1-بۆلۈم
خۇدا بىزگە كۆڭۈل بۆلەمدۇ؟
بۈگۈنكى كۈندە، دۇنيانىڭ جاي-جايلىرىدا ئۇرۇشلار، تەبئىي ئاپەتلەر، كېسەللىك، نامراتلىق، چىرىكلىك ۋە باشقا رەزىللىكلەر مىليونلىغان كىشىلەرنى ئازاب-ئوقۇبەتكە دۇچار قىلماقتا. بەلكىم سىز ھەم كۈندىلىك تۇرمۇشنىڭ غەم-ئەندىشىلىرىگە پاتقانسىز. ئۇنداقتا، كىم بىزگە كۆڭۈل بۆلۈپ، ياردەم قولىنى سۇنار؟
خۇدانىڭ مېھىر-مۇھەببىتى، ئانىنىڭ بالىسىغا بولغان ئوتلۇق مېھىرىدىنمۇ كۈچلۈكتۇر
خۇدا بىزگە كۆڭۈل بۆلىدۇ. بۇنى قانداق جەزم قىلالايمىز؟ مۇقەددەس يازمىلاردا، خۇدا مۇنداق دېگەن: «بىر ئانا ئېمىۋاتقان بالىسىنى ئۇنتۇپ قالارمۇ؟ ئۆز باغرىنى يېرىپ چۈشكەن ئوغلىغا شەپقەت قىلماي قالارمۇ؟ ئۇلار ئۇنتۇسىمۇ، مەن سېنى ئەسلا ئۇنتۇماسمەن» a.
خۇدانىڭ شۇنداق سۆزلىرىنى ئاڭلاپ، كۆڭلىڭىز تەسەللىي تاپمامدۇ؟ خۇدانىڭ مېھىر-مۇھەببىتى، ھەتتا ئانىنىڭ بالىسىغا بولغان ئوتلۇق مېھىرىدىنمۇ كۈچلۈكتۇر. خۇدا بىزنى ھەرگىز تاشلىمايدۇ! ئەمەلىيەتتە، ئۇ بەخت-سائادەتلىك تۇرمۇشقا ئېرىشىشنىڭ ئاچقۇچى — «ھەقىقىي ئىمان-ئېتىقاد»، ئىكەنلىكىنى كۆرسىتىش ئارقىلىق بىزگە ئاللىقاچان ياردەم قولىنى سۇنغان.
چىن ئىمان-ئېتىقاد سىزنى خۇشال-خۇراملىققا ئېرىشتۇرىدۇ. شۇنداق ئېتىقاد نۇرغۇنلىغان قىيىنچىلىقلاردىن خالىي بولۇشىڭىزغا، ھەتتا خالىي بولۇش تەس بولغان مەسىلىلەرنى لايىقىدا بىر تەرەپ قىلىشىڭىزغا ياردەم بېرىدۇ. يەنە سىزنى يەھۋاغا يېقىنلاشتۇرۇپ، قەلبىڭىزنى ۋە ئوي-پىكرىڭىزنى تىنچلاندۇرىدۇ. ھەقىقىي ئىمان-ئېتىقاد يولىدا مېڭىش گۈزەل كېلەچەككە يەنى جەننەتتىكى مەڭگۈلۈك ھاياتلىققا يېتەكلەيدۇ!
بىراق، ھەقىقىي ئىمان-ئېتىقاد دېگەن نېمە؟ ئۇنى قانداق يېتىلدۈرەلەيسىز؟
a مۇقەددەس كىتابنىڭ يەشايا 49:15-ئايەتكە قاراڭ.
بۇلارغىمۇ قىزىقىشىڭىز مۇمكىن
مۇقەددەس كىتاب. سوئال-جاۋاب
ئىنسانىيەتنىڭ ئازاب-ئوقۇبەتلىرىگە خۇدا ئەيىبلىكمۇ؟
ھەممە ئادەملەر، ھەتتا خۇدانىڭ ماقۇللىشىغا ئىگە بولغان ئادەملەرمۇ، ئازاب چېكىدۇ. نېمىشكە؟
