Olosapo 5:1-23
5 Amõlange, yevelela kolondaka viange violondunge.
Yevelela lutate* kovina ndi longisa viatiamẽla kuloño,+
2 Oco o teyuile ovoloño ove oku sokololaKuenda olonjanja viosi vangula ocili.+
3 Olondaka* viukãi ukuovasi* vi sõsã ndowiki,+Kuenda via leñela calua okuti, ulela u sule.+
4 Pole, kesulilo eye o lula calua ndocikũla cilula,*+Kuenda wa tua calua ndosipata ya tua olonele vivali.+
5 Olomãhi viaye vi lokila koku fa.
Ananga aye a loña Konjembo.*
6 Eye ka tiamisila utima konjila yomuenyo.
Eye o tungayala kuenje ka kũlĩhĩle oku a loña.
7 Kaliye amãla vange, njeveleliKuenda ko ka tinduki kueci mopia.
8 Kala ocipãla laye;Ku ka amele pombundi yonjo yaye,+
9 Oco ku ka lavisiwe la vakuene+Ale oku tala ohali vokuenda kuomuenyo wove wosi;+
10 Oco omanu vakuavo ka va ka tambule ukuasi wove+Kuenda ovina wa talavaya longusu yove, ka vi ka ende konjo yocingendeleyi.
11 Nda kua ci lingile, ove o ka luluma kesulilo liomuenyo woveEci ositu yove letimba liove vi hongua,+
12 Kuenje ove o popia hati: “Nda suvukile calua epindiso!
Utima wange wa pembula calua elungulo!
13 Sia pokuile kondaka yalongisi vangeAle oku yevelela kolondunguli viange.
14 Pa kambele ño kamue oco ndi nyõleheKovaso yekongelo liosi.”*+
15 Nyua ovava o pocisimo cove muẽleKuenda ovava a tunda* pono yove muẽle.+
16 Anga hẽ olono viove via sukilile oku sanduiwa posamua,Kuenda olondui viovava vi sanduiwa volokololo?+
17 Vi kale lika viove muẽleKuenda ka vi ka tepiwe lomanu vakuavo.+
18 Ono* yove muẽle yi sumũlũhe,Sanjukila ukãi wo vumalẽhe wove,+
19 Eye o kasi ndosonge yomange ya soliwa, ndohombo*+ ya fina yolomunda.
Avele aye a ku sanjuise otembo yosi.
Vetiyiwa locisola caye olonjanja viosi.+
20 Omo liaco, amõlange, momo lie o vetiyiwila lukãi ukuovasi*Ale oku kuata kavele wukãi ukuevĩho?*+
21 Momo olonjila viomunu vi kasi kovaso ya Yehova;Eye o kũlĩhĩsa olonjila viaye viosi.+
22 Ondingaĩvi yi yonjiwa lakulueya aye muẽle,Kuenda oyo yi ka kutiwa lovikolo viekandu liaye muẽle.+
23 Oyo yi ka fa omo liekambo liepindisoKuenda yi ka yapuka omo liuveke waye walua.
Atosi Pombuelo
^ Lit., “Vonguila etũi liove.”
^ Lit.,“Omẽla.”
^ Tala Elomboluilo.
^ Okuti, ocitumãlo mu kendiwa omanu va fa.
^ Lit., “Vokati kohongele kuenda kekongelo.”
^ Ale “ovava a talala.”
^ Ale “ono yovava.”
^ Ale “ohõha.”
