Ишаё 35:1–10
35 Саҳро ва қақраган ер қувонади+,Дашт-биёбон шодланиб, заъфарон каби гуллайди+.
2 Ҳа, у гуллаб-яшнайди+,У севиниб, қувончдан хитоб қилади.
Ливаннинг ҳашамати унга тақдим этилади+,Кармил+ ва Шароннинг+ шуҳрати унга берилади.
Улар Яҳованинг улуғворлигини, Тангримизнинг маҳобатини кўради.
3 Бўшашган қўлларни,Қалтираган тиззаларни мустаҳкамланг+.
4 Юрагини ташвиш босганларга:
«Дадил бўлинг. Қўрқманг.
Мана, Худойингиз интиқом учун,Қасос олиш учун келмоқда+.
У келиб, нажот беради»+,— деб айтинг.
5 Ўшанда кўрларнинг кўзлари очилади+,Карларнинг қулоқлари эшитади+.
6 Чўлоқ одам кийик каби сакрайди+,Соқовнинг тили қувонч ила хитоб қилади+.
Саҳрода булоқлар қайнаб чиқади,Дашту биёбонда сойлар оқади.
7 Қақраган ер қамишли кўлга,Қақшаган ер чашмалар диёрига айланади+.
Чиябўрилар уясида, улар ором олган жойда+Ўт-ўлан, қамиш ва папирус ўсади.
8 У ердан катта йўл ўтади+,Бу йўл «Муқаддаслик йўли» деб аталади.
Нопок одам ундан юрмайди+.
Лойиқларгина ундан юради,Аҳмоқ одам бу йўлга адашиб кириб қолмайди.
9 Бу йўлда шер ҳам,Йиртқич ҳайвон ҳам бўлмайди.
Улар бу йўлда учрамайди+,Тўлов эвазига сотиб олинганлар юради, холос+.
10 Яҳова қутқарган кишилар шодон хитоблар+ ила Сионга қайтиб келади+.
Улар чексиз қувонч тожини кияди+.
Шод-хуррамлик ва севинч уларни қамрайди,Қайғу-алам ва оҳу нола йўққа чиқади+.
