¿Banti ya xjuʼ ya ata lekil koltayel?
Te ants winiketik te ya skʼan te lekuk te skuxlejalik ta pajel chaʼbej, jaʼ smukʼulinej yoʼtanik te destino, te nop jun, te takʼin o te lekuk yoʼtanike. Pero te kʼalal jich ya spasik, jich kʼoem te bitʼil yakik ta stuuntesel jun mapa te ma lek pasbile. Pero ma jaʼuk ya skʼan ya yal-abi te maʼyuk jun lekil koltayel te ya yakʼ smukʼul koʼtantik te bin ya xkʼax ta jtojoltik ta pajel chaʼbej.
TE KOLTAYEL YA YAKʼ TE MACHʼA PʼIJ
Te kʼalal ay bin ya jtatik ta nopel spasel, jaʼ ya jojkʼoybeytik te machʼa ya snaʼe o te machʼa ayix yaʼbilal. Jaʼ yuʼun teme ya jkʼantik te lek ya xbajt te jkuxlejaltik ta pajel chaʼbej, jaʼ ya skʼan ya smukʼulin koʼtantik te machʼa bayal ya snaʼ o te machʼa bayalxan spʼijil te bitʼil te joʼotike. Te koltayel ini kʼaxemix ta 3,500 jaʼbil te jajch ta tsʼibayele, jaʼme yakotik ta yalbeyel skʼoplal te Biblia.
¿Bin yuʼun ya xjuʼ ya smukʼulin awoʼtan te Bibliae? Melel kʼax pʼij te machʼa la yakʼ ta tsʼibayele, sok «sbahtel qʼuinal» ay stukel (Daniel 7:9; Salmo 90:2). Jaʼme «la spas te chʼulchan, te ha Dios stuquel, te la spas te lumqʼuinal» (Isaías 45:18). Jaʼnix ya yalbotik te jaʼ Jehová te sbiile (Salmo 83:18).
Te bitʼil te Biblia jaʼ lokʼem tal ta yoʼtan te Jpaswanej kuʼuntik, maba ya yakʼ ta nopel te aynax jun tsʼumbalil te banti leke. Te consejoetik yuʼun, skoltayoj bayal ta tul ants winiketik, te libro ini yichʼoj kʼasesel ta bayal ta chajp kʼopiletik sok yichʼoj pukel ta swolol Balumilal. * Jaʼ yuʼun machʼauk ya xjuʼ ya xkʼot ta yoʼtan te bin ya yale, sok ya yakʼ sbaik ta koltayel yuʼun. Te Biblia jich ya yal:
«Mayuc machʼa nax tsahbil yuʼun Dios, ta spisil nacionetic lec yoʼtan yuʼun te machʼa yichʼoj ta mucʼ soc te toj bin ya spas» (HECHOS 10:34, 35).
Jich bitʼil jtul tatil te kʼux ta yoʼtan sok ya skoltay te yal snichʼnab, jaʼnix jich te Jehová kʼuxotik ta yoʼtan sok ya skoltayotik ta swenta te Biblia (2 Timoteo 3:16). Jaʼ yuʼun ya xjuʼ ya smukʼulin awoʼtan te Biblia, melel jaʼ spasojotik te Dios sok ya snaʼ te bin ya xtuun kuʼuntike.
¿Bin ya xjuʼ ya apas yuʼun ya ata te lekil kuxlejalil-abi? Yame awilbey skʼoplal ta yan artículo.
^ parr. 6 Teme ya akʼan ya anaʼxan ta swenta te traducción sok te bin-utʼil ya yichʼ pukel te Biblia, ochan ta www.jw.org/tzh sok baan ta NOJPTESEL YA YAKʼ TE BIBLIA > TE BIBLIA SOK TE HISTORIA YUʼUN.
^ parr. 16 Teme ya akʼan ya anaʼbeyxan skʼoplal, ilawil te capítulo 9 yuʼun te libro La Biblia... ¿la Palabra de Dios, o palabra del hombre?, te jaʼ spasoj te testigoetik yuʼun Jehová, te ay ta www.jw.org sok baan ta BIBLIOTECA > OTRAS PUBLICACIONES.
Yaniwan amulan-euk sk'oponel ini
TE J-ILKʼINAL TA TOYOL
Te bin ya xkʼot ta pasel ta pajel chaʼbej
Akʼa smukʼulin awoʼtan te bin ya spas te Dios ta pajel chaʼbej ta swenta te Balumilal sok ta stojol te ants winiketike.
TE J-ILKʼINAL TA TOYOL
¿Yabal xtuun te tsitsel ya yakʼ te Bibliae?
Jich bitʼil te ayix bayal informasion te ya yichʼ achʼubtesel ta oranaxe, ¿bin yuʼun ya jletik koltayel ta Biblia te jteb ma sta chaʼmil jaʼbil la yichʼ tsʼibayele?
TE J-ILKʼINAL TA TOYOL
Te Biblia sok te bin ya jmaliytike
Te sKʼop Diose ya skoltayotik ta sitintayel te wokoliletik jich bitʼil te bintik ya xkʼax ta jtojoltik ta jujun kʼajkʼal te ma naʼbiluk kuʼuntike. Pero ma jaʼuknax-abi, jaʼnix jich ya yakʼ jnaʼtik te bin ya xkʼot ta pasel ta pajel chaʼbeje.
