Пукты син азяд таӵе югдурез: Дейвид тодмотэм интыетӥ мынэ. Урамъёслэсь нимъёссыя но котырак учкыса, со адӟе, мукет интые вуиз шуыса. Дейвид вала — со йыромиз. Кудаз ке ураме со шонертэм кожиз, вылды.

Мар тон карысалыд Дейвид интыын?

Тон быгатӥськод:

1. Кинлэсь ке юаны, кытчы тыныд мыноно.

2. Мутусъя яке навигаторъя учкыны.

3. Малпаны, кызьы ке вуо ай шуыса, но азьлань мыныны.

Веранэз ӧвӧл, та учырын азьлань мыныны визьмо уз луы.

Умойгес луоз, тон мутусъя яке навигаторъя учкид ке, малы ке шуоно соос юрттозы тыныд шонер сюрес шедьтыны.

Тыныд озьы ик юрттыны быгатэ Библия!

Быдэс дунне вылын тужгес но вӧлмем книга юрттоз тыныд...

• улонысь шуг-секытъёстэ вормыны,

• астэ валаны но умой пала воштӥськыны,

• зэмзэ ик шудо луыны.

Пичи дырысенымы ик милям юанъёсмы кылдо.

• Малы инбам чагыр?

• Малэсь кизилиос лэсьтэмын?

Берлогес ми юаны кутскиськомы со сярысь, мар луэ котырамы.

• Малы адямиос курадӟо?

• Малы адямиос куло?

Нош та юанъёслы валэктонъёс Библиын кемалась сётэмын вал ке ини?

Тросэз адямиос верало, Библия со выжыкылъёсын книга шуыса, со вужмемын ини яке сое туж секыт валаны шуыса. Нош зэмзэ-а мугез Библия бордын, яке адямиос со сярысь шонертэм малпало?

Кылсярысь, адямиос лыдъяло, Библиын верамын, Инмар дуннеен кивалтэ шуыса. Озьы-а со? Та дуннеен кивалтыны уг луы ни! Отын вӧсь луон но курадӟонъёс, висёнъёс но кулон, куанер улон но инкуазь шимучыръёс. Яратӥсь Инмар озьы кароз-а?

Тынад валэктон шедьтэмед потэ-а? Со, мар верамын Библиын со сярысь, кин та дуннеен кивалтэ, тонэ паймытыны быгатоз!

Тон адӟид, луоз, та брошюраын сётэм визь-кенешъёс Библия вылэ пыкиськемын шуыса. Иеговалэн Адӟись-Ивортӥсьёсыз оско, Библия шонер сюрес возьматэ шуыса, малы ке шуоно со Инмарлэн духеныз вордскытэмын, со дышетэ, сьӧлыкъёсыз шарае поттэ но тупатэ (2 Тимофейлы 3:16, 17). Тон уд жаля, та вашкала, но со дыре ик туала, книгаез эскерыны ужпум кутӥд ке!