Job 13:1-28
13 »Ta melel, yiloj jsat skotol maʼ taje,yaʼioj li jchikine xchiʼuk yaʼiojbe smelolal.
2 Jnaʼoj li kʼusi xanaʼik eke;maʼuk ti mas bikʼit jkʼoplal avuʼunike.
3 Voʼone jaʼ lek chkaʼi ti jkʼopon stuk li Buchʼu skotol xuʼ yuʼune;oy ta koʼonton chkakʼbe yil Dios ti tukʼ li kʼusi ta jpase.+
4 Yan li voʼoxuke jecheʼ chopol chajutbeikun* jmul;doktoroxuk ti batsʼi mu kʼusi xatunik-oe.+
5 ¡Ti xatsʼijiikuk ta jyalele,jaʼ te chavakʼik ta ilel ti pʼijoxuke!+
6 Avokolikuk, chikintaik ti kʼu yelan ta jpak jkʼoplalexchiʼuk tsʼet chikintaik li kʼusi xivokolet skʼanele.
7 ¿Mi yuʼun muʼyuk tukʼ chapakbeik skʼoplal li Diosexchiʼuk mi yuʼun chaloʼlavanik ti kʼu yelan chapakbeik skʼoplale?
8 ¿Mi yuʼun van chakoltaik,mi yuʼun van chakʼan chapakbeik skʼoplal li melel Diose?
9 ¿Mi oy van kʼusi lek tsta ta atojolalik mi la xchajoxuk ta kʼelele?+
¿Mi yuʼun xloʼlaj avuʼunik jech kʼuchaʼal chaloʼlaik jun krixchano ti snaʼ xchame?
10 Ta stukʼibtasoxuk ta melelmi tʼujbil buchʼu lek chavilik ta mukule.+
11 ¿Mi mu tauk xaxiʼik-o ta jyalel yuʼun ti kʼu yelan smukʼulalexchiʼuk mi mu tauk xtal ta atojolalik li xiʼelale?
12 Li pʼijil loʼiletik chavalike muʼyuk sbalil jech kʼuchaʼal tanil kʼokʼ;toj kʼun li amakobbailike,* xkoʼolaj kʼuchaʼal ta lum noʼox pasbil.
13 Tsʼijlanik noʼox sventa xikʼopoj tal.
Vaʼun, ¡akʼo taluk ti kʼusiuk noʼox chtal ta jtojolale!
14 Chapalun xa sventa oyuk kʼusi jnuptanxchiʼuk ti xkakʼ ta vokol li jkuxlejale.
15 Akʼo mi tsmilun, ta onoʼox jmala;+ta to jpak jkʼoplal ta stojolal.
16 Vaʼun, jaʼ chkʼot ta jpojvanej kuʼun,+yuʼun mi junuk jsaʼmulil krixchano* xuʼ x-och ti bu oye.+
17 Aʼiik lek li kʼusi chkale;tsʼet chikintaik li kʼusi chlokʼ ta kee.
18 Avi une, kʼelavilik, jchapanojbe xa skʼoplal sventa xkichʼ chapanel;jnaʼoj ti oy jrasone.
19 ¿Buchʼu van tskʼan tsaʼun ta kʼop?
¡Chicham jnaʼ mi te tsʼijil likome!*
20 Dios kuʼun, chaʼtos noʼox kʼusi xavakʼbunsventa mu jnakʼ* jba ta atojolal.
21 Lokʼeso li akʼob ta jba ti toj ole, nom xavakʼ batelxchiʼuk akʼo mu xixiʼo ti kʼu yelan chavakʼ xiʼele.+
22 Kʼoponun tal, vaʼun ta jtakʼbot,o akʼo kʼopojkun, vaʼun takʼbun tal.
23 ¿Kʼusitik jaʼ li jpaltail* xchiʼuk jmule?
Albun kaʼi li jpaltail xchiʼuk jmule.
24 ¿Kʼu yuʼun ti chanakʼ* asat ta jtojolale+xchiʼuk ti chapʼisun ta avajkontrae?+
25 ¿Mi ta van xasibtas li jlik yanal teʼ ti kuchbil batel ta ikʼeo mi chanuts batel li takin jobele?
26 Yuʼun yakal chatsʼiba-o batel li jmul chavalbunexchiʼuk chavakʼbun jtoj li kʼusitik chopol la jpas ta jkeremale.
27 Akakanoj ta latsʼob teʼ* li kakane,chachaj ta kʼelel skotol ti butik chixanavexchiʼuk chatʼun* batel ta kʼelel li yav kakane.
28 Jaʼ yuʼun, tsok batel li vinik* jech kʼuchaʼal li kʼusi chkʼaʼe,jech kʼuchaʼal chlaj ta chon* jlikuk kʼuʼil pokʼile.
Tsʼibetik ta yok vun
^ O «chanopbeikun».
^ Literal «sbujbujil a-eskudoike».
^ O «mi junuk jvalopatinej mantal».
^ O jaʼ van skʼoplal «Mi oy buchʼu xuʼ yuʼune, tsʼijil chikom xchiʼuk chicham».
^ O «jmuk».
^ O «li jchopolil».
^ O «chamuk».
^ O «chachaj».
^ Yikʼaluk jaʼ skʼoplal li Jobe.
^ Li ta ebreo kʼope jaʼ skʼoplal jkot bikʼit chon ti snaʼ xvile xchiʼuk ti tslajes kʼuʼil pokʼile.
