Olosamo 139:1-24
Kusongui wolonjimbi. Osamo ya Daviti.
139 A Yehova, ove wa kũlĩhĩsa utima wange kuenda wa ndi kũlĩha.+
2 Ove wa kũlĩha eci numãla kuenda eci mbotoka.+
Ove o limbuka ovisimĩlo viange tunde kupãla.+
3 Ove o mola eci ngenda leci ndi pekela;Ove wa kũlĩha ciwa olonjila viange viosi.+
4 Osimbu elimi liange ka lia popele ondaka yimue,Tala! A Yehova, ove wa ci kũlĩha ale.+
5 Ove wa ndi ñuala konyima lo kovaso;Kuenda o kapa eka liove kokuange.
6 Si tẽla oku kuata elomboloko* liukũlĩhĩso waco.
Owo walua calua kokuange okuti, si tẽla oku u konomuisa.+
7 Pi ndi tilila oco ndi yuvule espiritu liove,Kuenda pi ndi pondola oku salama okuti, ove ku ndi moli?+
8 Nda nda lamanele kilu, ove nda haiko o kasi,Kuenda nda nda lokele Vonjembo,* ove nda haimo o kasi.+
9 Nda nda palãlele oku yoka ilu lonjanga yalua ndeci ocinyi comẽle ci molẽhaOco ndi tungile kasokiyo okalunga,
10 Ndaño muẽle oko, eka liove nda lia ndi songuila,Kuenda eka liove liondio nda lia ñuata.+
11 Nda nda popele siti: “Kaliye owelema u ka ndi sikĩlĩla!”
Uteke una wa ndi ñuala nda wa linga ocinyi.
12 Ndaño muẽle owelema, ka u kala owelema kokuove,Pole, uteke nda wa nina ndutanya;+Owelema u kasi ndocinyi kokuove.+
13 Momo ove wa lulika olongẽla viange;Wa ndi vundisa* vimo lia ina yange.+
14 Ndu ku sivaya omo nda lulikiwa lonjila yimue yi komõhisa.+
Ovopange ove a komõhisa,+Nda ci kũlĩha ciwa.
15 Akepa ange ka a vundisiwile kokuoveEci nda pangiwa vuyombeki,Eci nda tutiwa nduwalo valondo o kilu lieve.+
16 Ovaso ove a ndi mola osimbu sia citiwile;Olonepa vialio viosi via sonehiwile velivulu lioveNdomo ci likuata loloneke ovio via pangiwa,Osimbu handi ovio ka via kaileko.
17 Omo liaco, kokuange ovisimĩlo viove via velapo calua!+
A Suku, oku vi tenda vialua cimue!+
18 Nda nda setekele oku vi tenda, ovio nda via pitahãla etendelo lieseke.+
Eci masuka, handi ñasi love.*+
19 A Suku, nda wa pondele ño ondingaĩvi!+
Olongangala* nda ka via kaile vali ocipepi lame,
20 Vana va popia ovina viatiamẽla kokuove locimãho cĩvi;Ovo ovanyãli vove, vana va tata onduko yove lesanda.+
21 A Yehova, anga hẽ sia suvukile vana va ku suvuka,+Kuenda sia nyehũile hẽ vana va ku katukila?+
22 Ndi va kuetele esuvu lialua;+Ovo va linga muẽle ovanyãli kokuange.
23 Kũlĩhĩsa utima wange, A Suku kuenda kũlĩha utima wange.+
Ñulĩhĩse kuenda kũlĩha ovisimĩlo viange viesakalalo.+
24 Vanja nda vokuange muli ocina cimue cĩvi,+Kuenda ndi songuile+ vonjila yi kala otembo ka yi pui.
Atosi Pombuelo
^ Ale “li komõhisa calua kokuange.”
^ Okuti, ocitumãlo mu kendiwa omanu va fa.
^ Ale pamue, “wa ndi panga.”
^ Ale pamue, “handi nda nda kala oku vi tenda.”
^ Ale “olomondi.”
