Юрттэ-а Библия семьяослы шудо луыны?
Библиысь валэктон
Юрттэ. Тани Библиысь куд-ог визьмо визь-кенешъёс, кудъёсыз трос миллион адямиослы семьязэс шудо карыны юрттӥзы.
Гожтӥське. Кылсётон, кудзэ кузпалъёс гожтӥськыкузы ог-огзылы вань улытозязылы сёто, семьязылы шудо луыны юрттэ (Матфей 19:4—6).
Яратэмдэс но гажамдэс возьматэ. Со понна кузпалэныды асьтэды возе озьы, кызьы асьтэос солэсь лэсьтэмзэ кулэ кариськоды (Матфей 7:12; Ефесъёслы 5:25, 33).
Лек кылъёс эн вералэ. Лякытэн вераське, кузпалдылэн кылъёсыз яке ужъёсыз тӥледыз вӧсь каро ке но (Ефесъёслы 4:31, 32). Мадёнъёсын 15:1 гожтэмын: «Зӥбыт-востэм верам кыл йыркурез кысэ, нош сантэмась кыл йыркурез ӝуатэ».
Ог-огдылы оскымон луэ. Кузпалдылы гинэ нимысьтыз саклыктэс висъялэ (Матфей 5:28). Библиын вераське: «Бызьыса-басьтыса улонды дун-чылкыт мед луоз, кусыпъёсты саптаськемын медаз лу» (Еврейёслы 13:4).
Нылпиостэс яратыса будэтэ. Укыр небытэсь но, укыр чурытэсь но эн луэ (Мадёнъёс 29:15; Колоссыослы 3:21).
Тӥледлы тунсыко луоз, дыр
ТӤЛЯД СЕМЬЯДЫ ШУДО ЛУЫНЫ БЫГАТЭ
Инмарлэн визь-кенешъёсыз кузпалъёслы шудо луыны юртто
Кык огшоры юанъёслы валэктон сётыса, кузпалъёс шудогес луыны быгато.
