اَمثال 7:1-27
7 میرے بیٹے! میری باتوں پر دھیان دو۔میرے حکموں کو خزانے کی طرح اپنے پاس رکھو۔
2 میرے حکموں پر عمل کرو اور زندہ رہو؛اپنی آنکھ کی پُتلی کی طرح میری تعلیم* کی حفاظت کرو۔
3 اِنہیں اپنی اُنگلیوں پر باندھ لواور اپنے دل کی تختی پر لکھ لو۔
4 دانشمندی سے کہو: ”تُم میری بہن ہو“
اور سمجھ سے کہو: ”تُم میری رشتےدار ہو“
5 تاکہ یہ بدکردار* عورت سے آپ کی حفاظت کریںاور آپ کو بدچلن* عورت اور اُس کی چکنیچپڑی* باتوں سے بچائیں۔
6 جب مَیں نے اپنے گھر کی کھڑکی سے،ہاں، اپنے جھروکے سے نیچے دیکھا
7 تو وہاں مجھے کچھ نادان* نوجوان نظر آئے۔اُن میں ایک ایسا نوجوان بھی تھا جس میں سمجھ کی کمی تھی۔
8 وہ اُس گلی کے موڑ سے گزرا جس میں وہ عورت رہتی تھیاور اُس کے گھر کی طرف بڑھنے لگا۔
9 دن ڈھل رہا تھا؛ شام ہو گئی تھی؛اندھیرا چھا رہا تھا اور رات ہونے والی تھی۔
10 پھر مَیں نے دیکھا کہ ایک عورت اُس سے ملی؛اُس نے فاحشہ جیسے کپڑے* پہنے ہوئے تھے اور اُس کے دل میں چالاکی بھری تھی۔
11 وہ شورشرابہ کرنے والی اور سرکش تھی؛
اُس کے پاؤں کبھی گھر میں نہیں ٹکتے تھے۔
12 ایک پَل میں وہ باہر ہوتی تھی اور اگلے پَل چوک میں؛وہ ہر کونے میں کسی کی تاک میں ہوتی تھی۔
13 اُس نے اُس نوجوان کو پکڑ کر چُومااور بےحیائی سے کہنے لگی:
14 ”مجھے صلح* والی قربانی پیش کرنی تھی۔
آج مَیں نے اپنی منتیں پوری کر دی ہیں۔
15 اِسی لیے مَیں تُم سے ملنے نکلی؛مَیں نے تمہیں ڈھونڈا اور تُم مجھے مل گئے۔
16 مَیں نے اپنے بستر پر عمدہ چادریں بچھائی ہیں،ہاں، مصر کی رنگبرنگی لینن کی چادریں۔
17 مَیں نے اپنے بستر پر مُر، عُود اور دارچینی چھڑکی ہے۔
18 آؤ، ہم صبح تک محبت کا جام پئیںاور ایک دوسرے کے پیار میں مدہوش ہو جائیں
19 کیونکہ میرا شوہر گھر پر نہیں ہے؛وہ لمبے سفر پر گیا ہوا ہے۔
20 وہ اپنے ساتھ پیسوں کی تھیلی لے کر گیا ہےاور پورے چاند سے پہلے نہیں لوٹے گا۔“
21 اُس نے میٹھی میٹھی باتیں کر کے اُسے پُھسلا لیا؛
چکنیچپڑی باتیں کر کے اُسے بہکا لیا۔
22 وہ فوراً اُس کے پیچھے چل پڑا جیسے بیل ذبح ہونے کے لیے جاتا ہے؛جیسے احمق کاٹھ* میں سزا پانے جاتا ہے۔
23 آخرکار ایک تیر اُس نوجوان کے جگر کو چھلنی کر دیتا ہے؛وہ ایک ایسے پرندے کی طرح تیزی سے جال کی طرف جاتا ہے
جسے اِس بات کی خبر نہیں ہوتی کہ اُس کی جان بھی جا سکتی ہے۔
24 میرے بیٹو! میری سنو!میری باتوں پر دھیان دو۔
25 آپ کا دل اُس کی راہوں کی طرف مائل نہ ہو؛
آپ بھٹک کر اُس کے راستوں پر نہ جاؤ
26 کیونکہ اُس کی وجہ سے بہت سے لوگ قتل ہوئے ہیںاور اُس نے بےشمار لوگوں کو مار ڈالا ہے۔
27 اُس کا گھر قبر* کی طرف لے جاتا ہے؛وہ موت کے کمروں تک پہنچاتا ہے۔
فٹ نوٹس
^ یا ”میرے قانون“
^ یا ”لبھانے والی“
^ یا ”ناتجربہکار“
^ یا ”فاحشہ کے کپڑے“
^ یا ”شراکت“
^ یا ”بیڑیوں“
^ عبرانی لفظ: ”شیول۔“ ”الفاظ کی وضاحت“ کو دیکھیں۔
