53-دەرس
يەھۋانى خۇرسەن قىلىدىغان ئويۇن-تاماشىلارنى تاللاڭ
يەھۋا شاد-خۇرام خۇدادۇر (1-تىموتىي 1:11). ئۇ بىزنىڭمۇ شاد-خۇرام ھايات كەچۈرۈشىمىزنى خالايدۇ. بىز ئارام ئېلىش ئۈچۈن ۋاقىت ئاجراتساق، يەھۋا خۇشال بولىدۇ. بۇ دەرستە بىز بوش ۋاقتىمىزنى خۇشال-خۇرام ۋە ئەھمىيەتلىك ئۆتكۈزۈش ۋە يەھۋانى خۇرسەن قىلىش ئۈچۈن نېمىلەرنى قىلالايدىغانلىقىمىزنى كۆرىمىز.
1. ئويۇن-تاماشىلارنى تاللىغاندا، نېمىلەرنى ئەستە ساقلىشىمىز كېرەك؟
ئارام ئالغان چاغلاردا نېمە قىلىشنى ياخشى كۆرىسىز؟ بەزىلەر بوش ۋاقىتلىنى ئۆيدە تىنچ ئولتۇرۇپ، كىتاب ئوقۇش، مۇزىكا تىڭشاش، كىنو كۆرۈش ياكى تور بېكەتلەرنى زىيارەت قىلىشتەك ئىشلار بىلەن ئۆتكۈزىدۇ. باشقىلار دوستلىرى بىلەن پىيادە مېڭىش، سۇ ئۈزۈش ياكى بىر ئويۇن ئويناشتەك ئىشلار بىلەن ۋاقىت ئۆتكۈزىدۇ. مەيلى ۋاقتىمىزنى قانداق ئۆتكۈزۈشىمىزدىن قەتئىينەزەر، كۆڭۈل ئېچىش ئۈچۈن تاللىغان ئويۇن-تاماشىلار رەببىمىزنى خۇرسەن قىلىدىغانلىقىغا كۆز يەتكۈزۈشىمىز كېرەك (ئەفەسلىكلەر 5:10). بۇنى چۈشىنىش ناھايىتى مۇھىم، چۈنكى نۇرغۇن كىشىلەرنىڭ ئالقىشىغا ئېرىشكەن كۆڭۈل ئېچىش پائالىيەتلىرى، يەھۋا ئۆچ كۆرىدىغان زوراۋانلىق، جىنسىي ئەخلاقسىزلىق ياكى جىنكەشلىككە ئوخشاش ئىشلارنى ئۆز ئىچىگە ئالىدۇ (زەبۇر 11:5-نى ئوقۇڭ). كۆڭۈل ئېچىش ئۈچۈن ئويۇن-تاماشىلارنى تاللىغاندا، دانا قارار چىقىرىشقا نېمە ياردەم بېرىدۇ؟
ئەگەر بىز يەھۋانى سۆيىدىغان دوستلارنى تاللىساق، ئۇلار بىزگە ئويۇن-تاماشا تاللاشتا ياخشى تەسىر قىلالايدۇ. ئالدىنقى دەرستە ئۆگەنگىنىمىزدەك، «دانالار بىلەن ھەمراھ بولسا، دانا بولار». ئەكسىچە، ئەگەر بىز خۇدانىڭ ئۆلچەم-قائىدىلىرىنى ياقتۇرمايدىغان ئادەملەر بىلەن دائىم مۇناسىۋەت قىلساق، «زىيانغا» ئۇچرايمىز.—پەندى-نەسىھەت 13:20.
2. كۆڭۈل ئېچىشقا قانچىلىك ۋاقىت سەرپ قىلىش نېمە ئۈچۈن مۇھىم؟
بىز تاللىغان ئويۇن-تاماشا ساغلام بولغان تەغدىردىمۇ، ئۇنىڭغا بەك كۆپ ۋاقىت سەرپ قىلىشتىن ساقلىنىشىمىز كېرەك. بولمىسا، تېخىمۇ مۇھىم ئىش-پائالىيەتكە يېتەرلىك ۋاقىت چىقىرالماسلىقىمىز مۇمكىن. مۇقەددەس كىتاب بىزنى ۋاقتىمىزنى ئەڭ ياخشى ئۇسۇلدا قوللىنىشقا دەۋەت قىلىدۇ.—ئەفەسلىكلەر 5:15، 16-نى ئوقۇڭ.
چوڭقۇرراق قېزىڭ
كۆڭۈل ئېچىش ئۈچۈن ئويۇن-تاماشىلارنى تاللاشتا توغرا قارارلارنى چىقىرىشنى ئۆگىنىۋېلىڭ.
3. ساغلام بولمىغان ئويۇن-تاماشىلاردىن يىراق تۇرۇڭ
نېمە ئۈچۈن ئويۇن-تاماشىلارنى تاللىغاندا ئېھتىياتچان بولۇشىمىز لازىم؟ فىلىمنى كۆرۈڭ، كېيىن تۆۋەندىكى سوئاللار ئۈستىدە ئويلىنىپ كۆرۈڭ.
-
قەدىمقى گلادىئاتورلارنىڭ ئويۇنلىرى قايسى زامانىۋىي كۆڭۈل ئېچىش پائالىيەتلىرىگە ئوخشايدۇ؟
-
بۇ فىلىمدا، داننى كۆڭۈل ئېچىش ھەققىدە نېمىلەرنى ئۆگەندى؟
رىملىقلار 12:9-نى ئوقۇڭ، كېيىن تۆۋەندىكى سوئالغا جاۋاب بېرىڭ:
-
بۇ ئايەت ئويۇن-تاماشىلارنى تاللىشىڭىزغا قانداق ياردەم بېرىشى كېرەك؟
يەھۋا قانداق نەرسىلەرنى ئۆچ كۆرىدۇ؟ پەندى-نەسىھەت 6:6، 17 ۋە گالاتىيالىقلار 5:19–21-نى ئوقۇڭ. ھەربىر ئايەتنى ئوقۇغاندىن كېيىن، تۆۋەندىكى سوئالغا جاۋاب بېرىڭ:
-
بۈگۈنكى ئويۇن-تاماشىلاردا، بۇ ئايەتلەردە تىلغا ئېلىنغان قايسى ئىشلار كۆپ ئۇچرايدۇ؟
ئويۇن-تاماشىلارنى دانالىق بىلەن تاللاڭ!
ئۆزىڭىزدىن سوراپ كۆرۈڭ:
-
نېمە؟ بۇ يەھۋا ئۆچ كۆرىدىغان نەرسىنى ئۆز ئىچىگە ئالامدۇ؟
-
قاچان؟ بۇ تېخىمۇ مۇھىم ئىشلارغا سەرپ قىلىدىغان ۋاقتىمنى ئالامدۇ؟
-
كىم؟ بۇ مېنى يەھۋانى سۆيمەيدىغان كىشىلەر بىلەن يېقىنلىشىشقا ياكى دائىم ۋاقىت ئۆتكۈزۈشكە يېتەلەمدۇ؟
خەتەردىن مۇمكىنقەدەر يىراق تۇرۇش تېخىمۇ بىخەتەر. شۇڭا، بىز زىيانلىق ئويۇن-تاماشىلاردىن يىراق تۇرۇشىمىز كېرەك
4. ۋاقتىڭىزدىن ئۈنۈملۈك پايدىلىنىڭ
فىلىمنى كۆرۈڭ، كېيىن تۆۋەندىكى سوئال ئۈستىدە ئويلىنىپ كۆرۈڭ.
-
فىلىمدىكى بۇرادەر ھېچبىر يامان نەرسىنى كۆرمىسىمۇ، قانداق قىيىنچىلىققا دۇچ كەلگەن؟
فىلىپىلىكلەر 1:10-نى ئوقۇڭ، كېيىن تۆۋەندىكى سوئال ئۈستىدە ئويلىنىپ كۆرۈڭ:
-
بۇ ئايەت كۆڭۈل ئېچىش ئۈچۈن قانچىلىك ۋاقىت سەرپ قىلىشنى قارار قىلىشىمىزغا قانداق ياردەم بېرەلەيدۇ؟
5. ساغلام ئويۇن-تاماشىلارنى تاللاڭ
يەھۋا بەزى ئويۇن-تاماشىلارنى ئۆچ كۆرسىمۇ، ئۇنى خۇشال قىلىدىغان نۇرغۇن ئويۇن-تاماشىلار بار. ۋەز 8:15 ۋە فىلىپىلىكلەر 4:8-نى ئوقۇڭ، كېيىن تۆۋەندىكى سوئالغا جاۋاب بېرىڭ:
-
قايسى ساغلام ئويۇن-تاماشىلاردىن خۇشاللىق تاپىسىز؟
ساغلام كۆڭۈل ئېچىش ۋە ئويۇن-تاماشىلاردىن ھۇزۇر ئالالايسىز
بەزىلەر مۇنداق دەيدۇ: «ئويۇن-تاماشىلاردا زوراۋانلىق، ئەخلاقسىزلىق ياكى جىنكەشلىك توغرۇلۇق مەزمۇنلار بولسا، ئۇنىڭ خاتا يېرى يوق. ئۆزۈم شۇنداق ئىشلارنى قىلمايمەن، ئۇ پەقەتلا كۆڭۈل ئاچىدىغان ئويۇنغۇ!»
-
سىز نېمە دەيسىز؟
خۇلاسە
يەھۋا بىزنىڭ ساغلام ئويۇن-تاماشىلارنى تاللىشىمىزنى ۋە ئۇلاردىن ھۇزۇر ئېلىشىمىزنى خالايدۇ.
تەكرارلاش
-
مەسىھ ئەگەشكۈچىلىرى قانداق ئويۇن-تاماشىلاردىن يىراق تۇرۇشى كېرەك؟
-
بىز كۆڭۈل ئېچىش ئۈچۈن قانچىلىك ۋاقىت سەرپ قىلىشقا نېمە ئۈچۈن دىققەت قىلىشىمىز كېرەك؟
-
نېمە ئۈچۈن يەھۋانى خۇشال قىلىدىغان ئويۇن-تاماشىلارنى تاللاشنى خالايسىز؟
ئىزدىنىپ كۆرۈڭ
كىم بىزنىڭ كۆڭۈل ئېچىشىمىز ئۈچۈن ئويۇن-تاماشىلارنى تاللايدۇ؟
ئويۇن-تاماشىلار ۋە كۆڭۈل ئېچىش پائالىيەتلىرىنى تاللاشتا قانداق توغرا قارارلارنى چىقىرالايسىز؟
«سىز تاللىغان ئويۇن-تاماشىلار پايدىلىقمۇ؟» («كۈزىتىش مۇنارى»، 2011-يىل، 15-ئۆكتەبىر)
نېمە ئۈچۈن بىر كىشى باشقىچە كۆڭۈل ئېچىش پائالىيەتلىرىنى تاللىغانلىقىنى ئۈچۈن، «مەن باشقىلارنى كەمسىتىشنى تاشلىدىم» ناملىق ماقالىنى كۆرۈڭ.
«مۇقەددەس كىتاب ھاياتنى ئۆزگەرتىدۇ» («كۈزىتىش مۇنارى»، 2010-يىل، 1-فېۋرال)
بىر ئانىنىڭ جىنكەشلىك بىلەن باغلىنىشى بار فىلىم توغرىسىدا قانداق دانا قارار چىقارغانلىقىنى كۆرۈڭ.
«جىنكەشلىككە مۇناسىۋەتلىك ئويۇن-تاماشىلاردىن يىراق تۇرۇڭ» (02:2)
بۇلارغىمۇ قىزىقىشىڭىز مۇمكىن
كۆپ سورالغان سوئاللار
مۇقەددەس كىتابنى تەتقىق قىلىش دېگەن نېمە؟
مۇقەددەس كىتابنى ھەقسىز تەتقىق قىلىش پروگراممىمىز ھەققىدە سوئاللارغا جاۋاب ئېلىڭ.
