Olosamo 104:1-35
104 Linga ndi sivaye Yehova.+
A Yehova Suku yange, ove wunene calua.+
Ove wa waliwa lulamba* kuenda leposo.+
2 Ove wa muñiwa vocinyi+ ndu okuti luwalo;Ove o yala ovailu ndonanga yombalaka.+
3 Eye o kapa kovava o kilu* olohangalo violohondo viaye viosapalalo,+O lingisa alende ekãlu liaye,+Endela kavava ofela.+
4 Eye o lingisa ovangelo vaye aspiritu,O lingisa olondingupange viaye ondalu yi nyõla.+
5 Eye wa tumbika ilu lieve voviseveto vialio;+Olio ka li ka sengiwa pocitumãlo calio* otembo ka yi pui.+
6 Ove wa sikĩlĩla ilu lieve lovava a longa ndu okuti luwalo.+
Ovava a sitika olomunda.
7 Voku lemẽla kuove ovava a tila;+Eci a yeva ocileñi cocilemĩlo cove, a tila loku yokoka,
8 Olomunda via lamana+ kuenda ovimbota via lokilaKocitumãlo ove wa vi tumbikila.
9 Ovava wa a kapela ongave yimue oco ka a ka pitahãle,+Okuti lalimue eteke a yukisa vali ongongo.
10 Eye o tumisa ovava kovimbota;*A pita pokati kolomunda.
11 O-o a eca ovava kovinyama viosi viovusenge;Ovimbulu viovusenge vi liupilako enyona.
12 Olonjila vi tunga ovianju vialio koviti vi kasi konele yovava;Ovio vimba ovisungo pokati kamẽla a pulika.
13 Eye o tapela olomunda oku upisa kolohondo viaye viosapalalo.+
Apako ovopange ove a yukisa ilu lieve.+
14 Eye o kulisila owangu olongombeKuenda o kulisila ovikũla omanu,+Oco posi pa tunde okulia
15 Lovinyu yi sanjuisa utima womunu,+Lulela u ninisa ocipala,Kuenda ombolo yeca ongusu komunu.*+
16 Oviti via Yehova via tapeliwa ciwa,Olosedru vio ko Levanone vina eye a kũla,
17 Muna olonjila vi tungila ovianju.
Onjo yonyañe+ yi kasi voviti viongaye.
18 Olohombo vio kolomunda vi tungila kolomunda via lepa;+Asenje a linga ocitililo colohuita.+
19 Eye wa panga osãi oco yi tumbike olotembo;Ekumbi lia kũlĩha ciwa otembo li iñila.+
20 Ove o nena owelema kuenje ku iya uteke,+Eci ovinyama viosi viovusenge vi tunda.
21 Olohosi viamalẽhe* vi koma osimbu vi kasi oku yeva+Kuenda vi sandiliya okulia Suku a eca.+
22 Eci ekumbi li tunda,Ovio vi tiukila kuenda vi pekela valeva avo.
23 Omunu enda kupange waye,Kuenje o talavaya toke koñolosi.
24 A Yehova, ovopange ove alua cimue!+
Osi wa a panga lolondunge.+
Ilu lieve lieyuka lovina wa panga.
25 Okalunga kanene calua haiko ka tanda, koko,Keyuka ovina vialua vi kuete omuenyo ci kaile vitito levi vinene.+
26 Olonaviyu omo vi lingila ungende,La Canjangombe*+ una ove wa panga oco a papalelemo.
27 Viosi vi talamẽla kokuoveOco o vi avele okulia kuavio votembo ya sokiyiwa.+
28 Ovio viongolola ovina ove o vi ĩha.+
Eci ove o yikula eka liove, ovio vi tambula ovina vialua viwa.+
29 Eci o salamisa ocipala cove ovio vi sakalala.
Nda ove o vi upa efuimo* liavio, ovio vi fa kuenje vi tiukila voneketela.+
30 Nda o tuma espiritu sandu liove, ovio vi lulikiwa,+Kuenda ove o tumbulula ongongo.
31 Ulamba wa Yehova u ka kala otembo ka yi pui.
Yehova o ka sanjukila ovopange aye.+
32 Eye o vanja kilu lieve kuenje olio li luluma;Eye o lamba kolomunda kuenje ovio vi tuima owisi.+
33 Ndi ka imbila Yehova ovisungo+ vokuenda kuomuenyo wange wosi;Ndi ka imbila Suku yange ovisungo viesivayo* osimbu ñasi lomuenyo.+
34 Ovisimĩlo viange viu sanjuise.*
Ame ndi ka sanjukila Yehova.
35 Vakuakandu va ka takata kilu lieve,Kuenda olondingaĩvi ka vi ka kalako vali.+
Linga ndi sivaye Yehova. Sivayi Yehova!*
Atosi Pombuelo
^ Ale “ekemãlo.”
^ Lit., “vovava.”
^ Ale “ka li ka yengenga.”
^ Ale “kakango.”
^ Lit., “kutima womunu.”
^ Ale “ayove olohosi.”
^ Tala Elomboluilo.
^ Ale “espiritu.”
^ Ale “oku linga ovisungo.”
^ Ale pamue, “Oku sokolola kuange catiamẽla kokuaye ku sanjuise.”
^ Ale “Aleluya!”
