42-ТӤ УРОК
Мар верамын Библиын кузпалэн но кузпалтэк улон сярысь?
Куд-ог адямиос верало, адями кузпалтэк улэ ке, со шудтэм адями шуыса. Но учконо ке, кузпалэн улӥсь адямиос но шудтэм луыны быгато. Библия вера, кузпалтэк улӥсь адямиос но, кузпалэн улӥсь адямиос но шудо луыны быгато шуыса.
1. Маин умой кузпалтэк улон?
Апостол Павел гожтӥз: «Нокыӵе сюлмаськонъёс тӥледыз ёртыса медаз возе вал». (Лыдӟе 1 Коринфъёслы 7:32, 33.) Малы вераны луоз, кузпалтэк улӥсь адямиез сюлмаськонъёс ӧжытгес ёртыса возё шуыса? Оген улӥсь адямилы кузпалэз сярысь сюлмаськоно ӧвӧл. Солы малпано ӧвӧл, кызьы кузпалэзлы ярамон луоно. Кузпалтэк улӥсь адями тросгес дырзэ но кужымзэ сётыны быгатэ Иеговаен кусыпъёссэ юнматонлы но солы ужан-тыршонлы. Кылсярысь, ӟеч иворез веран понна, со мукет шаере но мыныны быгатэ.
2. Маин умой кузпалэн улон?
Кызьы кузпалтэк улонын, озьы ик кузпалэн улонын но умоез вань. Библиын верамын: «Оген улон сярысь, кык ӵошен улыны умойгес» (Екклесиаст 4:9). Но адямиослы кык ӵошен улыны умойгес соку, куке соос Инмарлэсь кылзӥсько. Нош Инмар возьма, семья кылдытыкузы, адямиос гожтӥськозы шуыса. Гожтӥськыкузы адямиос кылзэс сёто яратыны, гажаны но ог-огзы сярысь сюлмаськыны. Гожтӥськем кузпалъёс ӧжытгес сюлмасько, соосты куштозы но огназэс кельтозы шуыса. Озьы ик сыӵе семьяосын пиналъёс но шудогес луо.
3. Кызьы Иегова учке кузпалъяськыса улон шоры?
Нырысетӥ семьяез кылдытыкуз, Иегова вераз: «Адями аслэсьтыз атайзэ, аслэсьтыз анайзэ кельтоз но кышноез борды лякиськоз: кыкназы одӥг лулмугор луозы» (Улон-вылон 2:24). Иеговалэн потэ вал, кузпалъёс ог-огзэс яратыса мед улозы но ноку медаз люкиське шуыса. Иегова одӥг гинэ муг вераз, ку кузпалъёс люкиськыны быгато — куке одӥгез кузпал азон-калгон сьӧлыке пыре. Но соку но мукетыз кузпал бырйыны быгатэ, люкиськоно-а, ӧвӧл-а (Матфей 19:9) a. Озьы ик, нырысетӥ кузпалъёсты огазеякуз, Иегова кузпалъяз одӥг гинэ пиосмуртэз но одӥг гинэ кышномуртэз. Иисус кузпалъяськыса улон шоры Атаез кадь учке (Матфей 19:4—6). Озьыен, туннэ но христианъёс одӥг гинэ картэн но одӥг гинэ кышноен улыны кулэ.
МУРГЕС ЭСКЕРЕ
Ойдолэ тодомы, кызьы кузпалтэк улӥсь адямиос но, кузпалэн улӥсь адямиос но быгато шумпотыса улыны но Иеговаез шумпоттыны.
4. Кузпалтэк улондэс дунъялэ
Иисус кузпалтэк улонзэ туж дунъяз (Матфей 19:11, 12). Лыдӟе Матфейлэсь 4:23 но та юанлы валэктон сётэ:
-
Мар карыны быгатӥз Иисус, кузпалтэк улэмезлы луыса?
Туннэ но кузпалтэк улӥсь христианъёс шумпотыса улыны быгатозы, Иисуслэсь адӟем каризы ке. Учке ВИДЕОРОЛИКЕЗ но юанлы валэктон сётэ.
-
Мар карыны быгато кузпалтэк улӥсь христианъёс?
Тодӥськоды-а тӥ?
Библия уг вера, кӧня арескысен кузпалъяськыны яра. Но со визь-кенеш сётэ возьманы дырез, ку ортчоз вакыт, куке егитъёс йырзэс ыштытозь ик синмасько но умой быръён лэсьтыны уг быгато (1 Коринфъёслы 7:36, ВД).
5. Кузпал бырйыкуды, эн дыртэ
Кузпал бырйыку, туж сак луоно, дыртоно ӧвӧл. Лыдӟе Матфейлэсь 19:4—6, 9 но та юанлы валэктон сётэ:
-
Малы, рос-прос малпаськытэк, кузпалъяськоно ӧвӧл?
Библия валэктэ, кузпал бырйыку, малы нырысь ик саклыкез висъяно. Нырысь ик учконо, кузпал луоно муртмы Иеговаез яратэ-а, уг-а b. Лыдӟе 1 Коринфъёслы 7:39 но 2 Коринфъёслы 6:14 но та юанъёслы валэктонъёс сётэ:
-
Малы кузпал быръёно соос пӧлысь гинэ, кинъёс Иеговалы ужало-тыршо?
-
Кызьы тӥ малпаськоды, кызьы учкоз Иегова, тӥ кузпаллы бырйиды ке сое, кин Иеговаез уг яраты?
Кык пӧртэм пудо-животэз огазе кыткид ке, кыкназы ик курадӟозы. Озьы ик христиан мурт но Иеговаез яратӥсьтэм муртэн кузпалъяськиз ке, трос курадӟонъёсын пумиськоз
6. Кузпалъяськыса улон шоры Иегова кадь учке
Вашкала Израильын куд-ог пиосмуртъёс, пичи гинэ муг кылдэ ке, соку ик кышноенызы люкисько вал. Но тани кызьы учке Иегова люкиськон шоры: «Мон люкиськонэз адӟемпотостэм карисько» (Малахия 2:16, ВД). Лыдӟе Малахиялэсь 2:13, 14 но та юанлы валэктон сётэ:
-
Малы Иеговалы уг кельшы, куке адямиос азон-калгон сьӧлыке пырымтэ кузпалэнызы люкисько?
Азон-калгон но люкиськон туж вӧсь каро янгыш луисьтэм кузпалэз но нылпиосты
Учке ВИДЕОРОЛИКЕЗ но юанлы валэктон сётэ.
-
Кузпалды Иеговаез уг яраты ке, мар тӥ карыны быгатӥськоды, семьяды шудо мед луоз шуыса?
7. Иеговалэн куронъёсызъя улэ
Кинлы ке но, Иеговалэн кузпалъяськон сярысь куронъёсызъя улон понна, туж тыршоно луэ c. Но кылзӥськыны тыршисьёсты Иегова бакель каре. Учке ВИДЕОРОЛИКЕЗ.
Лыдӟе Еврейёслы 13:4 но та юанлы валэктон сётэ:
-
Кызьы тӥ малпаськоды, секыт-а Иеговалэн кузпалъяськон сярысь куронъёсызлэсь кылзӥськыны? Валэктэ.
Иегова куре, солэн ужась-тыршисьёсыз мед гожтӥськозы шуыса озьы, кызьы куро шаерысьтызы катъёс. Нош соос люкиськыны малпазы ке, озьы ик катъёсъя мед люкиськозы. Лыдӟе Титлы 3:1 но та юанлы валэктон сётэ:
-
Гожтӥськемын-а тӥ озьы, кызьы куре шаерысьтыды кат?
КИН КЕ НО ЮАНЫ БЫГАТОЗ: «Малы одно ик гожтӥськыны кулэ? Гожтӥськытэк но улыны луэ».
-
Мар тӥ верасалды?
ТОДЭ ВАЁН
Кузпалтэк улӥсьёс но, кузпалэн улӥсьёс но шумпотыса улыны быгато. Но со понна Иеговалэн куронъёсызлэсь кылзӥськоно.
Мае тон тодӥд?
-
Кыӵе учыре кузпалтэк улон адямилы шумпотон ваёз?
-
Малы Библиын верамын, кузпалъяськыны кулэ шуыса соин гинэ, кин Иеговаез яратэ?
-
Библия верамъя, кыӵе одӥг учыре гинэ кузпалъёслы люкиськыны яра?
ТРОСГЕС ТОДЭ
Кинэ «Кузё-Инмарлы оскись мурт» шуыны луоз, кудӥныз кузпалъяськыны яра?
«Лыдӟисьёслэн юанъёссы» («Возьмаськон башня», 2004-тӥ ар, 1-тӥ пӧсьтолэзь)
Та кык видеороликъёс юрттозы умой быръён лэсьтыны соослы, кинъёс пумиськылыны но кузпалъяськыны малпало.
Учке но тодэ, малы агай малпа, Иегова солы ыштэмезлэсь но тросгес сётӥз шуыса.
Мае лыдэ басьтоно люкиськытэк нимаз улон яке люкиськон сярысь малпаськемлэсь азьло?
«Гажалэ сое, „мае Инмар огазеяз“» («Возьмаськон башня», 2018-тӥ ар, толсур)
a Со сярысь, яра-а кузпалъёслы люкиськытэк нимаз улыны, огзы но азон-калгон сьӧлыке пыремын ӧй вал ке, верамын 4-тӥ ватсам валэктонын.
b Куд-ог интыосын анай-атайёс пиналзылы кузпал быръё. Сыӵе учыре анай-атайёслы учконо ӧвӧл, кыӵе семьяысь потэмын кен яке эмеспи луонзы, узыр-а со, куанер-а. Нош нырысь учконо, яратэ-а со Иеговаез, уг-а.
c Мар кароно, тӥ улӥськоды ке адямиен, кудӥныз гожтӥськемын ӧвӧл? Кошконо-а со дорысь яке гожтӥськоно-а соин — тӥ асьтэос бырйиськоды.
