Ишаё 29:1–24
29 «Ориёлнинг*, Довуд қароргоҳ қурган+ Ориёл шаҳрининг ҳолига вой!
Байрамларингиз байрамларга уланиб+,Йилдан-йилга давом этсин.
2 Бироқ Ориёл бошига бало келтираман+,У ерда мотам, дод-фарёд кўтарилади+,У Мен учун қурбонгоҳ ўчоғидай бўлиб қолади+.
3 Сенинг ҳар томонингда қароргоҳ қураман,Қозиқдевор билан сени қуршовга оламан,Сенга қарши қамал иншоотларини барпо этаман+.
4 Сен қулаб тушасан,Ердан гапирасан,Сўзларинг тупроқдан чиққандай зўрға эшитилади.
Ердан келган овозинг+Арвоҳ чақирувчининг овозидек бўлиб,Сўзларинг тупроқдан шивирлаб эшитилади.
5 Бир тўда душманларинг чангдай+,Бир гала золимлар шамол учирган сомондай бўлади+.
Бу тўсатдан, бир зумда юз беради+.
6 Қўшинлар Сарвари Яҳова сенга назар солади.Сени момақалдироқ, зилзила, кучли шовқин,Бўрон, довул, ямламай ютадиган олов билан ҳимоя қилади»+.
7 Шунда Ориёлга қарши чиққан+ халқлар оломони —Унга ҳужум қилувчиларнинг бари,Унга қарши кўтарилган қамал миноралари,Унга зулм ўтказувчиларТуш, тунги рўё каби бўлади.
8 Оч одам тушида овқат еса-да,Уйғонганида, очлигича қолади.Чанқаган киши тушида сув ичса-да,Уйғонганида, ташна ва ҳолсиз туради.
Сион тоғига қарши жангга отланган+Барча халқлар оломони ҳам шундай аҳволга тушади.
9 Ажабланинг, ҳайратда қолинг+,Ўзингизни кўр қилиб, ожиз бўлиб қолинг+.
Улар маст, аммо шаробдан эмас,Улар гандиракламоқда, лекин ичкиликдан эмас.
10 Чунки Яҳова сизни қаттиқ ухлатиб қўйди+.Эй пайғамбарлар+, У кўзларингизни бекитди.Эй, ваҳий кўрувчилар+, У бошларингизни ёпиб қўйди.
11 Ҳар бир ваҳий сизлар учун муҳрланган китобдаги сўзлардай бўлади+. Уни ўқий оладиган кишига бериб: «Буни овоз чиқариб ўқинг»,— дейишади, у эса: «Мен ўқий олмайман, чунки у муҳрланган»,— дейди.
12 Улар китобни ўқий олмайдиган кишига бериб: «Буни ўқинг»,— дейишади, у жавобан: «Мен ўқишни билмайман»,— дейди.
13 Яҳова шундай демоқда: «Бу халқ Менга тилдагина яқинлашади,Тилдагина Мени ҳурмат қилади+,Қалби эса Мендан йироқдир.Инсоний амрларни ўрганиб, буни Мендан қўрқиш деб ҳисоблайди+.
14 Шу боис, Мен яна бу халқ олдида ажойиб ишларни амалга ошираман+,Ҳайратли, ғаройиб ишлар қиламан.Доноларнинг донолигини йўққа чиқараман,Ақл-идрокли кишининг тушунчаси йўқолиб кетади»+.
15 Ниятларини Яҳовадан яширишга уринаётганлар ҳолига вой!+
Улар ишларини қоронғи жойда қилади-да:«Бизни ким ҳам кўрарди?!
Нималар қилаётганимизни ким ҳам биларди?!»+ — дейди.
16 Сизлар ниҳоятда бузилиб кетдингиз!
Наҳотки, лой кулол билан тенг бўлса?!+
Буюм ўз яратувчиси борасида:
«У мени ясагани йўқ»+,
Ясалган нарса унга шакл берган киши тўғрисида:
«У ҳеч нарсани тушунмайди!»+ — дейдими?
17 Қисқа вақт ичида Ливан боққа айланади+,Боғ эса ўрмон деб ҳисобланади+.
18 Ўша куни қулоғи карлар китобдаги сўзларни эшитади,Кўзи кўрлар қоронғилигу зулматдан қутулиб, кўра бошлайди+.
19 Яҳова камтарларнинг чексиз қувончи бўлади,Камбағаллар Исроилнинг Муқаддас Худоси туфайли севинч топади+.
20 Чунки золимларнинг куни битади,Мақтанчоқлар ҳалок бўлади,Ёмонлик қилишга шай турганларнинг бари қириб ташланади+.
21 Ёлғон гапириб, ўзгаларни айблаганлар,Шаҳар дарвозаси олдидаги+ қўриқчига тузоқ қўйганлар,Пуч далиллар ила одил кишини адолатдан маҳрум этганлар+ йўқ бўлади.
22 Шу боис, Иброҳимни қутқарган Яҳова+ Ёқуб хонадонига демоқда:
«Ёқуб бошқа шарманда бўлмайди,Бундан буён юзи бўзармайди*+.
23 Чунки у атрофида йиғилган,Қўлларим ижоди бўлмиш фарзандларини кўрганда+,Улар Менинг исмимни улуғлайди.Ҳа, улар Ёқубнинг Муқаддас Худосини улуғлайди,Исроил Тангрисига иззат-ҳурмат кўрсатади+.
24 Йўлдан адашганлар ақл-идрокка эга бўлади,Нолиганлар насиҳатни қабул қилади».
Изоҳлар
^ Тахминий маъноси «Худонинг қурбонгоҳ ўчоғи». Қуддусга ишора қилинган бўлиши мумкин.
^ Яъни уят ва умидсизликдан.
