Oco o kuate onima yiwa koku talavaya lonumbi yo Internet jw.org, tu kasi oku talavaya lolo cookies kuenda ovoloño a lisoka. Olo cookies vimue vi sukiliwa oco onumbi yetu yi talavaye ciwa kuenda ka citava oku vi likala. Ove o pondola oku tava ale oku likala oku talavaya lolo cookies vikuavo, vina tu talavaya lavio lika oco tu mioñolole ekalo liove lioku talavaya lonumbi yilo. Laumue pokati kovolandu aco u landisiwa ale oku linga lawo asapulo esanda. Oco o kũlĩhe ovina vikuavo, tanga Ulandu wetu watiamẽla koku talavaya lolo cookies kuenda ovoloño a lisoka. Ove o pondola oku pongolola esokiyo wa linga vepuluvi liosi o yongola poku iñila vonumbi Ndomo o Liteyuila.
3 Omo liaco a vamanji, sia ponduile oku vangula lene ndomanu vakuespiritu,+ pole, nda vakuetimba okuti, ndotumãla+ vu Kristu.2 Ndo tekoli lasenjele, halokuliako kua kõla omo okuti, handi ka wa pameli. Ndaño cilo, lopo ka wa pameli,+3 momo handi wakuetimba.+ Osimbu pokati kene pali ukuse lovama havukuetimbako hẽ+ kuenda ka wendaendi ndeci omanu va endaenda?4 Momo eci umue a popia hati, “Ame nda tiamẽla ku Paulu,” ukuavo hati, “Nda tiamẽla ku Apolosi,”+ ka wa tuwili hẽ ndomanu vaño?5 Apolosi hẽ eye helie? Paulu eye helie? Ovo olondingupange+ pocakati ca vana ene wa tavi ndeci Ñala a va kundika omunu lomunu.6 Ame nda kũla,+ Apolosi wa tapela,+ pole, Suku wa kulisa,7 ci kaile u wa kũla, ci kaile u wa tapela vosi yavo hacimueko, te Suku o kulisa.+8 Una o kũla la una o tapela va lisoka,* pole, omunu lomunu o ka tambula onima yaye ndeci ca sesamẽla upange waye.+9 Momo tulondingupange kumue la Suku. Ene wepia lia Suku, haene wunjo yi tungiwa la Suku.+10 Omo nda kundikiwa ohenda ya piãla ya Suku, nda seveta ociseveto+ ndutungi* wa loñoloha, puãi umue wiñi o tungilako. Pole, omunu lomunu amameko oku lavulula ndomo a tungilapo.11 Momo lomue o tẽla oku seveta ociseveto cikuavo, te lika cina ca sevetiwa ale okuti, Yesu Kristu.+12 Nda umue o tungila kociseveto ulu, opalata, ovawe a tĩla, pamue oviti, owangu, ale ovisiakiti,13 upange womunu lomunu u limbukiwa,* momo eteke liaco liu limbukisa, omo u situluiwa pocakati condalu+ kuenje ondalu yi ka lekisa upange womunu lomunu ndeci a tunga.14 Nda upange omunu umue a tungila kociseveto u tumãla, omunu waco o ka tambula onima;15 nda upange womunu umue u pia, omunu waco o ka pesela, pole, o ka kala ndomunu wa puluka kondalu.16 Ka wa kũlĩhĩli okuti ene muẽle vunembele ya Suku+ kuenda okuti espiritu lia Suku li kasi vokati kene?+17 Nda umue o nyõla onembele ya Suku, omunu waco o ka nyõliwavo la Suku; momo onembele ya Suku yi kola kuenje ene vunembele yaco.+18 Lomue ka ka likembe eye muẽle: Nda umue pokati kene o sima okuti ukualondunge kovaso omanu voluali lulo,* a linge eveke, oco a linge ukualondunge.19 Momo olondunge violuali lulo ku Suku uveke, omo ca sonehiwa citi: “Eye o kokela vakualondunge oku kupukila volonjanjo viavo muẽle.”+20 Kuenda vali hati: “Yehova* wa kũlĩha okuti ovisimĩlo via vakualondunge viesanda.”+21 Omo liaco, lomue ka ka lipandele omanu; momo ovina viosi via tiamẽla kokuene,22 ci kaile Paulu, ci kaile Apolosi, ale Kefa,*+ pamue oluali lulo, ale omuenyo, loku fa, pamue ovina via cilo, levi vi laika oku iya, ovina viosi viene;23 puãi ene wa tiamẽli ku Kristu;+ Kristu puãi wa tiamẽla ku Suku.