53-ТӤ УРОК

Шутэтскон амалды Иеговаез мед шумпоттоз

ЛЭЗЁНО

Иегова — шудо Инмар (1 Тимофейлы 1:11). Солэн потэ, ми но шудоесь мед луомы но шумпотыса мед уломы шуыса. Иеговалы кельше, куке ми шутэтскыны дыр висъяськомы. Но вань шутэтскон амалъёс, кудъёсыз солы уг ярало. Ойдолэ тодомы, кызьы быръёно сыӵе шутэтскон амалэз, кудӥз Иеговалы яралоз.

1. Мае тодамы возёно, куке бырйиськомы, кызьы шутэтскыны?

Кызьы тӥ шутэтскыны яратӥськоды? Кин ке но яратэ дораз книга лыдӟыны, кырӟан кылзыны, кино учкыны яке интернетысь мае ке утчаны. Нош кин ке но яратэ дырзэ эшъёсыныз ортчытыны. Кылсярысь, соосын ӵош походэ ветлыны, уяны яке кыӵе ке шудонэн шудыны. Кызьы гинэ тӥ медад шутэтске, валаны кулэ, тӥляд шутэтсконды Инмарлы ярамон луоз-а, уз-а (Ефесъёслы 5:10). Со туж кулэ, малы ке шуоно туннэ туж вӧлмемын шутэтскон амалъёс, кудъёсыз герӟаськемын лек ужъёсын, азон-калгонэн но спиритизмен. Нош ваньзэ сое Иегова адӟемпотостэм каре. (Лыдӟе Псалтирез 10:5.) Мар юрттоз милемлы шонер быръён лэсьтыны?

Одӥгаз урокын верамын вал: «Визьмо муртэн кусып возись ачиз но визьмо луоз» (Мадёнъёс 13:21). Озьыен, ми эшъяськимы ке соосын, кинъёс Иеговаез ярато, асьмеос но умойгес луомы, умой шутэтскон амалъёсты но быръёмы. Нош эшъяськимы ке урод эшъёсын, соку асьмеос но сӧриськомы.

2. Малы чаклано, кӧня дыр ми висъяськомы шутэтсконлы?

Ми умой шутэтскон амал бырйимы ке но, чакланы кулэ, кӧня дыр ми солы висъяськомы. Ми сое ӧм ке чаклалэ, кулэ ужъёслы дырмы уз кыльы ни. Библиын верамын: «Дырдэс юнме эн быдтэ, кескич нуналъёс вуэмын уго». (Лыдӟе Ефесъёслы 5:15, 16.)

МУРГЕС ЭСКЕРЕ

Ойдолэ тодомы, мае лыдэ басьтоно, куке бырйиськомы, кызьы шутэтскыны.

3. Эн быръе умойтэм шутэтскон амалъёсты

Малы сак быръёно, кызьы шутэтскыны? Учке ВИДЕОРОЛИКЕЗ но та юанъёслы валэктонъёс сётэ:

ВИДЕОРОЛИК: «Кыӵе шудонъёсты быръёно?» (4:39)

Маин куд-ог туала шутэтскон амалъёс гладиаторъёслэн жугиськонъёссылы кельшо?
Мае валаз Дэнни шутэтскон амалъёс сярысь?

Лыдӟе Римъёслы 12:9 но та юанлы валэктон сётэ:

Кызьы та визь-кенеш юрттоз тӥледлы умой шутэтскон амал бырйыны?

Мае Иегова адӟемпотостэм каре? Лыдӟе Мадёнъёсты 6:16, 17 но Галатъёслы 5:19—21. Котькудзэ люкетэз лыдӟемды бере та юанлы валэктон сётэ:

Та кылбуръёсын верам пӧлысь, мар ӵем пумиське туала шутэтскон амалъёсын?

Кызьы умой шутэтскон амал быръёно

Малпаське:

Мар? Луоз-а отын со, мае Иегова адӟемпотостэм каре?
Ку? Люкетоз-а со кулэ ужъёсты быдэстыны?
Кинэн? Кулэ луоз-а мыным трос дырме ортчытыны соосын, кинъёс Иеговаез уг ярато?

Кышкыт интылэсь палэнын возиськоно. Соин ик, валаськомы ке, шутэтскон амал милемлы уродзэ ваёз шуыса, милемлы мукетсэ быръёно.

4. Дырдэс юнме эн быдтэ

Учке ВИДЕОРОЛИКЕЗ но та юанлы валэктон сётэ:

ВИДЕОРОЛИК: «Мар тӥлесьтыд дырдэс лушка?» (2:45)

Агай номыр уродзэ уг учкы вал ке но, мае умойтэмзэ со лэсьтэ вал?

Лыдӟе Филиппыослы 1:10 но та юанлы валэктон сётэ:

Кызьы та визь-кенеш юрттоз валаны, кӧня дыр висъяно шутэтсконлы?

5. Быръе умойзэ шутэтскон амалэз

Куд-ог шутэтскон амалъёс Иеговалы уг кельшо. Но вань трос мукет шутэтскон амалъёс, кудъёсыз пайда ваё но шумпотыса улыны юртто. Лыдӟе Екклесиастэз 8:15 но Филиппыослы 4:8 но та юанлы валэктон сётэ:

Кызьы тӥ шутэтскыны яратӥськоды?

Трос амалъёс вань, кызьы дырез пайдаё но шулдыр ортчытыны луэ

КИН КЕ НО ВЕРАНЫ БЫГАТОЗ: «Номыр уз луы, мон учки ке сое яке шудӥ ке сыӵе шудонэн, кытын лек ужъёс, азон-калгон но спиритизм вань. Мон ачим сыӵе ужъёсын уг выриськы ук».