Olosamo 10:1-18
ל [Lamed]
10 A Yehova, momo lie o talamẽla ocipãla?
Momo lie o salamẽla kotembo yohali?+
2 Ondingaĩvi omo liepela liaye, yi landula ava ka va kuete ekuatiso,+Pole, yi ka kuatiwa vasokiyo ãvi oyo ya linga.+
3 Momo ondingaĩvi yi lipandela olonjongole viaye muẽle+Kuenda yi sumũlũisa ukuacipululu;*נ [Nun]Oyo ka yi sumbila Yehova.
4 Ondingaĩvi voku lipanda kuayo ka yi lingi akonomuiso;Ovisimĩlo viaye viosi viti: “Ka kuli Suku.”+
5 Oyo yi litunda ciwa kovina yi linga,+Ovihandeleko viove via velapo okuti, oyo ka yi tẽla oku kuata elomboloko liavio;+Oyo yi pembula ovanyãli vaye vosi.
6 Oyo yi popia vutima waye yiti: “Lalimue eteke ndi sengiwa;*Kocitumbulukila locitumbulukilaLalimue eteke ndi ka mola ohali.”+
פ [Pe]
7 Vomẽla waye mueyuka asiñalo, ovohembi kuenda asaluiso;+Kosi yelimi liayo kuli ovitangi kuenda ũvi.+
8 Oyo yi lavekela vonutula ocipepi lovaimbo;Oyo yi tunda pocitumãlo coku salama oco yi ponde omunu umue ka kuete eko.+
ע [Ayin]
Ovaso ayo a kasi oku lavulula omunu umue oco o linge eci cĩvi.+
9 Oyo yi kevelela pocitumãlo caye coku salama ndohosi yi kasi veleva* liayo.+
Oyo yi kevelela oco yi kuate omunu ka kuete ekuatiso.
Oyo yi kuata omunu ka kuete ekuatiso eci yi kuta owanda waye.+
10 Omunu ka kuete eko o nyanyuiwa kuenda imbiwa posi;Kuenje omunu wa hongua o kupukila peka liaye.
11 Oyo yi popia vutima wayo yiti: “Suku wa ivalako.+
Wa ñualisa ocipala caye.
Eye lalimue eteke a ci mola.”+
ק [Qoph]
12 A Yehova votoka.+ A Suku, tulika eka liove.+
Ku ka ivaleko omunu ka kuete ekuatiso.+
13 Momo lie ondingaĩvi ka ya sumbilile Suku?
Oyo yi popia vutima wayo yiti: “Ove ku ka ndi sombisa.”
ר [Resh]
14 Pole, ove o mola ovitangi kuenda ohali.
Ove o vanja kuenda o kuata ovitangi viaco peka.+
Omunu wa hongua o lupukila kokuove;+Ove wuñuatisi yomõla ka kuete isia.*+
ש [Shin]
15 Teya okuokuo kuomunu ondingaĩvi haeye ũvi,+Oco okuti eci o sandiliya ũvi waye,Ku ka u sanga vali.
16 Yehova eye Osoma otembo ka yi pui.+
Olofeka via nyõliwa kilu lieve.+
ת [Taw]
17 Pole, A Yehova, ove o ka yevelela epingilo liambombe.+
Ove o ka kolisa ovitima viavo+ loku va yevelela lutate.+
18 Ove o ka lingila esunga vana ka va kuete isia kuenda vana va talisiwa ohali,+Oco okuti omunu wa pangiwa loneketela lalimue eteke a va kokela vali usumba.+
Atosi Pombuelo
^ Ale pamue, “Ukuacipululu o li sumũlũisa eye muẽle.”
^ Ale “lalimue eteke ndi yengenga.”
^ Ale “vocivundilo.”
^ Ale “yosiwe.”
