1-ТӤ УРОК

Кызьы Библия тӥледлы юрттыны быгатэ?

ЛЭЗЁНО

Котькуд адямилэн юанъёсыз кылдо, дыр: малы ми улӥськомы? Малы сомында курадӟонъёс? Малы адямиос куло? Мар луоз азьланяз? Озьы ик ми малпаськиськомы, кытысь коньдон поттоно но мар кароно, семьямы шудо мед луоз шуыса. Тросэз адямиос та юанъёслы Библиысь валэктонъёс шедьтӥзы. Озьы ик соос отысь асьсэлы пайдаё визь-кенешъёс шедьтӥзы на. Нош тӥ кызьы малпаськоды, быгатэ-а Библия адямиослы юрттыны?

1. Кыӵе юанъёслы валэктонъёс сётэ Библия?

Библиысь тӥ таӵе кулэ луись юанъёслы валэктонъёс шедьтоды: кызьы улон кылдӥз? Малы ми улӥськомы? Малы умой адямиос курадӟо? Мар луэ адямиен кулэм бераз? Ваньзылэн тупаса улэмзы потэ ке, соку малы сомында ожъёс? Мар луоз музъемен? Библия ӧте милемыз та юанъёслы валэктонъёс шедьтыны. Трос миллион адямиос та книгаысь асьсэлэн юанъёссылы валэктонъёс шедьтӥзы ини.

2. Кызьы Библия милемлы юрттыны быгатэ?

Библиын трос визь-кенешъёс вань. Кылсярысь, отын верамын, мар кароно, семьямы шудо мед луоз шуыса. Со сяна, со валэктэ, мар кароно, ми мултэс медам сюлмаське шуыса. Озьы ик Библия дышетэ милемыз ужмес яратыны. Та материалэз эскерыса, тӥ тододы, кызьы Библия та но мукет удысъёсын юрттыны быгатэ. Тӥ адӟоды, «быдэс Священной Гожтэм [ваньмыз, мар гожтэмын Библиын]... ...Пайда вае» шуыса (2 Тимофейлы 3:16).

Та публикация Библиез уг вошты. Со сое дышетыны ӧте. Соин ик котькуд урокын Библиысь кылбуръёсты лыдӟе но малпаське, зэмзэ-а Библиын гожтэмын со, мае тӥ али тодӥды.

МУРГЕС ЭСКЕРЕ

Ойдолэ тодомы, кызьы Библия пӧртэм адямиослы юрттӥз, мар кароно, Библиез лыдӟон шумпотон мед ваёз шуыса, но малы юрттэт куроно сое валаны.

3. Библия сюрес возьматэ

Библиез яркыт тылын ӵошатыны луоз. Со юрттэ милемлы шонер ужпумъёс кутыны но адӟыны, мар возьма милемыз азьланяз.

Лыдӟе Псалтирез 118:105 но та юанъёслы валэктонъёс сётэ:

Кызьы та псаломез гожъясь Библия шоры учке вал?
Кызьы тӥ Библия шоры учкиськоды?

4. Библия юанъёсмылы валэктонъёс сётэ

Одӥг кышномурт Библиысь валэктонъёс шедьтӥз юанъёсызлы, кудъёсызлы трос аръёс ӵоже валэктонъёс шедьтыны ӧз быгаты. Учке ВИДЕОРОЛИКЕЗ но та юанъёслы валэктонъёс сётэ:

ВИДЕОРОЛИК: «Ноку но оскондэс эн ыштэ!» (1:48)

Кыӵе юанъёсыз вал та видеороликысь кышномуртлэн?
Кызьы солы юрттӥз Библиез дышетон?

Библия ӧте милемыз юанъёс сётъяны. Лыдӟе Матфейлэсь 7:7 но та юанлы валэктон сётэ:

Юанъёсты пӧлысь кудъёсызлы Библия валэктон сётыны быгатэ?

5. Библиез лыдӟон шумпотон вайыны быгатэ

Трос адямиос Библиез шумпотыса лыдӟо но трос пайдазэ шедьто. Учке ВИДЕОРОЛИКЕЗ но та юанъёслы валэктонъёс сётэ:

ВИДЕОРОЛИК: «Библиез лыдӟон» (2:05)

Мар верало та видеороликысь егитъёс лыдӟиськон сярысь?
Малы Библиез лыдӟон шоры соос мукет сямен учко?

Библия буйгатэ но оскон сётэ. Лыдӟе Римъёслы 15:4 но та юанлы валэктон сётэ:

Потэ-а тодэмды, кызьы Библия тӥледыз буйгатыны но тӥледлы оскон сётыны быгатэ?

6. Библиез валан понна, милемлы юрттэт кулэ

Тросэз верамъя, туж умой, куке Библиез ас поннад лыдӟиськод. Нош куке сое мукетъёсыныз эскериськод, со эшшо но тросгес пайда вае на. Лыдӟе Апостолъёслэсь ужъёссэс 8:26—31 но та юанлы валэктон сётэ: