тармоқлардан фойдаланишига рухсат беришим керак» деб ўйламанг. Болангизга ижтимоий тармоқлардан фойдаланишига рухсат беришдан олдин у ўрнатилган вақт чекловига амал қилиш, тўғри дўстларни танлаш ва номаъқул контентлардан фойдаланмаслик учун етарлича ақли расо эканига ишонч ҳосил қилинг.

•   Кўпроқ билиб олиш учун турли тилларда чиққан «Фарзандим ижтимоий тармоқлардан фойдаланиши керакми?» ва «Ўсмир фарзандингизга ижтимоий тармоқлардан тўғри фойдаланишни ўргатинг» номли мақолаларни ўқинг.

 «Ҳар фурсатдан унумли фойдаланинглар». (Эфесликларга 5:16)

 Болангизга ижтимоий тармоқлардан фойдаланишига рухсат берсангиз, қандай фойдаланиш борасида қоидалар ўрнатинг ва фарзандингизга қай йўсин улар уни ҳимоя қилишини тушунтиринг. Унинг хулқ-атворидаги ҳар қандай ўзгаришга эътиборли бўлинг. Балки, улар фарзандингизнинг ижтимоий тармоқлардан қандай фойдаланишига бирон ўзгариш киритишга эҳтиёж туғилганини кўрсатар.

•   Болангизга нега чекловлар ўрнатиш кераклигини тушунтириш учун «Ижтимоий тармоқлардан оқилона фойдаланинг» номли анимацион роликни кўриб муҳокама қилинг.

 Муқаддас Китобда айтилишича, биз «ниҳоятда оғир вақтлар»да яшаяпмиз. (2 Тимўтийга 3:1–5) Шу билан бирга у ерда курашишимизга ёрдам берадиган ва ҳечам эскирмайдиган амалий маслаҳатлар бор. Ота-она ва уларнинг фарзандларига мўлжалланган ўсмирларнинг ҳиссий соғлиғига оид Муқаддас Китобга асосланган 20 дан ошиқ мақолалар рўйхатини топишингиз мумкин.