Михо 2:1–13
2 «Зарар келтиришни режа қилаётганлар,Тўшагида ёвузликни ўйлаб ётганлар ҳолига вой!Билагида кучи борлиги учун,Тонг отганда улар ниятини амалга оширади+.
2 Улар бировнинг даласини истаб қолса, уни тортиб олади+,
Уйини ёқтириб қолса, уни ўзига олади.
Алдов йўли билан одамни уйидан+,
Ўз меросидан маҳрум қилади.
3 Шунинг учун Яҳова демоқда:
“Бу халқнинг бошига қочиб қутулиб бўлмайдиган+ бир фалокат келтиришни ўйлаб қўйганман+.
Энди керилиб юрмайсиз+, чунки бу мусибат пайти бўлади+.
4 Ўша куни одамлар сиз ҳақингизда бир нақл айтиб,Сиз учун аччиқ йиғлайди+.
Улар: “Боримиздан айрилдик!+
У халқимизга тегишли улушни бошқа бировга берди. Улушимизни биздан тортиб олди!+
Далаларимизни бевафо кимсага топширди”,— деб айтади.
5 Шундай экан, орангизда ўлчов ипи биланЯҳованинг жамоатида ерни тақсимлаб берадиган одамингиз бўлмайди.
6 Улар: “Ваъз қилманг!Бу нарсалар ҳақида ваъз қилмаслигингиз керак.Биз шарманда бўлмаймиз!” — дейди.
7 Эй Ёқуб хонадони, ахир шундай дейилганини эшитмаганмисиз:
“Яҳованинг сабри тугадими?*
Наҳотки бу Унинг ишлари бўлса?!”
Наҳотки Менинг сўзларим тўғри юрганларга яхшилик келтирмаса?!
8 Охирги пайтлар Ўз халқим душман каби қарши чиқди.
Сизлар урушдан қайтаётгандай тинчгина ўтиб бораётганларнингКийимидан* қимматбаҳо зеб-зийнатларни очиқчасига ечиб оляпсиз.
9 Халқимнинг аёлларини шинам уйларидан ҳайдаб чиқардингиз,Болаларини Менинг ажойиб баракаларимдан бутунлай маҳрум қилдингиз.
10 Қани туринглар, бу ердан кетинглар, чунки бу юрт тинч яшайдиган жой эмас.
Булғангани учун+ бу ер вайрон бўлади, даҳшатли вайронагарчилик юз беради+.
11 Агар бекорчи ва ёлғончи одам:
“Мен сизларга шароб ва ўткир ичимлик ҳақида ваъз қиламан”,— деб айтса,
Ўша одам бу халқнинг кўнглини топиб гапирадиган воиздай бўлади!+
12 Эй Ёқуб насли, ҳаммангизни албатта йиғаман.Исроилнинг омон қолганларини албатта тўплайман+.
Яйловдаги сурувдай,Қўрадаги қўйлардай, уларни бир жойга йиғаман+.Одам кўплигидан у ерда шовқин-сурон бўлади”+.
13 Олдларида деворни ёриб ўтувчи юриб боради.Улар ёриб ўтиб, дарвозадан чиқиб кетади+.
Уларнинг шоҳи олдларига тушиб боради.Яҳова уларни бошлаб боради»+.
