Xi chal Mateo 1:1-25
1 Li livro liʼe jaʼ chalbe skʼoplal* li Jesukristo* ti jaʼ xnichʼon Davide+ xchiʼuk ti jaʼ xnichʼon Abraane.+
2 Li xnichʼon Abraane jaʼ Isaak;li xnichʼon Isaake+ jaʼ Jakob;+li xnichʼon Jakobe jaʼ Juda+ xchiʼuk laj yil yan xnichʼnab;
3 li xnichʼon Judae jaʼ Peres xchiʼuk Sera+ ti laj yil xchiʼuk Tamare;li xnichʼon Perese jaʼ Esron;li xnichʼon Esrone+ jaʼ Ram;+
4 li xnichʼon Rame jaʼ Aminadab;li xnichʼon Aminadabe jaʼ Nason;+li xnichʼon Nasone jaʼ Salmon;
5 li xnichʼon Salmone jaʼ Boas ti laj yil xchiʼuk Raabe;+li xnichʼon Boase jaʼ Obed ti laj yil xchiʼuk Rute;+li xnichʼon Obede jaʼ Jese;+
6 li xnichʼon Jesee jaʼ li ajvalil Davide;+
li xnichʼon Davide jaʼ Salomon+ ti laj yil xchiʼuk li yajnil Uriase;
7 li xnichʼon Salomone jaʼ Reoboam;+li xnichʼon Reoboame jaʼ Abias;li xnichʼon Abiase jaʼ Asa;+
8 li xnichʼon Asae jaʼ Jeosafat;+li xnichʼon Jeosafate jaʼ Jeoram;+li xnichʼon Jeorame jaʼ Usias;
9 li xnichʼon Usiase jaʼ Jotan;+li xnichʼon Jotane jaʼ Akas;+li xnichʼon Akase jaʼ Esekias;+
10 li xnichʼon Esekiase jaʼ Manases;+li xnichʼon Manasese jaʼ Amon;+li xnichʼon Amone jaʼ Josias;+
11 li xnichʼon Josiase+ jaʼ Jekonias+ xchiʼuk laj yil yan xnichʼnab, jaʼo kʼalal laj yichʼik ikʼel batel ta Babiloniae.+
12 Li xnichʼon Jekonias kʼalal ikʼbilik xa ox batel ta Babiloniae jaʼ Sealtiel;li xnichʼon Sealtiele jaʼ Sorobabel;+
13 li xnichʼon Sorobabele jaʼ Abiud;li xnichʼon Abiude jaʼ Eliakim;li xnichʼon Eliakime jaʼ Asor;
14 li xnichʼon Asore jaʼ Sadok;li xnichʼon Sadoke jaʼ Akim;li xnichʼon Akime jaʼ Eliud;
15 li xnichʼon Eliude jaʼ Eleasar;li xnichʼon Eleasare jaʼ Matan;li xnichʼon Matane jaʼ Jakob;
16 li xnichʼon Jakobe jaʼ li Jose smalal Mariae, li ants ti la svokʼes Jesuse,+ ti Kristo chalbeike.+
17 Skotol li jaykʼol kuxlejal echʼ ti lik tal ta skʼakʼalil Abraan kʼalal to ta skʼakʼalil Davide echʼ 14 ta kʼol kuxlejal, 14 ta kʼol kuxlejal echʼ xtok ti lik tal ta skʼakʼalil David jaʼ to kʼalal laj yichʼik ikʼel batel ta Babiloniae. Jech xtok, 14 ta kʼol kuxlejal echʼ ti lik tal kʼalal laj yichʼik ikʼel batel ta Babilonia kʼalal to ta skʼakʼalil Kristoe.
18 Vaʼun, xi yelan vokʼ li Jesukristoe: kʼalal makbil xa ox sventa chnupun xchiʼuk Jose li smeʼe, li Mariae, xchiʼinoj xa ox yol ta sventa chʼul espiritu+ kʼalal muʼyuk toʼox yikʼoj sbaike.
19 Pe li smalale, li Josee, oy ta yoʼonton tsutes ta mukul,+ yuʼun tukʼil vinik xchiʼuk mu skʼan xakʼ ta kʼexlal ta stojolal krixchanoetik.
20 Pe kʼalal laj xa ox snopbe lek skʼoplal li kʼusitik taje, laj yakʼ sba ta ilel ta xvayich li yaj-anjel Jeovae,* xi laj yale: «Jose, xnichʼon David, mu xaxiʼ ta yikʼel batel ta ana li avajnil Mariae, yuʼun li yol xchiʼinoje jaʼ ta sventa chʼul espiritu.+
21 Ta xvokʼ yuʼun jun kerem, Jesus* chavakʼbe sbi,+ yuʼun jaʼ tskolta lokʼel ta mulil li steklumale».+
22 Jaʼ jech kʼot ta pasel skotol sventa xkʼot ta pasel li kʼusi yaloj Jeova* ta stojolal yaj-alkʼop ti xi laj yale:
23 «¡Kʼelavilik! Ta xchiʼin yol li tojol tsebe, ta svokʼes jun kerem, vaʼun Emanuel+ chakʼbeik sbi», taje xi smelolal kʼalal chichʼ jelubtasele: «Liʼ oy ta jtojolaltik li Diose».+
24 Vaʼun, kʼalal julav li Josee, jech la spas kʼuchaʼal albat yuʼun li yaj-anjel Jeovae,* laj yikʼ batel ta sna li yajnile.
25 Pe muʼyuk bu la xchiʼin ta vayel jaʼ to ti kʼalal vokʼ li yole,+ vaʼun Jesus laj yakʼbe sbi.+
Tsʼibetik ta yok vun
^ O «li Mesias; li Buchʼu Tʼujbil».
^ O «slistail snitilulal; slistail smoltotak».
^ Liʼe jaʼ li baʼyel velta chvinaj li sbi Dios ti jaʼ Jeovae, li ta Vivlia liʼe oy 241 ta velta li ta Tsʼibetik ta Griego Kʼop ti chalbe skʼoplal Kristoe. Kʼelo Apendise A5.
^ Li biil taje jaʼ xkoʼolaj xchiʼuk li biiletik ta ebreo kʼop ti Jesua o Josuee, xi smelolale ‹jaʼ jkoltavanej li Jeovae›.
^ Kʼelo Apendise A5.
^ Kʼelo Apendise A5.
