Ишаё 54:1–17
54 Яҳова шундай демоқда: «Эй бепушт, туғмаган аёл, қувончдан ҳайқир!+
Эй, тўлғоқ азобини чекмаган аёл+, шодликдан ҳайқир!+Зеро, эрли хотиннинг ўғилларидан кўра,Ташлаб кетилганнинг ўғиллари кўпроқ+.
2 Чодирингни янада кенгайтир+,
Улуғвор чодиринг матосини кенгроқ ёй.
Ҳеч нарсани аяма, чодир арқонларини узайтир,Қозиқларини маҳкам ўрнат+.
3 Чегараларинг ўнгга ва чапга кенгаяди.
Авлодинг халқларга эгалик қилади,Бўш қолган шаҳарларга жойлашади+.
4 Қўрқма+, негаки иснодга қолмайсан+,Ўзингни камситилгандай сезма, умидинг узилмайди.
Ёшлигингда шарманда бўлганингни унутасан,Бевалигингда уятга қолганингни асло эсламайсан».
5 Аллоҳинг шундай демоқда: «Улуғ Яратувчинг+ эринг*+ кабидир,Унинг исми Қўшинлар Сарвари Яҳовадир.Исроилнинг Муқаддас Худоси Халоскорингдир+.
У бутун ернинг Тангриси деб аталади+.
6 Яҳова сени эри ташлаб кетган, азоб чеккан+,Ёшлигида турмуш қуриб, кейин рад этилган хотинни чақиргандай чақириб олди».
7 «Мен сени бир лаҳзага тарк этдим,Бироқ чексиз раҳм-шафқат ила сени қайтараман+.
8 Қаҳрим келиб турганда, юзимни сендан бир зум яширдим+.Аммо чексиз меҳр-садоқатим ила сенга раҳм кўрсатаман»+,— демоқда Халоскоринг+ Яҳова.
9 «Бу Мен учун Нуҳ замонига ўхшайди+.
Ерни тўфон сувлари босмайди деб қасам ичганимдай+,Сенга бошқа ғазабланмасликка, сени жазоламасликка қасам ичаман+.
10 Тоғлар ўрнидан қўзғалса ҳам,Тепаликлар тебранса ҳам,Меҳр-садоқатим сендан тортиб олинмайди+.Тинчлик аҳдим бузилмайди+,— демоқда сенга раҳм кўрсатаётган Яҳова+.
11 — Эй, жабр чеккан+, бўрон тагида қолган, тасалли топмаган аёл+,Тошларингни қоришма билан мустаҳкамлайман,Пойдеворингни сапфирлардан соламан+.
12 Деворларингни ёқутдан кўтараман,Дарвозаларингни ялтироқ* тошлардан ясайман,Бутун чегараларингни қимматбаҳо тошлардан ўрнатаман.
13 Барча ўғилларинг Яҳовадан таълим олади+,Уларнинг тинчлиги чексиз бўлади+.
14 Одиллигингни барқарор қиласан+,
Жабр-зулмдан йироқ бўласан+,Ҳеч нарсадан қўрқмайсан, сени ҳеч нима даҳшатга солмайди.Чунки булар сенга яқин йўламайди+.
15 Сенга бирортаси ҳужум қилса,Бу Менинг буйруғим бўйича бўлмайди.Сенга ҳужум қилган ҳар ким мағлуб бўлади»+.
16 «Мана, чўғни пуфлаб,Қурол-яроғ ясайдиганҲунармандни Ўзим яратдим.
Вайрон қилувчи кишини ҳам Ўзим яратдим+.
17 Сенга қарши ясалган ҳеч бир қурол ғалаба қозонмайди+.Маҳкамада сенга қарши гапирган тилни айблайсан.
Бу, Яҳова хизматчиларининг меросидир,Мен уларни одил деб биламан»,— демоқда Яҳова+.
