OCISUNGO 55
Ko ka va Yokokeli!
-
1. Amamiko, oku kunda,
Esapulo Liusoma.
Ko ka tili anyãli.
Omanu va kũlĩhe
Okuti Yesu Osoma,
Wamba anyãli posi,
O ka kundula Satana,
Kumue lolondingaĩvi.
(ETAVIYO)
Ko ka yokokeli cimue,
Ndaño vo lambalali.
Mopela omanu vange
Va soka ndomõliso.
-
2. Ndaño valua ovanyãli,
Pamue va ku lundili,
Kuenda va ku sepuli,
Ale va ku pembuli.
Ko ka kuati ño usumba,
Lalambalalo avo,
Vakuepandi ndi kuatisa
Okuti va ka yula.
(ETAVIYO)
Ko ka yokokeli cimue,
Ndaño vo lambalali.
Mopela omanu vange
Va soka ndomõliso.
-
3. Amamiko lekolelo;
Ame ndu ku pamisi.
Ndaño pamue vo pondi,
Vu ka kuata omuenyo.
Ko ka kuateli usumba
U o ponda etimba.
Ame ndi ka sumũlũisa
Wosi o pandikisa!
(ETAVIYO)
Ko ka yokokeli cimue,
Ndaño vo lambalali.
Mopela omanu vange
Va soka ndomõliso.
(Talavo Esin. 32:10; Neh. 4:14; Osa. 59:1; 83:2, 3.)
