Kuteke wa suluka eci handi Yesu ka file, wa longisa olondonge viaye vakuekolelo oco va ivaluke ocilumba caye. Loku tikula ombolo ka yi kuete etumbisa kuenda ovinyu kovaso yavo, wa tumbika ocipito ceya oku tukuiwa hati, Ocipito Condalelo ya Ñala kuenda wa va handeleka siti: “Ci lingili onjivaluko yange.”—Luka 22:19.

Unyamo lunyamo, Olombangi Via Yehova voluali luosi via siata oku liongolola oco va linge ocipito coku ivaluka olofa via Yesu. Unyamo ulo wo 2014 Onjivaluko yolofa via Yesu yi lingiwa Sengunda 14 ya Kupupu noke yoku iñila kuekumbi.

Ove wa lalekiwa oku enda kocipito caco, kuna va ka lombolola elomboloko liocilumba colofa via Yesu. Oku iñila kohongele yaco ka ci sukila olombongo. Vokuenda kuohongele ka va pingi olombongo. Omunu wa ku ĩha orevista eyi o pondola oku ku sapuila elivala kuenda ocitumãlo ku ka lingiwila onjivaluko posongo yove ale kũlĩhĩsa vonumbi yetu jw.org. Soneha eteke liaco kuenda tu lavoka okuti ku pumbi ocipito caco.