Забур 119:1–176
-
Аллоҳ Каломи учун миннатдорлик
א [Алеф]
119 Бенуқсон ҳаёт кечирадиган,
Яҳованинг қонуни бўйича юрадиган инсонлар бахтлидир!+
2 Унинг эслатмаларига риоя этадиган+,Бутун қалби билан Уни излайдиган кишилар саодатлидир!+
3 Улар адолатсизлик қилмайди,Улар Худонинг йўлларидан юради+.
4 Фармонларингга сидқидилдан амал қилишниСен бизга буюрган эдинг+.
5 Қоидаларингга риоя этиш учун,Қанийди, барқарор бўлиб қолсам эди!+
6 Шунда барча амрларингни бажариб,Шарманда бўлмас эдим+.
7 Одил ҳукмларингни ўрганаётиб,Тўғри қалб билан Сени мадҳ этаман.
8 Сенинг қоидаларингга риоя қиламан.
Мени асло ёлғиз ташлаб кетма.
ב [Бет]
9 Йигит йўлини қандай пок сақлай олади?
Каломингга мувофиқ йўл тутиб, бунга эришади+.
10 Бутун қалбим билан Сени излайман.
Амрларингдан четга чиқиб кетишимга йўл қўйма+.
11 Сенга қарши гуноҳ қилмаслик учун+,Айтганларингни қалбимда асраб-авайлайман+.
12 Эй Яҳова, Сенга мадҳлар бўлсин!Қоидаларингни менга ўргат.
13 Чиқарган барча ҳукмларингниЎз оғзим билан эълон қиламан.
14 Барча қимматбаҳо нарсалардан кўра+,Эслатмаларингдан кўпроқ қувонч топаман+.
15 Буйруқларинг устида мулоҳаза юритаман*+,Нигоҳимни йўлларингга қаратаман+.
16 Низомларингни яхши кўраман,
Айтган сўзингни эсимдан чиқармайман+.
ג [Гимел]
17 Хизматкорингга яхшилик қил,Токи яшаб, каломингга риоя этай+.
18 Кўзларимни оч,Токи қонунингдаги ажойиботларни аниқ кўра олай.
19 Бу юртда мен бир мусофирман+.
Амрларингни мендан яширма.
20 Ҳукмларингни кутаверибОзиб-тўзиб кетдим.
21 Амрларингдан четга чиққан ўзбилармон,Лаънати кишиларга танбеҳ бердинг+.
22 Мазах қилиб, мендан ҳазар қилишларига йўл қўйма,Чунки амрларингга риоя этиб юрганман.
23 Ҳатто беклар бирлашиб, менга қарши гапирса ҳам,Хизматкоринг қоидаларинг устида мулоҳаза юритади.
24 Эслатмаларингни яхши кўраман+,Улар менинг маслаҳатчиларимдир+.
ד [Далет]
25 Мен тупроқда юзтубан ётибман+.
Айтган сўзингга мувофиқ жонимни омон сақла+.
26 Йўлларимни Сенга билдирдим, Сен менга жавоб бердинг,Қоидаларингни менга ўргат+.
27 Фармонларинг мағзини чақишимга ёрдам бер,Токи ажойиб ишларинг устида мулоҳаза юритай+.
28 Қайғу-алам дастидан тунлари бедорман.
Ўзинг айтганингдай менга куч ато эт.
29 Ёлғон йўлдан мени асра+,Марҳамат кўрсатиб, менга қонунингни ўргат.
30 Мен садоқат йўлини танлаганман+.
Ҳукмларинг тўғри эканини тан оламан.
31 Эслатмаларингга боғланиб қолганман+.
Эй Яҳова, умидим пучга чиқишига* йўл қўйма+.
32 Амрларингни бажариш пайида юраман.Зеро, улар учун қалбимда жой ҳозирладинг*.
ה [Хе]
33 Эй Яҳова, қоидаларингга риоя этишни менга ўргат+,Умримнинг охиригача уларга амал қиламан+.
34 Менга фаҳм-идрок бер,Токи қонунингни бажарай,Бутун қалбим билан унга амал қилай.
35 Амрларинг йўлидан мени етаклаб бор+.Боиси, мен улардан завқ оламан.
36 Қалбимни тамагирликка эмас,Эслатмаларингга мойил қил+.
37 Ярамас нарсадан кўзимни олиб қочишимга ёрдам бер+,Ўз йўлингда ҳаётимни сақла.
38 Хизматчингга берган ваъданг устидан чиқ,Токи Сендан қўрқадиган бўлсин*.
39 Шармандаликдан қўрқаман, уни мендан узоқ қил,Зеро, ҳукмларинг адолатлидир+.
40 Буйруқларингга ташнаман.
Одиллигинг ҳаққи жонимни омон сақла.
ו [Вав]
41 Эй Яҳова, меҳр-садоқатингни ўзимда ҳис қилай+,Ваъдангга кўра менга нажот бер+.
42 Шунда мени мазах қилаётганга жавоб қайтара оламан,Чунки Сенинг сўзингга ишонаман.
43 Ҳақиқат сўзини оғзимдан буткул олиб қўйма,Зеро, ҳукмларингга умид боғлаганман.
44 Қонунингга доимо,Абадулабад амал қиламан+.
45 Фармонларингни бажарганим учун,Хавфсиз ерда юраман+.
46 Шоҳлар олдида ҳам эслатмаларингни айтаман,Ҳечам уятга қолмайман+.
47 Амрларингни яхши кўраман,Ҳа, мен уларни севаман+.
48 Амрларингни севганим учун+ қўлларимни кўтариб ибодат қиламан,Қоидаларинг устида мулоҳаза юритаман+.
ז [Зайин]
49 Хизматкорингга берган ваъдангни ёдга ол,Ахир ваъда бериб мени умидвор қилгансан-ку!
50 Қайғули кунимда бу менга тасалли беради+,Чунки айтганларинг жонимни омон сақлади.
51 Ўзбилармон кишилар тинмай устимдан кулса-да,Қонунингни бажаришдан бош тортмайман+.
52 Эй Яҳова, қадимда берган ҳукмларингни ёдга оламан+,Улардан тасалли топаман+.
53 Қонунингни бажаришдан юз ўгирганЁвузлардан қаттиқ жаҳлим чиқади+.
54 Қаерда яшамай,Қоидаларингни қўшиқ қилиб айтиб юраман.
55 Қонунингни бажаришим учун,Эй Яҳова, тунда ҳам исмингни ёдга оламан+.
56 Фармонларингга амал қилганим учун,Бундай қилишга одатланганман.
ח [Хет]
57 Яҳова менинг улушимдир+,Унинг айтганларини бажаришга ваъда берганман+.
58 Бутун қалбим билан Сенга ёлвораман+,Ваъдангга кўра менга илтифот кўрсат+.
59 Қадамларимни эслатмаларинг томон буриш учун,Йўлларимни текширдим+.
60 Амрларингни бажаришгаОшиқаман ва кечикмайман+.
61 Ёвузлар арқони мени ўраб олди,Аммо мен қонунингни эсдан чиқармадим+.
62 Адолатли ҳукмларинг туфайлиЯрим тунда уйғониб Сенга раҳматлар айтаман+.
63 Фармонларингни бажарадиган,Сендан қўрқадиган кишиларнинг дўстиман+.
64 Эй Яҳова, ер юзи меҳр-садоқатингга тўла+,Қоидаларингни менга ўргат.
ט [Тет]
65 Эй Яҳова, сўзингга биноанЎз хизматкорингга яхши муомала қилдинг.
66 Менга фаросат ва билим бер+,Зеро, амрларингга ишонаман.
67 Азоб чекишимдан аввал йўлдан адашардим,Энди бўлса айтганларингга риоя қилиб юрибман+.
68 Сен яхшисан+, ишларинг ҳам яхшидир.
Менга қоидаларингни ўргат+.
69 Ўзбилармонлар ёлғон гапириб обрўйимни тўкяпти,Мен эса чин юракдан фармонларингга амал қиламан.
70 Уларнинг юрагини ёғ босган+,Лекин мен қонунингни яхши кўраман+.
71 Азоб чекканим фойда берди+,Шу йўсин қоидаларингни чуқурроқ тушуниб етдим.
72 Кўп олтину кумушдан кўра+,Эълон қилган қонунинг мен учун яхшидир+.
י [Йод]
73 Қўлларинг билан мени яратиб, шакл бергансан.
Амрларингни ўрганишим учунМенга фаҳм-идрок бер+.
74 Сендан қўрқадиганлар мени кўриб қувонади,Чунки Сенинг каломингга умид боғлаганман+.
75 Эй Яҳова, ҳукмларинг адолатли эканини+,Садоқатинг ҳаққи менга жазо берганингни биламан+.
76 Хизматкорингга берган ваъдангга биноанИлтимос, меҳр-садоқатинг+ менга тасалли бўлсин.
77 Яшашим учун менга раҳм-шафқат кўрсат+,Чунки Сенинг қонунингни яхши кўраман+.
78 Ўзбилармон кишилар шарманда бўлсин,Боиси, улар бесабаб менга ёмонлик қиляпти*.
Мен эса буйруқларинг устида мулоҳаза юритаман+.
79 Сендан қўрқадиган,Эслатмаларингни биладиган кишилар олдимга қайтсин.
80 Уятга қолмаслик учун+,Қоидаларингни бутун қалбим билан бажарай+.
כ [Каф]
81 Нажот беришингга муштоқман+,Зеро, каломингга умид боғлаганман.
82 Ваъданг амалга ошишини кутиб кўзим тўрт бўлди!+«Қачон менга тасалли берасан?»+ — дея сўрайман.
83 Тутундан қуриб қолган мешга ўхшаб қолдим,Аммо қоидаларингни унутмадим+.
84 Хизматкоринг яна қанча кутсин?
Мени таъқиб этаётганларни қачон ҳукм қиласан?+
85 Ўзбилармон кишилар,Қонунингни менсимаганлар менга чоҳ қазийди.
86 Барча амрларинг ишончлидир.
Одамлар мени сабабсиз таъқиб қиляпти, менга ёрдам бер!+
87 Улар мени ер юзидан йўқ қилиб юборишига оз қолди,Мен эса фармонларингдан четга чиқмадим.
88 Айтган эслатмаларингга риоя қилишим учун,Жонимни омон сақла, чунки Сен меҳр-садоқатлисан.
ל [Ламед]
89 Эй Яҳова, Сенинг сўзингСамолар сингари доим бор бўлади+.
90 Авлодлар оша садоқатингни намоён этасан+.Ерни мустаҳкам ўрнатганинг учун, у ҳамон турибди+.
91 Фармонларинг туфайли улар* бугунгача бор,Уларнинг бари Сенинг хизматчиларингдир.
92 Борди-ю, қонунингни яхши кўрмаганимда,Қайғу-аламим дастидан адо бўлардим+.
93 Фармонларингни асло унутмайман,Зеро, улар орқали жонимни омон сақлаб қолдинг+.
94 Мен Сенга тегишлиман, мени қутқар+,Чунки фармонларингга итоат этиш пайида юраман+.
95 Ёвузлар мени йўқ қилиш учун фурсат пойлайди,Мен бўлсам эслатмаларингга диққат билан қарайман.
96 Ҳар қандай мукаммалликнинг чегарасини кўрганман,Сенинг амрларинг чегараси эса йўқ.
מ [Мем]
97 Қонунингни қанчалар яхши кўраман!+
Кун бўйи у ҳақида мулоҳаза юритаман+.
98 Амрларинг мени душманларимдан ҳам донороқ қилди+,Чунки улар доимо менга йўл кўрсатади.
99 Эслатмаларинг устида мулоҳаза қилганим учун,Барча устозларимдан ҳам фаҳм-фаросатлироқ бўлдим+.
100 Фармонларингга риоя этганим учун,Ёши улуғ одамлардан кўра ақл-идрок билан иш қилдим.
101 Каломингга амал қилиш учун,Ҳар қандай ёмон йўлдан ўзимни тийдим+.
102 Менга панд-насиҳат бериб турганинг боис,Ҳукмларингдан оғиб кетмадим.
103 Сўзларинг бунча ширин бўлмаса!Улар оғзим учун асалдан ҳам тотлидир!+
104 Фармонларинг туфайли ақл-идрок билан йўл тутаман+.
Шу боис, ҳар қандай ёмон йўлдан нафратланаман+.
נ [Нун]
105 Сенинг каломинг қадамларим учун чироқдир,Йўлимни ёритадиган нурдир+.
106 Адолатли ҳукмларингга риоя қиламан деб онт ичдим,Айтган сўзимда тураман.
107 Қаттиқ азобда қолдим+,
Эй Яҳова, сўзингга мувофиқ жонимни омон сақла+.
108 Эй Яҳова, ҳамду санодан иборат ихтиёрий назрларимни қабул қил+,Менга ҳукмларингни ўргат+.
109 Ҳаётим доимо хавф остида,Аммо қонунингни эсимдан чиқармадим+.
110 Ёвузлар менга тузоқ қўйди,Лекин Сенинг фармонларингдан оғмадим+.
111 Эслатмаларингни абадий мулким қилиб олдим,Улар қалбимга қувонч бахш этади+.
112 Мен доимо, ҳаётимнинг охиригачаҚоидаларингга итоат этишга қарор қилдим.
ס [Самех]
113 Қалби иккига бўлинган кишилардан нафратланаман+,Лекин Сенинг қонунингни севаман+.
114 Сен бошпанам ва қалқонимсан+,Сенинг каломингга умид боғлаганман+.
115 Эй ёвузлар, мендан нари туринг!+Токи Худойимнинг амрларини бажарай.
116 Ваъда берганингдай, менга таянч бўл+,Шунда яшайман.Умидим пучга чиқишига йўл қўйма+.
117 Омон қолишим учун менга таянч бўл+,Шунда эътиборимни ҳамиша қоидаларингга қаратаман+.
118 Қоидаларингдан четга чиққан кишилардан юз ўгирасан+,Чунки улар иккиюзламачи ва ёлғончидир.
119 Сен ер юзидаги барча ёвузларни ахлатдай улоқтирасан+.
Шу боис, эслатмаларингни севаман.
120 Сендан қўрққанимдан аъзойи баданим титраяпти,Сенинг ҳукмларингдан қўрқаман.
ע [Айин]
121 Мен ҳаққоният ва одиллик билан иш тутдим.
Золимларнинг қўлига мени топшириб қўйма!
122 Хизматкорингга ёрдам бераман деб ваъда бер,Ўзбилармон кишилар менга жабр-зулм қилмасин.
123 Нажотингни ва ишончли ваъдангни+ кутаверибКўзларим толиқди+.
124 Хизматкорингга меҳр-садоқатингни намоён эт+,Менга қоидаларингни ўргат+.
125 Эслатмаларингни тушунишим учун,Хизматкорингга фаҳм-идрок бер+.
126 Яҳова учун чора кўрадиган пайт келди+,Чунки улар қонунингни бузди.
127 Ҳа, Сенинг амрларингниОлтиндан, тоза олтиндан ҳам кўпроқ севаман+.
128 Шу боис, ҳар бир йўл-йўриғингни тўғри деб тан оламан+,Ҳар қандай ёмон йўлдан нафратланаман+.
פ [Пе]
129 Эслатмаларинг ажойибдир.
Шу сабабли, уларга риоя қиламан.
130 Сўзларинг маъноси очилганда нур таралади+,
Тажрибасиз кишига фаҳм-идрок беради+.
131 Амрларингга ташна бўлганимданОғзимни катта очиб, тез-тез нафас оламан+.
132 Менга назар ташлаб илтифот кўрсат+,Ахир исмингни севадиганларга шундай муомала қиласан-ку!+
133 Айтганингга биноан мени йўналтир,Ёвузлик мени бошқаришига йўл қўйма+.
134 Фармонларингни бажаришим учун,Зулмкорлардан мени қутқар.
135 Хизматкорингга юзинг нурини тарат+,Менга қоидаларингни ўргат.
136 Одамлар қонунингга амал қилмаётгани учун,Кўзларимдан дув-дув ёш тўкилади+.
צ [Цаде]
137 Эй Яҳова, Сен одилсан+,Ҳукмларинг адолатлидир+.
138 Берган эслатмаларинг адолатли,Тамомила ишончлидир.
139 Душманларим сўзларингни унутгани учун,Рашким ичимда олов бўлиб ёняпти+.
140 Сенинг сўзларинг тамоман покдир*+,Шу боис, хизматкоринг уларни севади+.
141 Бошқалар учун қадрсиз, жирканч одам бўлсам-да+,Фармонларингни эсимдан чиқармадим.
142 Сенинг одиллигинг мангудир+,Қонунинг эса ҳақиқатдир+.
143 Бошимга қайғу-алам ва қийинчилик тушса-да,Сенинг амрларингни яхши кўравераман.
144 Адолатли эслатмаларинг абадийдир.
Яшашим учун менга фаҳм-идрок бер+.
ק [Қоф]
145 Бутун қалбдан Сенга ёлвораман, эй Яҳова, жавоб бер.
Сенинг қоидаларингга риоя этаман.
146 Ўтиниб сўрайман мени қутқар!
Сенинг эслатмаларингга амал қиламан.
147 Ёрдам сўраш учун тонг отмасдан уйғонаман+,Зеро, Сенинг каломингга умид боғлаганман.
148 Айтганларинг борасида мулоҳаза юритиш учун,Ярим тунда уйғониб оламан+.
149 Меҳр-садоқатинг ила овозимга қулоқ сол+.
Эй Яҳова, адолатинг ҳаққи жонимни омон сақла.
150 Бузуқлик* қилиб юрганлар, менга яқинлашди,Улар қонунингдан йироқда.
151 Эй Яҳова, Сен менга яқинсан!+Сенинг барча амрларинг ҳақиқатдир+.
152 Абадий турсин дея ўрнатган эслатмаларингни+Анчадан бери ўрганиб келаман.
ר [Реш]
153 Қайғу-алам чекаётганимни кўриб, мени қутқар+,Чунки Сенинг қонунингни унутганим йўқ.
154 Мени ҳимоя қилиб*, халос эт+,Ваъдангга биноан жонимни омон сақла.
155 Ёвузлар нажот топа олмайди,Чунки улар қоидаларингга риоя қилмайди+.
156 Эй Яҳова, раҳм-шафқатинг чексиздир!+
Адолатинг ҳаққи жонимни омон сақла.
157 Таъқиб қилувчилару душманларим жуда кўп+,Аммо мен эслатмаларингдан четга чиқмадим.
158 Хоинларга нафрат билан қарайман,Чунки улар айтганларингга риоя этмайди+.
159 Фармонларингни қанчалик севишимга бир қара!
Эй Яҳова, меҳр-садоқат ила жонимни омон сақла+.
160 Каломинг асоси ҳақиқатдир+,Барча адолатли ҳукмларинг мангу туради.
ש [Син] ёки [Шин]
161 Беклар мени сабабсиз таъқиб қиляпти+,Мен эса сўзларингни чуқур ҳурмат қиламан+.
162 Катта ўлжани қўлга киритган кишидай,Сўзларингдан шод бўламан+.
163 Мен ёлғондан нафратланаман, ундан жирканаман+.Қонунингни эса севаман+.
164 Адолатли ҳукмларинг учун,Кунига етти марта Сенга ҳамду сано айтаман.
165 Қонунингни севганлар тинч-осойишта яшайди+,Уларни ҳеч нарса қоқинтира олмайди.
166 Эй Яҳова, мени қутқаришингга умид боғлайман,Сенинг амрларингга риоя қиламан.
167 Эслатмаларингни бажараман,Уларни жудаям севаман+.
168 Фармонларингу эслатмаларингга амал қиламан,Ахир Сен ҳамма ишларимдан хабардорсан-ку!+
ת [Тав]
169 Ёрдам сўраб қилган нолам Сенга етиб борсин, эй Яҳова!+
Ўзинг айтганингдай мени фаҳм-идрокли қил+.
170 Илтижоимга қулоқ сол.
Ваъда берганингдай мени халос эт.
171 Менга қоидаларингни ўргатаётганинг учун,Оғзимдан ҳамду сано тушмасин+.
172 Айтганларингни қўшиқ қилиб куйлайин!+Зеро, барча амрларинг адолатлидир!
173 Қўлинг менга ёрдам беришга шай турсин+,Чунки фармонларингга итоат этишни танлаганман+.
174 Эй Яҳова, нажот беришингни зориқиб кутаман,Қонунингни яхши кўраман+.
175 Сени мадҳ этишим учун жонимни омон сақла+,Фармонларинг менга ёрдам берсин.
176 Йўқолган қўйдай+ йўлдан озганман, хизматкорингни излаб топ,Чунки амрларингни унутганим йўқ+.
Изоҳлар
^ Ёки «Буйруқларингни тадқиқ қиламан».
^ Ёки «шарманда бўлишимга».
^ Бошқа вариант «қалбимга ишонч ато этдинг».
^ Бошқа вариант «Бу ваъдани Сендан қўрқадиганларга бергансан».
^ Бошқа вариант «ёлғон гапиряпти».
^ Яъни У яратганларининг бари.
^ Ёки «оловда синалган».
^ Ёки «Шармандали ишлар».
^ Ёки «Маҳкамада ишимни кўриб чиқиб».
