Ku Tiago 3:1-18
3 A vamanjange, valua pokati kene ka va sesamẽlele oku kala alongisi, momo ene wa kũlĩhi okuti tu ka tambula esombiso lia piãla.+
2 Momo vosi yetu tuakuakulueya olonjanja vialua.+ Nda umue ka lueya kondaka, omunu waco wa lipua, haeye o tẽlavo oku kapa olelia ketimba liaye liosi.
3 Nda tu kapa olelia kovimẽla violokavalu oco vi tu pokole, tu songuilavo atimba ao osi.
4 Kũlĩhĩsivo olonaviyu: Ndaño ovio vinene, haivio vi songuiwa lofela yalua, pole, vi endisiwa locipando cimue citito calua kuosi ukuacipando a panga oku enda.
5 Haicovo okuti, elimi ocimatamata cimue citito cetimba, pole, li lipandela ovina vinene. Tali ndomo ondalu yitito yi pondola oku timĩha usenge unene!
6 Elimi laliovo ondalu.+ Olio, ocimatamata cimue cetimba ci linga evĩho kuenda ci vĩhisa etimba liosi.+ Olio li pondola oku nyõla omuenyo womunu* kuenda olio li kasi Ndongehena* momo li nyõla.
7 Momo apata osi ovinyama viovusenge, lolonjila, lapuka,* lovinyama vi kasi vokalunga, vi pokuisiwa kuenda via siata oku pokuisiwa lomanu.
8 Pole, ka kuli omunu o tẽla oku pokuisa elimi. Olio lia huka kuenda lia sina, hailio lieyuka inenu vi ponda.+
9 Lelimi tu sivaya Yehova* Isia kuenda tu siñala lalio omanu va lulikiwa “lesetahãlo lia Suku.”+
10 Vomẽla umuamue mu tunda esivayo kuenda esiñalo.
A vamanjange, ka ca sungulukile okuti ovina vi lingiwa ndoco.+
11 Vono yimuamue mu tunda hẽ ovava a pepa,* la-a a lula?
12 A vamanjange, anga hẽ uti wukuyu wima asetona, ale uyuva wima akuyu?+ Cimuamue haico okuti, ovava omongua ka a lingi ovava a sõsa.
13 Pokati kene, helie ukualondunge haeye o kuete elomboloko? A lekise ovilinga viaye pocakati covituwa viwa, puãi a ci linge lumbombe u tunda kolondunge.
14 Puãi nda vu kuete esepa lialua+ kuenda ukuse*+ vovitima viene, ko ka lipandi lolondunge viene.+ Momo nda vu ci linga, ci kala uhembi.
15 Evi halondungeko vi tunda kilu; pole, violuali lulo, via vana va songuiwa letimba+ kuenda violondele.
16 Momo apa pali esepa kuenda ukuse,* pa ka kalavo onjuela kuenda ovina viosi via vĩha.+
17 Pole, olondunge vi tunda kilu tete via pua evĩho,+ noke viombembua,+ via sunguluka,+ via likapelako oku pokola, vieyuka ohenda kuenda apako awa,+ ka vi kuete ocame,+ ndaño ombambe.+
18 Handi vali, epako liesunga li kũliwa apa pali ombembua+ ku* vakuakulinga ombembua.+
Atosi Pombuelo
^ Lit., “ekalo liomuenyo (ono).”
^ Tala Elomboluilo.
^ Ale “ovinyama vi likoka posi.”
^ Tala Alombo. A5.
^ Lit., “a sõsa.”
^ Ale pamue, “ocipululu.”
^ Ale pamue, “ocipululu.”
^ Ale pamue, “omo lia.”
