КИЧЭЭЛ 53
Хостуг үеде-даа Иегованы өөртүңер
Иегова — «аас-кежиктиг Бурган» (1 Тимофей 1:11, Чаа делегей). Бисти чуртталгадан өөрүшкүнү ап, дыштанырынче үени үндүрүп, аас-кежиктиг болурувусту Ол күзээр. Канчаар дыштанырын база Иегованы муңгаратпазынга чүү дузалаарын бо кичээлден билип алыр бис.
1. Дыштанылга шилиирде чүнү сактыры чугула?
Канчаар дыштанырынга ынак силер? Чамдык улус бажыңынга оожум байдалга: ном номчуп, ыры дыңнап, кино көрүп азы интернет сонуургаарынга ынак. А өскелери эш-өөрү-биле бойдуска агаарлаарынга, эштиринге азы оюннар ойнаарынга ынак. Бурганга таарымчалыг дыштанылганы шилиирин кызар бис (Эфесчилерге 5:10). Бо үеде нептерээн куду мөзү-шынарлыг, күчүлелдиг база буктар-биле харылзаалыг шын эвес дыштанылгага Иегова хөңнү чок. (Номчуптуңар: Ырлар 10:5.) Дыштаныр арганы шын шилииринге чүү дузалаар?
Иеговага ынак улус-биле найырал ботка-даа, дыштанылга шилииринге-даа дыка эки салдарлыг болур. Эрткен бир кичээлге кижи «мерген угаанныг улус-биле эдеришкеш, мерген угаанныг апаар» — деп билип алган бис (Чугаалар 13:20). Бурганның хоойлуларын херекке албас улус-биле үргүлчү үе эрттирер болзувусса, айыылдан чайлавас бис.
2. Дыштанырынче кайы хире үе үнерин хынаары чүге чугула?
Дыштанылгада багай чүве чок-даа болза, кайы хире үе ынаар үнүп турарын боданыры чугула. Оон башка кол чүүлдерже үевис чедишпейн баар. «Үени эң дээре кылдыр» ажыглаарынче Библия бисти кыйгырып турар. (Номчуптуңар: Эфесчилерге 5:15, 16, Чаа делегей.)
ХАНЫ ШИНЧИЛЕҢЕР
Дыштанылганы канчаар шилиирин көрээлиңер.
3. Шын эвес дыштанылгадан оюп чоруңар
Дыштанылга шилиирде бодамчалыг болуру чүге чугула? ВИДЕОНУ көргеш, айтырыгларга харыылаптыңар:
-
Бурунгу үениң гладиаторлар чогуштары биле амгы үениң оюннарында ниити чүү бар?
-
Дэнни оюннарга хамаарыштыр чүнү билип алган?
Римчилерге 12:9-ту номчааш, харыылаптыңар:
-
Бо шүлүкте дүрүм эки дыштанылга шилииринге канчаар дузалаар?
Чүү чүвеге Иегова хөңнү чок? Чугаалар 6:16, 17 биле Галатчыларга 5:19—21-ни номчааш, айтырыгга харыылаптыңар:
-
Амгы үениң дыштанылгазында бо шүлүктерде бижээн чүүлдерниң кайызы бо-ла таваржып кээр?
Эки дыштанылганы канчаар шилип алырыл?
Бодуңардан айтырыңар:
-
Чүү? Иеговага таарышпас чүүл бар бе?
-
Кажан? Оон чугула ажыл-херекке шаптыктаар бе?
-
Кым-биле? Иеговага ынак эвес улус-биле үргүлчү чоок харылзажыр ужурлуг апаар мен бе?
Айыылды ырактан оюп чорааны дээре. Дыштанылга биске багай салдар чедириптер хире болза, өскезин шилип алганы дээре
4. Үени хилис чарыгдаваңар
ВИДЕОНУ көргеш, айтырыгга харыылаптыңар:
-
Акывыс багай чүве көрбээн-даа болза, чүнү шын эвес кылып турар?
Филипчилерге 1:10-ну номчааш, харыылаптыңар:
-
Бо дүрүм дыштанылгаже кайы хире үе үндүреринге канчаар дузалаар?
5. Эки дыштанылгадан шилип алыңар
Дыштанылганың чамдык хевирлери Иеговага таарышпас-даа болза, ажыктыг, аянныг чүүлдер бар. Экклесиаст 8:15 биле Филипчилерге 4:8-ти номчааш, харыылаптыңар:
-
Христианнарга тааржыр дыштанылганың кандыг хевирлерин экизинер силер?
Солун болгаш ажыктыг кылдыр дыштаныр аргалар хөй
ЧАМДЫК УЛУС МЫНЧА ДЕП БОЛУР: «Кандыг-даа оюн ойнаай-ла, чүнү-даа көргей, канчап баар деп? Мен ону херек кырында кылып турар эвес мен».
-
Силер болза, чүү деп харыылаар силер?
КОЛ БОДАЛ
Ажыктыг, солун дыштанылганы шилип алырывысты Иегова күзеп турар.
Катаптаашкын
-
Христианнарга кандыг дыштанылга таарышпас?
-
Дыштанырынче үени өйлээри чүге чугула?
-
Шилилгеңер-биле Иегованы өөртүрү силерге чүге чугула?
НЕМЕЛДЕ
Канчаар дыштанырыңарны кым шиитпирлээр?
«Чамдык фильмнер, номнар азы ырылар Иегованың Херечилеринге хоруглуг бе?» (веб-статья)
Дыштанылгага хамаарыштыр эки шиитпир үндүреринге силерге чүү дузалаар?
«Сээң дыштанылгаң ажыктыг бе?» («Таңныыл суургазы» октябрь 15, 2011 чыл)
Бир эр кижи көрүжүн канчаар өскертип алганын «Ак кештиг улуска хөңнүм чок турган» деп намдардан номчуп көрүңер.
«Алыс шын чуртталганы өскертир» («Таңныыл суургазы» февраль 1, 2010 чыл)
Бир херээжен кижи көрүп олурганы фильм — көзүлбес делегей-биле харылзаа дугайында деп билип кааш, канчалганын көрүңер.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
