گیت نمبر 19
ایک مُقدس رات
(متی 26:26-30)
-
1. یہوواہ خدا باپ آسمانی
نہایت مُقدس یہ رات
عیدِ فسح پہ دُنیا نے دیکھا ثبوت
محبت ہے تیری ہی ذات
قربان ہوا فسح کا میمنا
نجات ملی اِسرائیل کو
صدیوں بعد تیرے بیٹے نے دی اپنی جان
سب کی خاطر بنا میمنا وہ
-
2. اِس روٹی اور مے سے یاد آئے
قربانی دی تُو نے شاندار
فدیہ یسوع نے دیا ہمارے لیے
وہ موت تک رہے وفادار
ہیں شکرگزار دل و جاں سے
اِس خاص رات کو یاد رکھیں ہم
ہمیں موت اور گُناہ سے چھٹکارا ملا
تیری قُربت میں آ سکے ہم
-
3. یہوواہ خدا باپ آسمانی
ہم تیرے حضور کھڑے ہیں
تُو نے سب کے لیے اپنا بیٹا دیا
ہم تیرا احسان مانتے ہیں
یادگاری تقریب پہ ہم آ کے
یہ عزم مضبوط کرتے ہیں
ہم مسیح کی مثال پر ہر دن چلیں گے
تاکہ زندگی حاصل کریں
(لُو 22:14-20؛ 1-کُر 11:23-26 کو بھی دیکھیں۔)
