Anga hẽ Ndi Pondola Oku Sanga Olondaka Vielembeleko Vembimbiliya?
Etambululo Liembimbiliya
Oco. (Va Roma 15:4) Kũlĩhĩsa ovolandu a sangiwa vovinimbu Viembimbiliya okuti, via siata oku lembeleka omanu vana va kasi oku liyaka lovitangi kuenda asakalalo.
Ce ci sangiwa vocipama cilo
Ovitangi
Olosamo 23:4: “Ndaño ngendela vocimbota cowelema walua, lacimue cĩvi ndi yokokela, momo ove o kasi lame.”
Elomboloko Liocinimbu Eci: Eci o likutilila ku Suku kuenda o sanda oku songuiwa Londaka yaye Embimbiliya, o pondola oku kuata utõi poku liyaka lovitangi.
Va Filipoi 4:13: “Momo kovina viosi ñuete ongusu mekonda lia una o nyĩha unene.”
Elomboloko Liocinimbu Eci: Suku o pondola oku ku ĩha ongusu poku liyaka lovitangi.
Olofa via umue ngandietu
Ukundi 9:10: “Lomue o pondola oku linga upange, esokiyo, oku lilongisa, ale oku kuata elomboloko liocina cimue Vonjembo.”
Elomboloko Liocinimbu Eci: Vangandietu vana va fa, ka va kasi oku tala ohali kuenda ka va pondola oku tu linga cimue. Ovo ka va kũlĩhile lacimue.
Ovilinga 24:15: “Ku laika oku kala epinduko.”
Elomboloko Liocinimbu Eci: Suku o ka pindula vangandietu va fa.
Oku livetela evelo
Olosamo 86:5: “Momo ove uwa A Yehova, a kuenda olonjanja viosi wa likapelako oku ecela; ocisola cove ka ci pongoloka, calua ku vosi vana va ku vilikiya.”
Elomboloko Liocinimbu Eci: Suku ecela omanu vana va likekembela akandu va linga kosimbu, havo va nõlapo oku yuvula oku vi pitulula vali.
Olosamo 103:12: “Ndeci utundilo u kasi ocipãla lutakelo, haico eye a kapa akandu etu ocipãla letu.”
Elomboloko Liocinimbu Eci: Eci Suku a ecela, eye o kapa akandu etu ocipãla letu. Eye ka vi ivailuka vali kuenda ka tu vetela evelo, ale oku tu kangisa omo liakandu aco.
Esumuo
Olosamo 31:7: “Momo ove wa siata oku mola ohali yange; ove wa kũlĩha esumuo liange lialua.”
Elomboloko Liocinimbu Eci: Suku wa kũlĩha ciwa o hali tu tala. Eye wa kũlĩha ndomo tu liyevite ndaño ceci vakuetu ka va ci limbukile.
Olosamo 34:18: “Yehova o kasi ocipepi la vakuavitima via teka; eye o popela vana va sumua.”
Elomboloko Liocinimbu Eci: Suku wa likuminya oku ku kuatisa eci o sumua. Eye o pondola oku ku ĩha ongusu poku liyaka lesumuo.
Oku Vela
Olosamo 41:3: “Yehova u kolisa eci a kasi pula loku vela.”
Elomboloko Liocinimbu Eci: Suku o pondola oku ku kuatisa eci o liyaka luvei umue okuti ka u kayi, poku ku ĩha ombembua yo vutima kumue longusu, epandi kuenda olondunge oco o nole olonjila viwa.
Isaya 33:24: “Layimue onungi yi ka popia yiti: “Ndi vela.
Elomboloko Liocinimbu Eci: Suku wa likuminya otembo yimue okuti, omanu vosi va ka kuata uhayele uwa.
Asakalalo
Olosamo 94:19: “Eci asakalalo a ndi wila, ove wa ndembeleka kuenda wa ndi tulumũla.”
Elomboloko Liocinimbu Eci: Nda tua kolela ku Suku eci tu kuata asakalalo, eye o ka tu kuatisa oku tulumũha.
1 Petulu 5:7: “Yeki kokuaye asakalalo ene osi, momo eye o vu tati.”
Elomboloko Liocinimbu Eci: Suku wa kũlĩha ohali tu tala. Eye o tu laleka oku likutilila kokuaye catiamẽla kovitangi vietu.
Ovoyaki
Olosamo 46:9: “Eye o kasi oku nena esulilo liovoyaki kilu lieve liosi.”
Elomboloko Liocinimbu Eci: Usoma wa Suku u ka malako ovoyaki osi.
Olosamo 37:11, 29: “Pole, ambombe va ka piñala ilu lieve, kuenda va ka sanjukila ombembua yalua. . . . Vakuesunga va ka piñala ilu lieve, kuenda va ka kalamo otembo ka yi pui.”
Elomboloko Liocinimbu Eci: Afendeli va Suku va ka sanjukila ombembua palo posi.
Osumba wovina vi keya kovaso yoloneke
Yeremiya 29:11: “Nda kũlĩha ciwa ovisimĩlo ndu vu kueteli,’ oco Yehova a popia, ‘ovisimĩlo viombembua okuti, haviohaliko, oco ngece kokuene ekalo liwa kuenda elavoko limue.”’
Elomboloko Liocinimbu Eci: Suku wa likuminya kafendeli vaye okuti, va ka kuata ekalo liwa kovaso yoloneke.
Esituluilo 21:4: “Eye o ka puenya asuẽlẽla osi vovaso avo, oku fa ka ku ka kalako vali, ndaño oku lila loku liyula levalo ka vi ka kalako vali. Ovina viatete via pita.”
Elomboloko Liocinimbu Eci: Suku wa likuminya oku malako ovina viosi vĩvi tua siata oku liyaka lavio koloneke vilo.
a Yehova onduko ya Suku. (Olosamo 83:18) Tanga ocipama losapi hati, “Yehova Helie?”
Ove o ka ci Sola
UTALA WONDAVULULI
Ndomo o Kuatisiwa Leteyuilo Lia Suku
Ovisonehua vi tu kuatisa oku kolela kolohuminyo via Suku vioku nena ekalo liwa kovaso yoloneke.
APULILO ATAMBULUIWA LEMBIMBILIYA
Pi Ndi Pondola Oku Sanga Elavoko?
Ono yimue ya koleliwa yi pondola oku mioñolola omuenyo wove cilo kuenda oku ku ĩha ekolelo liatiamẽla kovaso yoloneke.
OLOSAPI VIKUAVO
Elembeleko ku Vana va Fisa Vangandiavo
Eci ngandietu umue a fa, tu sima okuti lomue o kuete elomboloko lievalo tu yevite. Pole Suku o kuete elomboloko liaco kuenda o pondola oku tu kuatisa.
UTALA WONDAVULULI
Ceci Omuenyo u Kala Ndu Okuti ka u Kuete Esilivilo
Ndaño tu liyaka lovitangi, omuenyo handi u kuete esilivilo
ESSENTIAL BIBLE TEACHINGS
Momo Lie Suku a Ecelela Ohali?
Omanu valua va lipula esunga lieci voluali mueyukila evĩho kuenda ohali. Embimbiliya lieca etambululo liasuapo halio li lembeleka.
ALONGISO EMBIMBILIYA
Seteka Elilongiso Lietu Liembimbiliya
Kuata elilongiso limue Liembimbiliya liocali lolonumbi via liyekala.