Tu kuete olovideo vikuãla vioku longisa Embimbiliya. Ovideo lovideo yi kuete ocimãho cipi?

• Ovideo losapi, Momo Lie Ndi Lilongisila Embimbiliya?—Ovideo Yosi ya pongiyiwila oku kuatisa omanu vana va kuete ale etavo liavo. Oyo yi kuatisa oku sanga atambululo Embimbiliya kapulilo atiamẽla komuenyo kuenda yeca olonumbi via suapo vi sangiwamo. Yi lombololavo ndomo elilongiso Liembimbiliya li lingiwa.

• Momo Lie Ndi Lilongisila Embimbiliya? (onepa yimue) Oyo yi kasi ndovideo yosi, pole, eyi onepa yimue o. Yi kuatisa kovikanjo vina okuti omanu ka va kuete otembo yalua.

• Ovideo losapi Nye ci Lingiwa Velilongiso Limue Liembimbiliya? ya pongiyiwila oku kuatisa kesokiyo lietu lioku longisa Embimbiliya omanu loku tambulula apulilo va siata oku linga, oku kongelamo ndomo elilongiso Liembimbiliya li lingiwa.

• Ovideo losapi, Wa Linga Weya Kelilongiso Liove Liembimbiliya, ya sokiyiwila oco yi lekisiwe kolondonge. Ndaño okuti yi sangiwa kemẽla liavali lielivulu Sanjukili Omuenyo Otembo ka yi Pui! citava okuti, yi lekisiwa osimbu vu lilongisa ombrochura Sanjukili Omuenyo! Citava oku lombolola olovideo vielivulu kuenda ondonge citava okuti yi tambulula vokuenda kuelilongiso.

Ndaño okuti ovideo lovideo yi kuete ocimãho cayo, tu pondola oku yi lekisa komanu ale oku va yi tumisa nda citava. Akundi va vetiyiwa oku kũlĩha ciwa ovimalẽho viaco loku talavaya lavio ciwa.