Olosamo 99:1-9
99 Yehova wa linga Osoma.+ Omanu va lulume.
Eye wa tumãla kocalo caye, kilu* lia va keruvi.+ Ilu lieve li lulume.
2 Yehova unene vo Siono,Kuenda eye o kasi kilu liomanu vosi.+
3 Va sivaye onduko yove yinene,+Momo oyo yi komõhisa calua kuenda yi kola.
4 Eye osoma yimue ukuonene okuti, yi sole esunga.+
Ove wa tumbika loku pamisa eci ca sunguluka.
Wa nena esunga kuenda esunguluko+ ku Yakoba.
5 Kemãlisi Yehova Suku yetu+ kuenda kekamẽli* kovaso aye;*+Eye o kola.+
6 Mose la Arone va kala pokati kovitunda viaye,+Kuenda Samuele wa kala pokati ka vana va vilikiya onduko yaye.+
Ovo va enda oku vilikiya Yehova,Kuenda eye wa enda oku va tambulula.+
7 Eye wa enda oku vangula lavo oku upisa kongunji yelende.+
Ovo va enda oku lava olonumbi viaye kuenda ocisila cina eye a ecele kokuavo.+
8 A Yehova Suku yetu, ove wa va tambulula.+
Kokuavo ove wa kala o Suku yimue yecela,+Pole, wa va yambula omo liovilinga viavo viekandu.+
9 Kemãlisi Yehova Suku yetu+Kuenda kekamẽli* kovaso yomunda yaye yi kola,+Momo Yehova Suku yetu, o kola.+
Atosi Pombuelo
^ Ale pamue, “pokati ka.”
^ Ale “ocitumãlo colomãhi viaye.”
^ Ale “fendeli.”
^ Ale “fendeli.”
