Isaya 9:1-21
9 Omo liaco, alende ka a ka kala vali ndeci a kala eci ofeka ya Sevulono lofeka ya Nafitali via tatiwa lesepu, eci ofeka ya kala vohali.+ Pole, noke yotembo yimue, Eye* o ka lingisa okuti onjila yi kasi ocipepi lokalunga kimbo lio Yordão okuti o Galilea yolofeka, yi sivayiwa.
2 Omanu vana va kala oku endela vowelema waluaVa mola ocinyi cimue cinene.
Catiamẽla ku vana va kala vofeka yowelema walua,Ocinyi ca tuila kokuavo.+
3 Ove wa lingisa okuti, ofeka yi yukisiwa lomanu valua;Ove wa lingisa okuti va kuata esanju lialua.
Ovo va sanjukila kovaso yoveNdeci omanu va sanjuka kotembo yoku ungula,Ndeci vana va sanjukila oku litepela ovina via pundiwa.
4 Momo ove wa teya vovinimbu okanga yocilemo cavo,Ombueti yi kasi kapepe avo, ombueti yusongui,Ndeteke lioku nyõliwa kuo Midiane.+
5 Olohaku viosi viasualali okuti, vi lulumisa ongongo osimbu va kasi oku endaLuwalo wosi weyukisiwa osondeVi ka linga olohũi viondalu.
6 Momo omõla umue ulume wa tu citilua,+Omõla umue ulume wa eciwa kokuetu;Kuenda uviali* u ka kala kapepe aye.+
Onduko yaye yi ka tukuiwa hati, Ndunguli o Komõhisa,+ Suku Ukuonene,+ Isia Ka Pui, Mbiali Yombembua.
7 Oku amamako kuviali* wayeKuenda kuombembua, ka vi ka sulila,+Kocalo ca Daviti kuenda kusoma waye+Usoma waco u kamamako oku kolapo+ kuenda u ka kuatisiwaOmo liesunga+ kuenda esunguluko,+Oku upisa cilo kuenda otembo ka yi pui.
Ombili ya Yehova ukualohoka yi ka ci linga.
8 Yehova wa tuma esapulo lioku katukila Yakoba,Kuenje olio lia tẽlisiwa ko Isareli.+
9 Kuenje omanu vosi va ka ci kũlĩhaO Efarimi kuenda olonungi vio SamariaVana va popia lepela kuenda lekambo liesumbilo vutima wavo vati:
10 “Atisolu a kupuka,Pole, tu ka tunga lovawe a songiwa.+
Oviti viakuyu via tetiwa,Pole, tu ka vi piñainya loviti viosedru.”
11 Yehova o ka votola ovanyãli vo ko Recini oco va katukile o EfarimiKuenda o ka vetiya ovanyãli vo Efarimi oco va yake,
12 O Suria oku upisa kutundilo kuenda va Filisiti oku upisa kutakelo,*+Va ka yikula ovimẽla kuenda va ka lia Isareli.+
Omo liovina viaco viosi, onyeño yaye ka ya litiukilemo,Pole, eka liaye handi liolõha oco li ponde.+
13 Momo omanu ka va tiukile ku Una o va ponda;Ovo ka va sandele Yehova ukualohoka.+
14 Yehova o ka teta ko IsareliUtue, lucĩla, ocanja kuenda owangu* wa lepa, veteke limosi.+
15 Ukulu haeye wa sumbiwapo vali eye utue,Uprofeto una o longisa uhembi eye ucĩla.+
16 Vana va songuila omanu ava, va kasi oku va tungayasa,Kuenda vana va songuiwa va kasi vatatahãi.
17 Eli olio esunga lieci Yehova ka ka sanjukila amalẽhe vomanu ava,Kuenda eye ka ka lekisa ohenda komãla ka va kuete isia* lo kovimbumba viomanu avaMomo vosi yavo va linga olonanguluke kuenda olondingaĩvi+Kuenje vosi yavo va vangula atonãi.
Omo liovina viaco viosi, onyeño yaye ka ya litiukilemo,Pole, eka liaye handi liolõha oco li ponde.+
18 Evĩho li taima ndondalu,Yi timĩha olosongo kuenda osoka.
Oyo yi ka timĩha oviti viovusenge,Okuti vi ka pongoloka alende owisi.
19 Omo lionyeño ya Yehova ukualohokaOfeka ya timĩhiwa,Kuenda omanu va ka kala olohũi viondalu.
Lomue o ka lekisa ohenda ndaño muẽle ku manjaye.
20 Umue o ka teta kondioPole, o kamamako lonjala;Ukuavo o ka lia kepĩliPole, ka kekuta.
Omunu lomunu o ka lia ositu yokuokuo kuaye muẽle,
21 Manase o ka lia Efarimi,Kuenda Efarimi o ka lia Manase.
Vosi yavo va ka katukila o Yuda.+
Omo liovina viaco viosi, onyeño yaye ka ya litiukilemo,Pole, eka liaye handi liolõha oco li ponde.+
Atosi Pombuelo
^ Okuti, Suku.
^ Ale “uviali; uviali wombuale.”
^ Ale “uviali; uviali wombuale.”
^ Lit., “oku upisa konyima.”
^ Ale pamue, “ocanja cuti wondende kuenda olundeya.”
^ Ale “kolosiwe viavo.”
