Забур 36:1–12
Ижрочилар раҳбари учун кўрсатма. Яҳова хизматчиси Довуднинг саноси.
36 Ёвуз одамнинг қалби тубида гуноҳ пичирлайди,Унинг кўзларида худотарсликдан нишон ҳам йўқ+.
2 У ўзига бино қўйгани боис,Хатосини пайқамайди ҳам, ундан жирканмайди ҳам+.
3 Оғзидан ёмон ва ёлғон гаплар чиқади,Яхшилик қилиш нима эканини тушунишга ақли етмайди.
4 Ҳатто ётоғида ҳам ёмонлик қилиш режасини тузади.
У эгри йўлда туради,Ёмонликдан юз ўгирмайди.
5 Эй Яҳова, севгинг* самоларгача+,Садоқатинг булутларгача етади.
6 Одиллигинг маҳобатли тоғлардайдир+,Ҳукмларинг бепоён, тубсиз уммон кабидир+.
Сен инсонни ҳам, ҳайвонни ҳам омон сақлайсан, эй Яҳова!+
7 Меҳр-садоқатинг нақадар бебаҳодир, эй Тангрим!+
Қанотларинг соясида инсон ўғилларипаноҳ топади+.
8 Улар уйингдаги мўл-кўл ноз-неъматлардан еб тўяди+,Сен уларга лаззатга тўла дарёнгдан ичдирасан+.
9 Ҳаёт манбаи Сендадир+,Сенинг нуринг туфайли биз нурни кўра оламиз+.
10 Сени биладиганларга меҳр-садоқатингни+,Қалби тўғриларга адолатингни намоён этишни тўхтатма+.
11 Такаббурларнинг оёғи мени топташига,Ёвузларнинг қўли мени сарсон қилишига йўл қўйма.
12 Ана, бадкирдорлар қулади,Улар йиқилиб, туролмай қолди+.
Изоҳлар
^ Ёки «меҳр-садоқатинг».
