Eci ca lipita la va Isareli vetapi lio ko Moavi, elungulo limue Kakristão. (1 Va Kor. 10:6, 8, 11) Va Isareli va fetika oku linga ukahonga, poku likongela lakãi va Moavi vakuakufendela oviteka kuna ovo va yapuisiwa oku linga akandu anene. Eci ceya oku koka ovitangi vialua. (Ate. 25:9) Etu tua ñualiwa la vana tu talavayela kumosi, tu tangela kumosi, tu lisungue lavo, epata kuenda omanu vakuavo okuti ka va fendela Yehova. Nye tu pondola oku lilongisilako kulandu owu Wembimbiliya catiamẽla kohele yi yilila koku livala ukamba la vana ka va fendela Yehova?

TALA OVIDEO LOSAPI HATI, ULANDU WELUNGULO KOLONEKE VILO—ONEPA YIMUE KUENDA NOKE TAMBULULA APULILO AKUÃIMO:

• Ovisimĩlo vipi ka via sungulukile Simiri kuenda vakuavo va sapuila Yamini?

• Finehase wa kuatisa ndati Yamini oku tenda ovina lonjila yimue ya sunguluka?

• Oku litepa kupi ku kasi pokati koku kala ukuesunguluko lomunu una ka lilongisa ocili kuenda oku kala ekamba liaye?

• Momo lie tu sukilila oku kuata utate poku sanda ekamba limue ndaño muẽle vekongelo?

• Momo lie tu sukilila oku yuvula oku sapela locimunga cimue comanu vo internet okuti ka tua va kũlĩhĩle ciwa?