ESUNGA LIECI CI KUETELE ESILIVILO: Ovimãleho vietu viosi vioku longisa, vi lekisa onumbi yo jw.org. Ocimãho cokokanda konumbi yo JW.ORG kuenda okokanda losapi hati, Pi Tu Pondola Oku Sanga Atambululo a Velapo Atiamẽla Komuenyo? oku kuatisa omanu oku kũlĩha onumbi yetu yo internet. O pondola oku eca elivulu limue li sangiwa Vovimalẽho Vietu Vioku Longisa, poku talavaya lo jw.org loku yi tuma lekuatiso lio internet ale oku tumisa onumbi yimue. Eci ci pondola oku ku kuatisa poku kundila omunu umue o vangula elimi likuavo. Handi vali, omanu va pondola oku linga apulilo okuti atambululo aco a sangiwa Vovimãleho Vietu Vioku Longisa. Nda tua kuata ocituwa coku konomuisa vonumbi yetu yo internet, tu ka loñoloha kupange wetu woku kunda.

NDOMO TU CI LINGA:

• 

  Talavaya lonepa, “ALONGISO EMBIMBILIYA.” Sokolola ndu okuti o kasi oku kundila omunu umue ukuepata liove okuti, o yongola oku kũlĩha olonumbi viatiamẽla koku tata omãla. Kuende ponepa ALONGISO EMBIMBILIYA > OLOHUELI & OLONJALI.

• Talavaya lonepa, “ALIVULU”. Sokolola ndu okuti o kasi oku eca uvangi ka wa sokiyiwile kosikola kuenda o yongola oku eca komunu u tangela kumosi ombrochura losapi hati, Atambululo 10 Atiamẽla Kapulilo Amalẽhe va Siata Oku Linga. Kuende ponepa ALIVULU > ALIVULU & OLOMBROCHURA.

• Talavaya lonepa, “KOKUETU”. Sokolola ndu okuti o kasi oku kundila omunu umue o talavaya laye kupange woku sanda eteku okuti, o yongola oku tanga elomboluilo limue liatiamẽla kovina tu tava. Kuende ponepa KOKUETU > APULILO A SIATA OKU LINGIWA.

TALA OVIDEO LOSAPI HATI: OKU KONOMUISA VONUMBI YO JW.ORG KUENDA KŨLĨHĨSA OLONEPA VIONUMBI YETU YO INTERNET O PONDOLA OKU KUATISA LALIO:

• omunu umue ka tava okuti kuli Suku

• omunu umue wa lipita locilunga cimue

• manji umue wa liwekapo oku kunda loku enda enda kolohongele

• omunu umue tua sanga kupange woku kunda wa pula ndomo upange wetu u fetiwa

• omunu umue wo kofeka yikuavo okuti o yongola oku enda kohongele yimue kofeka yaye