Ta skoj ti tsots kuxlejal li avie mu kʼusi xuʼ jpastik sventa jeltik li kʼusi ta jnuptantik ta jkuxlejaltike. Akʼo mi jech, xuʼ me xijmuyubaj akʼo mi oy jvokoltik. Taje jech onoʼox chal li Vivliae, xi chale: «Li buchʼu xkuxet noʼox yoʼontone xmuyubaj noʼox skotol kʼakʼal» (Proverbios 15:15). ¿Pe kʼuxi xuʼ masuk to xamuyubaj? Kʼelo avil kʼusi chal Vivlia ti xuʼ skoltaote.

 Li Vivliae xi chale: «Li kʼusi tsvul˗o yoʼonton li jun vinike jaʼ tslubtsanat yuʼun, pe jaʼ chpatbat yoʼonton yuʼun li lekil kʼope» (Proverbios 12:25).

•   Li kʼusi chal Vivliae xuʼ skoltaot sventa mu masuk xavul avoʼonton. Mi chakʼan chanabe mas skʼoplale, kʼelo li mantal «¿Qué dice la Biblia sobre la ansiedad?».

 Li Vivliae xi chale: «Li melel amigoile skotol ora chakʼ ta ilel ti chkʼanvane xchiʼuk jaʼ jchiʼiltik ta vokʼel chkʼot kʼalal oy jvokoltike» (Proverbios 17:17).

•   Jtos kʼusi chal Vivlia ti tskoltautik sventa mu jtukuk xkaʼi jbatike jaʼ ti oyuk kamigotike. Sventa xanaʼ kʼuxi xuʼ xata avamigotake, kʼelo li mantal «Saʼo avamigotak sventa mu atukuk xavaʼi aba: Li Vivliae xuʼ skoltaot».

 Li Vivliae xi chale: «Skʼan xakʼan ta sjunul avoʼonton li Jeova Dios avuʼune, ta sjunul akuxlejal xchiʼuk ta sjunul anopben [...]. Skʼan me xakʼan achiʼil jech kʼuchaʼal akʼanoj aba atuke» a (Mateo 22:37˗39).

•   Li orasione tskoltaot sventa masuk to xakʼan li Diose. Mi chakʼan to chanabe skʼoplal ta sventa li orasione, kʼelo li mantal «¿Mi chchikinta j˗orasiontik li Diose?».

•   Chkakʼtik ta ilel ti jkʼanojtik yantik kʼalal jech ta jpastik kʼuchaʼal laj yal Jesuse. Sventa xanabe skʼoplal li kʼusi laj yal Jesuse, kʼelo li mantal «¿Kʼusi jaʼ li Mukʼul Lekil Mantale?».

 Mi lik achan li Vivliae tskoltaot sventa xamuyubajuk noʼox akʼo mi tsots li kuxlejal avie. Ta jtijkutik avoʼonton ti xachʼam li chanubtasel ta Vivlia chkakʼkutike.