Ove hẽ wa sola oku tanga ovipama Viutala Wondavululi via sandekiwa unyamo ulo? Nda wa vi sola, tambulula apulilo a kuãimo:

Ukristão ombuavekua o sukila oku tatiwa ndati?

Etu tu sanjukila ekolelo liavo; pole ka tu eci kokuavo esivayo. Tu yuvula “oku komõha ovipala” viavo. (Yuda 16, etosi.) Etu ka tu va pulisa catiamẽla kelavoko liavo.—w20.01, kem. 29.

Uvangi upi u lekisa okuti Yehova wa ku kũlĩha ciwa?

Embimbiliya li lekisa okuti Yehova wa ku mola osimbu handi kua citiwile. Kuenda eye o yevelela olohutililo ove o linga. Yehova wa kũlĩha ovisimĩlo viove kuenda eci ci kasi vutima wove kuenje ovilinga viove vi pondola oku u sumuisa, ale oku u sanjuisa. (1 Asa. 28:9; Olosap. 27:11) Yehova wa ku kokela kokuaye.—w20.02, kem. 12.

Ovolandu api a lekisa epuluvi tu sukila oku vangula loku ũha?

Apuluvi osi tu sanjukila oku vangula catiamẽla ku Yehova. Tu vangula eci tu limbuka okuti umue o kasi oku linga cimue cu kokela ekandu. Akulu vekongelo va vangula eci va eca elungulo, nda ci sukiliwa. Ka tu vangula (ale oku eca olonumbi) ndomo upange wetu woku kunda u kasi oku lingiwa kofeka yina okuti upange waco u kasi oku tatakiwa. Tu sukila oku ũhila ondaka yimue.—w20.03, kam. 20-21.

Olohuma vi sangiwa kelivulu lia Yoeli ocipama 2 via litepa ndati levi via tukuiwa Kesituluilo ocipama 9?

Ku Yoeli 2:20-29 ku popia okuti Suku o tuma apange kupãla kuenda o likuminya oku eca onima omo liupange wavo. Noke liaco, Suku o sukumũila espiritu liaye. Ovina viaco, via tẽlisiwa eci va Bavuluno va lundula va Isareli kuenda kovaso yoloneke. Kesituluilo 9:1-11 olohuma okuti vi sokisiwa lolombuavekua vio koloneke vietu vilo, okuti lutõi walua va siata oku sapula esombiso lia Suku koluali lulo lũvi kuenje eci ca siata oku temisa ovanyãli.—w20.04, kam. 3-6.

Helie soma yo ko norte koloneke vilo?

O Russia, lolofeka via tiamẽla kokuaye. Ovo va lambalala afendeli va Suku, loku tateka upange woku kunda kuenda va suvuka Olombangi vialua Via Yehova. Soma yo ko norte la soma yo ko sul va likuetele ukuse.—w20.05, kem. 13.

Anga hẽ ‘vepako liespiritu’ mua kongela lika ovituwa via tukuiwa ku Va Galatia 5:22, 23?

Sio. Espiritu sandu li tu kuatisa oku kuata ovituwa vikuavo viwa ndeci, esunga. (Va Efe. 5:8, 9)—w20.06, kem. 17.

Ohele yipi yi kasi koku sandeka ovina viatiamẽla kokuove muẽle vo Internet?

Oku sandeka ovina viatiamẽla kokuove muẽle vo Internet, ci lekisa okuti o kasi oku lipanda, ku kasi oku lekisa umbombe.—w20.07, kam. 6-7.

Nye Akristão va pondola oku lilongisila kuloño vakuakupipa va kuete?

Ovo va pipa pocitumãlo cina okuti va pondola oku sanga olõsi. Ovo va pindisiwa oku talavaya ciwa lovimalẽho viaco. Kuenda ndaño okuti ekalo ka likasi ciwa ovo va talavaya lutõi. Cimuamue haico tu linga kupange woku kunda.—w20.09, kem. 5.

Volonjila vipi tu pondola oku kuatisa olondonge Viembimbiliya oku pamisa ocisola cavo ku Yehova?

Tu pondola oku va vetiya oku tanga Embimbiliya eteke leteke kuenda oku sokolola kovina va tanga. Tu va longisavo oku kuata ocituwa coku likutilila.—w20.11, kem. 4.

Nye ca kongela volondaka viokuti: “Vosi va muilavo omuenyo vu Kristu”?—1 Va Kor. 15:22.

Paulu ka popele okuti omanu vosi va ponduile oku pinduiwa. Eye wa kala oku tukula Akristão olombuavekua okuti vana va ‘nõliwa la Suku omo lia Kristu Yesu.’ (1 Va Kor. 1:2; 15:18)—w20.12, kam. 5-6.

Nye ci ka pita lolombuavekua noke lioku “pongoluiwa vocipikipiki ndokupakula kuiso vokuenda kuoku sikiwa kuolumbeta lua sulako”?—1 Va Kor. 15:51-53.

Ovo va ka kala kumue la Kristu oku viala omanu, loku va lava lepangati liutale. (Esit. 2:26, 27)—w20.12, kam. 12-13.