اَمثال 10:1-32
10 سلیمان کی اَمثال۔*
ایک دانشمند بیٹا اپنے باپ کو خوش کرتا ہےلیکن ایک احمق بیٹا اپنی ماں کو دُکھ دیتا ہے۔
2 بُرائی سے حاصل کی گئی دولت کا کوئی فائدہ نہیں ہوگالیکن نیکی موت سے بچائے گی۔
3 یہوواہ نیک شخص* کو بھوکا نہیں رہنے دے گالیکن وہ بُرے لوگوں کو وہ چیز نہیں دے گا جس کا وہ لالچ کرتے ہیں۔
4 سُست ہاتھ ایک شخص کو غریب بنا دیں گےلیکن محنتی ہاتھ ایک شخص کو امیر بنا دیں گے۔
5 گہری سمجھ سے کام لینے والا بیٹا گرمیوں میں فصل جمع کرتا ہےلیکن بےشرم بیٹا کٹائی کے وقت گہری نیند سویا رہتا ہے۔
6 نیک شخص کے سر پر برکتیں رہتی ہیںلیکن بُرے شخص کا مُنہ ظلم کو چھپاتا ہے۔
7 نیک شخص کو یاد کر کے* دُعا دی جاتی ہےلیکن بُرے شخص کا نام گلسڑ جائے گا۔
8 دانشمند شخص حکموں کو مانتا ہےلیکن بےوقوفی کی باتیں کرنے والے کو کچل دیا جائے گا۔
9 وفاداری کی راہ پر چلنے والا شخص سلامت رہے گالیکن ٹیڑھی راہ پر چلنے والا شخص پکڑا جائے گا۔
10 جو دوسروں کو دھوکا دینے کے لیے آنکھ مارتا ہے، وہ دُکھ پہنچاتا ہےاور بےوقوفی کی باتیں کرنے والے کو کچل دیا جائے گا۔
11 نیک شخص کا مُنہ زندگی کا چشمہ ہےلیکن بُرے شخص کا مُنہ ظلم کو چھپاتا ہے۔
12 نفرت کی وجہ سے جھگڑے پیدا ہوتے ہیںلیکن محبت سارے گُناہوں پر پردہ ڈال دیتی ہے۔
13 سُوجھبُوجھ رکھنے والے شخص کے لبوں پر دانشمندی ہوتی ہےلیکن جس میں سمجھ کی کمی ہوتی ہے، اُس کی کمر پر چھڑی پڑتی ہے۔
14 دانشمند علم کا خزانہ جمع کرتے ہیںلیکن احمق کا مُنہ بربادی کو دعوت دیتا ہے۔
15 امیر شخص کی دولت* اُس کے لیے فصیلدار شہر کی طرح ہے
لیکن غریب کی غربت اُسے برباد کر دیتی ہے۔
16 نیک شخص کے کام زندگی کی طرف لے جاتے ہیںلیکن بُرے شخص کی پیداوار گُناہ کی طرف لے جاتی ہے۔
17 جو تربیت پر دھیان دیتا ہے، وہ زندگی کی راہ دِکھاتا ہے*لیکن جو اِصلاح کو رد کرتا ہے، وہ دوسروں کو گمراہ کرتا ہے۔
18 جو نفرت کو چھپاتا ہے، وہ جھوٹ بولتا ہےاور جھوٹی افواہیں پھیلانے والا احمق ہے۔
19 جہاں بہت باتیں کی جاتی ہیں وہاں گُناہ بھی ہوتا ہےلیکن اپنے ہونٹوں کو قابو میں رکھنے والا سمجھداری سے کام لیتا ہے۔
20 نیک شخص کی زبان اعلیٰترین چاندی کی طرح ہےلیکن بُرے شخص کے دل کی کوئی اہمیت نہیں ہوتی۔
21 نیک شخص کے لب بہت سے لوگوں کی نشوونما* کرتے ہیںلیکن احمق شخص سمجھ کی کمی کی وجہ سے مر جاتا ہے۔
22 یہوواہ کی برکت ہی دولت بخشتی ہےاور وہ اِس کے ساتھ کوئی دُکھ* نہیں دیتا۔
23 احمق کے لیے شرمناک کام ایک کھیل ہیںلیکن سُوجھبُوجھ رکھنے والا شخص دانشمندی حاصل کرتا ہے۔
24 بُرے شخص کو جس چیز کا ڈر ہے، وہ اُس کے سر پر آ پڑے گیلیکن نیک شخص کی خواہش پوری کی جائے گی۔
25 طوفان تھم جانے کے بعد بُرا شخص مٹ جائے گالیکن نیک شخص مضبوط بنیاد کی طرح ہے جو ہمیشہ قائم رہتی ہے۔
26 جیسے سِرکہ دانتوں کے لیے اور دُھواں آنکھوں کے لیے پریشانی کا باعث ہوتا ہےویسے ہی سُست آدمی اپنے مالک* کے لیے پریشانی کا باعث ہوتا ہے۔
27 یہوواہ کا خوف رکھنے سے عمر بڑھتی ہےلیکن بُرے شخص کی زندگی کے سال کم کیے جائیں گے۔
28 نیک شخص کی اُمید خوشی کا باعث بنتی ہےلیکن بُرے شخص کی اُمید خاک میں مل جائے گی۔
29 یہوواہ کی راہ بےاِلزام شخص کے لیے قلعہ ہےلیکن یہ بُرے شخص کے لیے بربادی لاتی ہے۔
30 نیک شخص کو کبھی گِرایا نہیں جائے گالیکن بُرے لوگ پھر کبھی زمین پر نہیں بسیں گے۔
31 نیک شخص کے مُنہ سے دانشبھری باتیں نکلتی ہیں*لیکن غلط باتیں کرنے والی زبان کاٹ ڈالی جائے گی۔
32 نیک شخص کے لب دلکش باتیں کرنا جانتے ہیںلیکن بُرے شخص کے مُنہ سے غلط باتیں نکلتی ہیں۔
فٹ نوٹس
^ یعنی کہاوتیں
^ لفظی ترجمہ: ”نیک شخص کی جان“
^ یا ”کو نیک نامی کی وجہ سے“
^ یا ”قیمتی چیزیں“
^ یا شاید ”وہ زندگی کی راہ پر ہے“
^ یا ”رہنمائی“
^ یا ”تکلیف؛ مشکل“
^ یا ”بھیجنے والے“
^ یا ”دانشمندی کا پھل پیدا ہوتا ہے“
