Mika 5:1-15
5 “Alonungi violupale lua ñualiwa ocingonja,Vu kasi oku liteta ene muẽle;Etu tua ñualiwa vali ocingonja.+
Ovo va veta lombueti onganji yo Isareli ketama.+
2 Kuenje ove A Beteleme Efarata,+Vutito calua pokati kapata o Yuda,Vokuove mu ka nundila umue o ka viala ko Isareli,+Okuti ocikoti caye ci tunda kotembo yosimbu, koloneke viosimbu.
3 Omo liaco, eye o ka va yandulukaToke otembo eci una o laika oku cita, a cita.
Kuenje vamanjaye va supapo va ka tiukila komanu va Isareli.
4 Eye o ko votola kuenda o ka lava longusu ya Yehova,+Lunene wa velapo wonduko ya Yehova Suku yove.
Kuenda ovo va ka tunga loku kolapo,+Momo cilo unene waye u ka pitĩla kesulilo lio kilu lieve.+
5 Eye o ka nena ombembua.+
Nda u Suria umue o katukila ofeka yetu kuenda o liata olosapalalo vi kuete oviteyuilo,+Tu ko votuila angombo epanduvali okuti, olombuale* ecelãla viomanu.
6 Ovo va ka lava ofeka yo Asuria losipata,+Kuenda ofeka ya Nimuroti+ papito alio.
Kuenje eye o ka tu yovola ku Asuria,+Eci eye a ka iñila vofeka yetu kuenda oku liata vocikanjo cetu.
7 Vana va ka supapo ku Yakoba, va ka kala pokati komanu valuaNdowume wa tunda ku Yehova,Ndombela yalua yi lokela kovikũlaOkuti, ka va kolela komunu
Ale oku kevelela komãla vomanu.
8 Vana va supa ku Yakoba, va ka kala pokati kolofeka,Pokati komanu valua,Ndohosi pokati kovinyama via tema viovusenge,Ndohosi yumalẽhe* pokati kocunda colomeme,Yi pita loku kuata kuenda yi nyanyõla;Kuenda ka kuli laumue o va yovola.
9 Eka liaye li ka katukila ovanyãli vaye,Kuenda ovanyãli vaye vosi va ka kunduiwa.”
10 “Keteke liaco,” oco Yehova a popia,“Ndi ka kundula olokavalu viene pokati kene kuenda ndi ka nyõla akãlu ene.
11 Ndi ka nyõla alupale ofeka yeneKuenda ndi ka kundula ovitumãlo viene viosi via pama.
12 Ndi ka malako ovombanda ove wa siata oku linga,*Kuenda layumue ukuakutãha o ka amamako pokati kove.+
13 Ndi ka nyõla oviñumañuma viove via songiwa kuenda olongunji vi kasi pokati kove,Kuenda lalimue eteke o ka petamẽla vali kovopange ovaka ove.+
14 Ndi ka tukũla pokati kene olombueti+ viene vi kola*Kuenda ndi ka nyõla alupale ene.
15 Lonyeño kuenda oku tema, ndi ka kangisaOlofeka vina ka via pokuile kokuange.”
