Агайёс но сузэръёс пӧлын улыса, милям Давидлэн кадь шӧдонъёсмы кылдо, кудӥз вераз: «Макем ӟеч, макем умой агай-вынъёслы валче улыны!» (Псалтирь 132:1). Но тупаса но огкылысь улон ас понназ уг кылды. Со понна котькудмылы туж тыршоно луэ.

1. Маин Инмарлэн калыкез мукетъёсызлэсь пӧртэм луэ?

Кыӵе гинэ шаерын кенешлэн пумиськоназ ми медам мынэ, отын мукет кылын верасько ке но, ми асьмеды ас семьяямы кадь шӧдомы. Малы? Малы ке шуоно ми Библиез одӥг программая дышетӥськомы но ог-огмылы яратэммес возьматӥськомы. Кытын гинэ ми медам улэ, ми ваньмы одӥг Инмарлы, Иеговалы, огкылысь ужаськомы-тыршиськомы (Софония 3:9).

2. Мар тӥ карыны быгатӥськоды, кенешын огкылысь но тупаса улон мед луоз шуыса?

Библия ӧте: «Огдэс огды чылкыт сюлэмен яратэлэ» (1 Пётр 1:22). Мар кароно со понна? Со понна тыршоно адямиослэсь умой сямъёссэс адӟыны. Озьы ик эшъяськоно пӧртэм агайёсын но сузэръёсын, соос милесьтым туж пӧртэмесь ке но. Со сяна, шӧдӥськомы ке, одӥг адямиосты гажаськомы, нош мукетъёсызлэсь палэнскиськомы шуыса, соку тыршоно воштӥськыны но вань адямиос шоры одӥг кадь учкыны. (Лыдӟе 1 Пётрлэсь 2:17.) a

3. Мар кароно, тӥледлы секыт ке кенешысь кинэн ке огкыл шедьтыны?

Ми ваньмы одӥг семья кадь, но ми ваньмы сьӧлыкоесь. Соин ик куддыръя ог-огмес вӧсь кариськомы но ӝоже уськытӥськомы. Библиын верамын: «Огдылэсь огды сьӧлыкъёстэс куштэ, кызьы Инмар Христос пыр тӥлесьтыд сьӧлыкъёстэс куштӥз». (Лыдӟе Ефесъёслы 4:32.) Ми ялан Иеговаез ӝоже уськытӥськомы, но со милесьтым сьӧлыкъёсмес куштэ. Со возьма, ми но агайёсмес но сузэръёсмес простить каромы шуыса. Тӥ шӧдӥды ке, кинэ ке вӧсь кариды шуыса, асьтэос нырысетӥ вамыш лэсьтэ: мынэ но тупаны тырше. (Лыдӟе Матфейлэсь 5:23, 24.) b

 МУРГЕС ЭСКЕРЕ

4. Гажалэ котькыӵе адямиез

Милям потэ вань агайёсмес но сузэръёсмес яратэммы. Но куддыръя секыт яратыны сое, кин милесьтым туж пӧртэм луэ. Мар юрттоз сыӵе учыре? Лыдӟе Апостолъёслэсь ужъёссэс 10:34, 35 но та юанъёслы валэктонъёс сётэ:

• Иегова ас семьяяз туж пӧртэм адямиосты вае. Соин ик, кызьы милемлы учкыны кулэ адямиос шоры, кудъёсыз милесьтым пӧртэм семьяын будэмын, пӧртэм кылын верасько, кинъёс милесьтым узыргес яке куанергес?

• Учко-а тӥ палан, кыӵе калыкысь потэмын адями, кыӵе семьяын со вордскемын, кыӵе ужын ужа? Шонер-а озьы лэсьтыны? Валэктэ.

Лыдӟе 2 Коринфъёслы 6:11—13 но та юанлы валэктон сётэ:

• Мар юрттоз тӥледлы дышетскыны яратыны вань агайёсты но сузэръёсты, озьы ик сооссэ но, кудъёсыз тӥлесьтыд туж пӧртэм луо?

5. Сюлмысь простить каре но тупаса улыны тырше

Иегова котьку но котьмае шонер лэсьтэ. Ӧвӧл учыръёс, куке милемлы сое простить кароно луоз. Нош ми ӵем янгышаськомы, озьы ке но Иегова котьку дась милемыз жаляны но простить карыны. Лыдӟе Неемиялэсь 9:17 но та юанъёслы валэктонъёс сётэ:

• Мае ми тодӥськомы та кылбурысь Иегова сярысь?

• Дунъяськоды-а тӥ, Иегова котьку дась шуыса жаляны но простить карыны? Малы?

• Ку секыт луэ мукетъёсыныз тупаса улыны?

Кызьы тӥ быгатӥськоды Иеговалэсь адӟем карыны но кенешын тупаса улыны? Лыдӟе Мадёнъёсты 19:11 но та юанлы валэктон сётэ:

• Тӥлесьтыд кин ке вождэс поттэ яке тӥледыз ӝоже уськытэ ке, кызьы тӥ югдурез тупатыны быгатоды?

 Куддыръя ми кинэ ке вӧсь карыны шедьтӥськомы. Мар кароно сыӵе учыре? Учке ВИДЕОРОЛИКЕЗ но юанлы валэктон сётэ.

• Мар кариз та сузэр, мукет сузэрен тупан понна?

 ТОДЭ ВАЁН

Вань агайёсты но сузэръёсты яратыса но соосты простить карыса, ми юрттомы кенешын огкылысь но тупаса улыны.

Мае тон тодӥд?

• Мар кароно, котькуд адямиез гажан понна?

• Мар тӥ кароды, агаеныды яке сузэреныды валамтэос кылдӥзы ке?

• Малы тӥляд дышетскемды потэ Иегова сямен простить карыны?