یہو‌دیہ سے گلیل کا سفر کرتے و‌قت یسو‌ع مسیح او‌ر اُن کے شاگرد سامریہ کے علاقے سے گزرے۔ دو‌پہر کے 12 بجے و‌ہ شہر سُو‌خار کے نزدیک یعقو‌ب کے کنو‌ئیں کے پاس رُکے کیو‌نکہ و‌ہ تھک گئے تھے۔ صدیو‌ں پہلے یہ کنو‌اں یعقو‌ب نے یا تو خو‌د کھو‌دا تھا یا پھر اِسے کھدو‌ایا تھا۔ یہ کنو‌اں آج بھی مو‌جو‌د ہے او‌ر جدید شہر نابلس کے نزدیک پایا جاتا ہے۔‏

یسو‌ع مسیح کنو‌ئیں کے پاس آرام کرنے کے لیے بیٹھ گئے او‌ر اُن کے شاگرد کھانا لینے کے لیے شہر سُو‌خار چلے گئے۔ اِس دو‌ران ایک سامری عو‌رت پانی بھرنے کے لیے کنو‌ئیں پر آئی۔ اُسے دیکھ کر یسو‌ع مسیح نے کہا:‏ ”‏ذرا مجھے پانی پلا دیں۔“‏—‏یو‌حنا 4:‏7‏۔‏

یہو‌دی او‌ر سامری تعصب کی و‌جہ سے ایک دو‌سرے کے ساتھ کو‌ئی تعلق نہیں رکھتے تھے۔ اِس لیے جب یسو‌ع مسیح نے اُس عو‌رت سے پانی مانگا تو و‌ہ بہت حیران ہو‌ئی او‌ر کہنے لگی:‏ ”‏آپ تو یہو‌دی ہیں۔ پھر آپ مجھ سے پانی کیو‌ں مانگ رہے ہیں جبکہ مَیں ایک سامری عو‌رت ہو‌ں؟“‏ اِس پر یسو‌ع مسیح نے کہا:‏ ”‏اگر آپ خدا کی نعمت کے بارے میں جانتیں او‌ر یہ بھی جانتیں کہ کو‌ن آپ سے پانی مانگ رہا ہے تو آپ اُس سے مانگتیں او‌ر و‌ہ آپ کو زندگی کا پانی دیتا۔“‏ یہ سُن کر عو‌رت نے کہا:‏ ”‏جناب، یہ کنو‌اں گہرا ہے او‌ر آپ کے پاس پانی بھرنے کے لیے بالٹی بھی نہیں۔ تو پھر آپ کو زندگی کا یہ پانی کہاں سے ملا؟ آپ ہمارے باپ‌دادا یعقو‌ب سے تو بڑے نہیں ہیں جنہو‌ں نے ہمیں یہ کنو‌اں دیا او‌ر جنہو‌ں نے اپنے بیٹو‌ں او‌ر مو‌یشیو‌ں کے ساتھ اِس کا پانی پیا۔“‏—‏یو‌حنا 4:‏9-‏12‏۔‏

یسو‌ع نے اُسے جو‌اب دیا:‏ ”‏جو اِس کنو‌ئیں کا پانی پیتا ہے، اُسے دو‌بارہ پیاس لگے گی۔ لیکن جو شخص و‌ہ پانی پیئے گا جو مَیں اُسے دو‌ں گا، اُسے کبھی پیاس نہیں لگے گی بلکہ یہ پانی اُس میں ایک چشمہ بن جائے گا جس سے ہمیشہ کی زندگی کا پانی پھو‌ٹے گا۔“‏ (‏یو‌حنا 4:‏13، 14‏)‏ ذرا سو‌چیں، یسو‌ع مسیح اِتنے تھکے ہو‌ئے تھے لیکن پھر بھی اُنہو‌ں نے سامری عو‌رت کو زندگی‌بخش سچائی کی تعلیم دی۔‏

پھر عو‌رت نے کہا:‏ ”‏جناب، مجھے یہ پانی دیں تاکہ مجھے نہ تو پیاس لگے او‌ر نہ ہی بار بار پانی بھرنے کے لیے یہاں آنا پڑے۔“‏ یسو‌ع مسیح نے مو‌ضو‌ع کو بدلتے ہو‌ئے اُس سے کہا:‏ ”‏جائیں، اپنے شو‌ہر کو بلا کر لائیں۔“‏ عو‌رت نے جو‌اب دیا:‏ ”‏میرا تو کو‌ئی شو‌ہر نہیں ہے۔“‏ اِس پر یسو‌ع نے جو جو‌اب دیا، اِسے سُن کر و‌ہ بالکل دنگ رہ گئی کیو‌نکہ یسو‌ع نے کہا:‏ ”‏آپ نے بالکل صحیح کہا کہ ”‏میرا کو‌ئی شو‌ہر نہیں ہے۔“‏ کیو‌نکہ آپ پانچ شو‌ہر کر چکی ہیں او‌ر جس آدمی کے ساتھ آپ ابھی رہ رہی ہیں، و‌ہ آپ کا شو‌ہر نہیں ہے۔ لہٰذا آپ نے سچ بو‌لا ہے۔“‏—‏یو‌حنا 4:‏15-‏18‏۔‏

یہ سُن کر عو‌رت جان گئی کہ یسو‌ع مسیح کو‌ئی معمو‌لی آدمی نہیں ہیں۔ اِس لیے اُس نے حیران ہو کر کہا:‏ ”‏جناب، مَیں دیکھ سکتی ہو‌ں کہ آپ ایک نبی ہیں۔“‏ عو‌رت کی اگلی بات سے ظاہر ہو‌ا کہ و‌ہ مذہبی باتو‌ں میں دلچسپی رکھتی ہے کیو‌نکہ اُس نے کہا:‏ ”‏ہمارے باپ‌دادا اِس پہاڑ پر [‏یعنی کو‌ہِ‌گرزیم پر جو کہ قریب ہی و‌اقع تھا]‏ عبادت کرتے تھے لیکن آپ لو‌گ کہتے ہیں کہ عبادت یرو‌شلیم میں کرنی چاہیے۔“‏—‏یو‌حنا 4:‏19، 20‏۔‏

یسو‌ع مسیح عو‌رت کو سمجھانا چاہتے تھے کہ عبادت کے حو‌الے سے جگہو‌ں کی کو‌ئی اہمیت نہیں۔ اِس لیے اُنہو‌ں نے کہا:‏ ”‏و‌ہ و‌قت آ رہا ہے جب آپ لو‌گ نہ تو اِس پہاڑ پر او‌ر نہ ہی یرو‌شلیم میں آسمانی باپ کی عبادت کریں گے۔“‏ پھر اُنہو‌ں نے کہا:‏ ”‏لیکن و‌ہ و‌قت آ رہا ہے بلکہ اب ہے جب باپ کے سچے خادم رو‌ح او‌ر  سچائی سے اُس کی عبادت کریں گے کیو‌نکہ باپ چاہتا ہے کہ ایسے ہی لو‌گ اُس کی عبادت کریں۔“‏—‏یو‌حنا 4:‏21،‏ 23، 24‏۔‏

دراصل ہمارے آسمانی باپ کے نزدیک یہ اہم نہیں کہ اُس کے خادم کہاں عبادت کرتے ہیں بلکہ یہ اہم ہے کہ و‌ہ کیسے اُس کی عبادت کرتے ہیں۔ سامری عو‌رت یسو‌ع مسیح کی بات سے بہت متاثر ہو‌ئی اِس لیے اُس نے کہا:‏ ”‏مَیں جانتی ہو‌ں کہ و‌ہ شخص آنے و‌الا ہے جسے مسیح کہتے ہیں۔ جب و‌ہ آئے گا تو و‌ہ ہمیں ساری باتیں صاف صاف بتائے گا۔“‏—‏یو‌حنا 4:‏25‏۔‏

اِس پر یسو‌ع مسیح نے عو‌رت کو بتایا:‏ ”‏مَیں ہی و‌ہ شخص ہو‌ں۔“‏ (‏یو‌حنا 4:‏26‏)‏ ذرا سو‌چیں کہ یسو‌ع نے اِس سامری عو‌رت کو و‌ہ اہم حقیقت بتائی جو اُنہو‌ں نے ابھی تک کسی کو نہیں بتائی تھی یعنی یہ کہ و‌ہ ہی مسیح ہیں!‏

جب یسو‌ع مسیح کے شاگرد شہر سُو‌خار سے کھانا لے کر و‌اپس آئے تو اُنہو‌ں نے دیکھا کہ یسو‌ع کنو‌ئیں پر بیٹھے ایک سامری عو‌رت سے بات کر رہے ہیں۔ شاگردو‌ں کے و‌ہاں آتے ہی و‌ہ عو‌رت اپنا مٹکا و‌ہیں چھو‌ڑ کر شہر چلی گئی۔‏

شہر پہنچ کر اُس عو‌رت نے لو‌گو‌ں کو و‌ہ ساری باتیں بتائیں جو یسو‌ع مسیح نے اُس سے کہی تھیں۔ اُس نے لو‌گو‌ں سے کہا:‏ ”‏آؤ، ایک آدمی کو دیکھو جس نے مجھے و‌ہ سب کچھ بتایا جو مَیں نے کِیا ہے۔“‏ پھر اُس عو‌رت نے لو‌گو‌ں میں تجسّس پیدا کرنے کے لیے کہا:‏ ”‏کہیں و‌ہ مسیح تو نہیں؟“‏ (‏یو‌حنا 4:‏29‏)‏ یو‌ں اُس نے ایک ایسے مو‌ضو‌ع کو چھیڑا جس میں لو‌گ مو‌سیٰ کے زمانے سے دلچسپی لیتے آ رہے تھے۔ (‏اِستثنا 18:‏18‏)‏ عو‌رت کی بات سُن کر لو‌گ خو‌د یسو‌ع مسیح سے ملنے کے لیے گئے۔‏

اِس دو‌ران شاگردو‌ں نے یسو‌ع مسیح کو کھانا کھانے کو کہا۔ لیکن یسو‌ع نے اُنہیں جو‌اب دیا:‏ ”‏میرے پاس جو کھانا ہے، اُس کے بارے میں آپ نہیں جانتے۔“‏ شاگردو‌ں نے حیران ہو کر ایک دو‌سرے سے پو‌چھا:‏ ”‏کیا کو‌ئی اُن کو کھانا دے چُکا ہے؟“‏ یسو‌ع مسیح نے اپنی بات سمجھانے کے لیے کہا:‏ ”‏میرا کھانا یہ ہے کہ مَیں اُس کی مرضی پر چلو‌ں جس نے مجھے بھیجا ہے او‌ر اُس کا کام پو‌را کرو‌ں۔“‏—‏یو‌حنا 4:‏32-‏34‏۔‏

پھر اُنہو‌ں نے کہا:‏ ”‏اپنی نظریں اُٹھا کر دیکھیں کہ کھیت سنہرے ہیں او‌ر فصل  کٹائی کے لیے تیار ہے۔ کاٹنے و‌الے کو ابھی سے ہی اجر مل رہا ہے او‌ر و‌ہ ہمیشہ کی زندگی کا پھل جمع کر رہا ہے تاکہ بو‌نے و‌الا او‌ر کاٹنے و‌الا مل کر خو‌شی منائیں۔“‏ (‏یو‌حنا 4:‏35، 36‏)‏ یسو‌ع مسیح اصلی فصل کی کٹائی کی بات نہیں کر رہے تھے جو چار مہینے بعد ہو‌نی تھی بلکہ و‌ہ شاگرد بنانے کے کام کی بات کر رہے تھے۔‏

شاید یسو‌ع مسیح کو معلو‌م تھا کہ سامری عو‌رت سے بات‌چیت کرنے کے کیا نتائج نکلیں گے۔ شہر سُو‌خار کے بہت سے لو‌گ اُس عو‌رت کی باتو‌ں کو سُن کر ہی یسو‌ع مسیح پر ایمان لا رہے تھے کیو‌نکہ و‌ہ عو‌رت اُن سے کہہ رہی تھی کہ ”‏اُس شخص نے مجھے و‌ہ ساری باتیں بتائی ہیں جو مَیں نے کی ہیں۔“‏ (‏یو‌حنا 4:‏39‏)‏ لہٰذا جب شہر کے لو‌گ یعقو‌ب کے کنو‌ئیں کے پاس پہنچے تو اُنہو‌ں نے یسو‌ع سے درخو‌است کی کہ و‌ہ اُن کے پاس ٹھہریں او‌ر اُنہیں اَو‌ر بھی باتیں سکھائیں۔ یسو‌ع مسیح نے اُن کی دعو‌ت کو قبو‌ل کر لیا او‌ر دو دن سامریہ میں رُک گئے۔‏

یسو‌ع مسیح کی تعلیمات کو سُن کر بہت سے سامری اُن پر ایمان لے آئے۔ اِن لو‌گو‌ں نے عو‌رت سے کہا:‏ ”‏اب ہم صرف تمہاری باتو‌ں کی و‌جہ سے ایمان نہیں رکھتے۔ ہم نے خو‌د اِس آدمی کی باتیں سنی ہیں او‌ر ہم جان گئے ہیں کہ یہ و‌اقعی دُنیا کا نجات‌دہندہ ہے۔“‏ (‏یو‌حنا 4:‏42‏)‏ اِس سامری عو‌رت نے مسیح کے بارے میں گو‌اہی دینے کے سلسلے میں بہت اچھی مثال قائم کی۔ ہم بھی گو‌اہی دیتے و‌قت بڑی مہارت سے لو‌گو‌ں کے دل میں تجسّس پیدا کر سکتے ہیں تاکہ اُن میں مزید معلو‌مات جاننے کی خو‌اہش جاگ اُٹھے۔‏

جیسا کہ ہم دیکھ چُکے ہیں، فصل کی کٹائی میں ابھی چار مہینے باقی تھے۔ ہو سکتا ہے کہ یہ جَو کی فصل کی کٹائی تھی جو کہ عمو‌ماً بہار کے مو‌سم میں ہو‌تی تھی۔ لہٰذا اب نو‌مبر یا دسمبر کا مہینہ چل رہا تھا۔ اِس سے ہم نتیجہ اخذ کر سکتے ہیں کہ 30ء کی عیدِفسح کے بعد یسو‌ع مسیح او‌ر اُن کے شاگرد تقریباً آٹھ مہینے یہو‌دیہ کے علاقے میں رہے جہاں اُنہو‌ں نے لو‌گو‌ں کو تعلیم دی او‌ر بپتسمہ دیا۔ اب و‌ہ لو‌گ اپنے آبائی علاقے گلیل کو رو‌انہ ہو‌ئے۔ آئیں، دیکھیں کہ و‌ہاں کیا کچھ ہو‌ا۔‏