Olosamo 97:1-12
97 Yehova wa linga Osoma!+
Ilu lieve li sanjuke.+
Ovifuka vialua vi yolele.+
2 Alende kuenda owelema walua vio ñuala;+Esunga kuenda esunguluko ovio ociseveto cocalo caye.+
3 Ondalu yenda kovaso aye+Kuenda yi lia ovanyãli vaye kolonele viosi.+
4 Oviliakulo viaye vi mĩhila oluali;Ilu lieve li ci mola kuenje li luluma.+
5 Olomunda vi yenguluka ndosela kovaso a Yehova,+Kovaso a Ñala yo kilu lieve liosi.
6 Ovailu a sapula esunga liaye,Kuenda omanu vosi va mola ulamba waye.+
7 Vosi vana va vumba ociñumañuma ca songiwa, va kutisiwe osõi,+Okuti vana va litunula catiamẽla kolosuku viavo ka vi silivila.+
Kekamẽli* kokuaye ene alosuku viosi.+
8 Siono o yevelela kuenje o sanjuka;+Alupale* o Yuda a yolela,Omo liasombiso ove, A Yehova.+
9 Momo ove A Yehova, ove Fũ kilu lieve liosi;Ove wa kemãlisiwa calua kilu liolosuku viosi vikuavo.+
10 Ene vu sole Yehova, suvuki eci cĩvi.+
Eye o lava ovimuenyo via vana vo kolela;+O va yovola peka* liolondingaĩvi.+
11 Ocinyi ci tuila ukuesunga+Kuenda vana va kuete utima wa suñama, va sanjuka.
12 Sanjukili ku Yehova ene a vakuesunga,Kuenda eci olopandu konduko yaye yi kola.*
