Кузпалъёс, кудъёсыз котькуд ӵукна кыӵе ке агайлэн яке сузэрлэн улон сюресэз сярысь лыдӟо, веразы: «Кӧня шумпотон вае милемлы та статьяосты лыдӟон! Соос оскыто милемыз, кыӵе гинэ югдур медаз луы, ми но Иеговалы оскымон кыльыны быгатӥськомы шуыса». Та выллем ик малпанъёс вераз одӥг сузэр: «„Улон сюресъёс“ буйгато но сюлэмез шунто. Агайёсмы но сузэръёсмы тодо, мар понна уло. Куке мон соослэн улонзы сярысь лыдӟисько, мынам Иегова понна тросгес лэсьтэме потэ. Озьы ик соос юртто мыным нылпиосылэсь мылкыдзэс ӝутыны Иеговалы вань дырзэс сётыса ужаны-тыршыны».

Агайёслэн но сузэръёслэн улон сюресъёссы юрттозы тӥледлы ас азяды кулэ луись ужпумъёс пуктыны, умойтэм сямъёсыныды нюръяськыны но шуг-секытъёстэс чиданы, шумпотондэс ыштытэк. Кытысь тӥ сыӵе статьяосты шедьтыны быгатӥськоды?

• Учке jw.org сайтысь яке JW Library® приложениысь «Библия улонэз воштэ» статьяосты.

• «Возьмаськон башнялэн онлайн-библиотекаяз» утчан чуре гожтэ «улон сюрес».