Proverbios 26:1-28
26 Mu sta-o ichʼel ta mukʼ li buchʼu bole,+jech kʼuchaʼal mu sta-o oy taiv li ta veranoe* xchiʼuk jech kʼuchaʼal mu sta-o chakʼ voʼ kʼalal yorail chichʼ tsobel kʼusitike.
2 Jech kʼuchaʼal oy srasonal ti chjatav li mute xchiʼuk jech kʼuchaʼal oy srasonal chvil batel li golondrinae,*jaʼ jech oy lek srasonal ti chvul li chopol kʼoptaele.*
3 Li nukule jaʼ sventa li kaʼe, li frenoe jaʼ sventa li vuroe+xchiʼuk li vachʼe jaʼ sventa spat li buchʼutik bolike.+
4 Mu jechuk xatakʼbe sutel kʼuchaʼal chkʼopoj li buchʼu bole,sventa mu koʼoluk xakomik.
5 Takʼbo sutel jech kʼuchaʼal chkʼopoj li buchʼu bole,sventa mu snop ti pʼije.+
6 Li buchʼu oy kʼusi chakʼbe sbain li buchʼu bolexkoʼolaj kʼuchaʼal li buchʼu chtuchʼ lokʼel li yakane xchiʼuk li skʼobe.
7 Li pʼijil loʼil ti te oy ta ye li buchʼutik bolexkoʼolaj kʼuchaʼal yakan jun koxo ti chʼabal yipe.*+
8 Kʼalal chichʼ mukʼibtasbel skʼoplal li buchʼu bole,+xkoʼolaj kʼuchaʼal chichʼ chukel jpʼej ton li ta jimichʼe.
9 Li pʼijil loʼil ti te oy ta ye li buchʼutik bolikexkoʼolaj kʼuchaʼal jpets chʼix ti te oy ta skʼob li jyakubele.
10 Li buchʼu chikʼ ta abtel li buchʼu bole o li j-echʼelbeetikexkoʼolaj kʼuchaʼal j-akʼflecha ti buyuk noʼox sjip batele.*
11 Li buchʼu bole tspasilan li kʼusi bole,+xkoʼolaj kʼuchaʼal jkot tsʼiʼ ti tsloʼ sutel xete.*
12 ¿Mi oy aviloj junuk vinik ti pʼij chaʼi sbae?+
Muʼyuk xa kʼusi mas stakʼ pasel ta stojolal li vinik taje, jaʼ oy to kʼusi stakʼ pasel ta stojolal li buchʼu bole.
13 Xi chal li buchʼu chʼaje: «¡Oy jkot chʼiom leon li ta bee!¡Oy jkot leon li ta kayee!».*+
14 Li tiʼ nae te xjoyoyet* ta stsaklebtakxchiʼuk li buchʼu chʼaje te xjoyibaj ta sba stem.*+
15 Li chʼajil krixchanoe tstikʼ ochel skʼob li ta setsʼal* veʼlile,pe lubem tajek chaʼi ti mu xa xtikʼ ochel yuʼun ta ye li sveʼele.+
16 Li buchʼu chʼaje tsnop ti mas to pʼije,ti jaʼ mu sta li vukvoʼ krixchanoetik ti lek snaʼik stakʼele.
17 Li j-echʼelbe ti chkap sjol ta skoj* skʼop yantike+xkoʼolaj kʼuchaʼal li buchʼu tsnitbe xchikin jkotuk tsʼiʼe.
18 Jech kʼuchaʼal jun chuvaj ti tsjip batel abtejebaletik ti tsanal skʼakʼale xchiʼuk flechaetik ti chmilvane,
19 jaʼ jech li vinik ti chopol kʼusi chalbe li xchiʼile xchiʼuk ti xi chale: «¡Ixtol loʼil noʼox!».+
20 Ti bu muʼyuk siʼe, chtupʼ li kʼokʼexchiʼuk ti bu chʼabal jutmulile,* chlaj skʼoplal li saʼkʼope.+
21 Li jsaʼkʼop vinik ti tslikes kʼope+xkoʼolaj kʼuchaʼal chichʼ tikʼbel yan yakʼalil li tsanem akʼale xchiʼuk xkoʼolaj kʼuchaʼal chichʼ akʼbel yan siʼil li kʼokʼe.
22 Li kʼusi chlokʼ ta ye li jutmulile* xkoʼolaj kʼuchaʼal muil veʼlil;*chichʼ bikʼel xchiʼuk chkʼot kʼalal to ta yut chʼutil.+
23 Li kʼusitik lekik chlokʼ ta ye li buchʼu toj chopol yoʼontone+xkoʼolaj kʼuchaʼal kʼupiltasbil ta plata li sjepelul kʼusi pasbil ta lume.
24 Li buchʼu spʼajoj yantike mu xakʼ ta ilel li ta skʼopojele,pe te snakʼoj* ta yoʼonton li loʼlavaneje.
25 Akʼo mi lek li skʼopojele, mu xapat avoʼonton ta stojolal,yuʼun oy vuktos li kʼusitik toj ibalik sba* ta yoʼontone.*
26 Akʼo mi xloʼlavan sventa tsmuk ti chpʼajvane,chvinaj ta tsobobbail li xchoplejale.
27 Li buchʼu tsjokʼ jun chʼene te chpʼaj* yalel stukxchiʼuk buchʼuuk noʼox ti tsbalalin jpʼejuk tone jaʼ tsut tal ta stojolal stuk.+
28 Ti buchʼu lek xloʼlavan yokʼe spʼajoj li buchʼu chakʼbe svokolexchiʼuk li buchʼu lek xa kʼusi chlokʼ ta ye yilele chakʼbe svokol li yantike.+
Tsʼibetik ta yok vun
^ Jaʼ xkaltik, yorail kʼepelaltik.
^ O «xaval ekʼene».
^ O jaʼ van skʼoplal «sventa mu xvul chopol kʼoptael mi mu jtatik-oe».
^ O «ti jecheʼ xtʼuyete».
^ O «ti tsyayijes skotol krixchanoetike».
^ O «xee».
^ O «li ta chʼivite; ti bu oy ep krixchanoetike».
^ O «svayeb».
^ O «setetet».
^ O «splatoal».
^ O jaʼ van skʼoplal «ti tstikʼ sba ta».
^ O «jnopmulile».
^ O «xkoʼolaj kʼuchaʼal kʼusitik ti anil chichʼ bikʼele».
^ O «jnopmulile».
^ O «smukoj».
^ O «yuʼun toj echʼ xa noʼox ibal sba li yoʼontone».
^ O «tstsʼuj».
