КИЧЭЭЛ 13
Меге шажыннар Бурганны бак атка киирип турар
Бурган дээрге ынакшыл. Ынчалза-даа Бурганның адындан өөредип тур бис дээр шажыннар хөй бачытты үүлгедип турар. Дорт чугаалаарга, меге шажыннар Бурганның дугайында алыс шынны хажыткан. Бурганның оларга хамаарылгазы кандыгыл? Кандыг кеземче онаар?
1. Меге шажыннарның өөредиглери Бурганны канчаар бак атка киирген?
Меге шажыннар «Бурганның алыс шынын мегеге» орнапкан (Римчилерге 1:25). Чүдүлгелерниң хөй кезии Бурганның адын өөретпес. Ынчалза-даа Бурганның адын ажыглаары дыка чугула (Римчилерге 10:13, 14). Багай чүве боорга, шажын башкарыкчылары: «Бурганның берген салымы-дыр» — дээр. Ол бодал көңгүс меге. Бурган кажан-даа кижилерге хилинчек-човалаңны күзевес. (Номчуптуңар: Ыы-сыы 3:33.) Дыка хөй кижилер меге өөредигге алыскаш, Бургандан хая көрнүп турары харааданчыг.
2. Меге шажыннарның ажыл-херээ Бурганны канчаар бак атка киирген?
Меге шажынның кижилерге хамаарылгазы Иегованың ышкаш эвес. Бурганның Сөзүнде: «Ооң бачыттарының дугайында сураг дээрде чеде берген-дир» деп бижээн (Ажыдыышкын 18:5). Чүс-чүс чылдар дургузунда меге чүдүлгелер эрге-чагырганы болгаш дайын-чааны деткип келген. Ол санап четпес хөй кижилерниң өлүмүнге буруулуг азы киржилгелиг. Чамдык шажын башкарыкчылары каас-коя чурттаарынга ынак, ынчангаш хөй өргүл салырын негеп турар. Олар Бурганны бичии-даа билбезин база Ооң адындан чугаалаар, өөредир эрге чогун көргүзүп турар. (Номчуптуңар: 1 Иоанн 4:8.)
3. Бурганның меге шажынга хамаарылгазы кандыг?
Меге шажынның ажыл-херээ силерге безин чүдек-бужар болза, Иеговага кандыг? Бурган кижилерге ынак. Ынчангаш Ооң дугайында меге чүүл тарадып, кижилерни багай аажылап чоруур шажын башкарыкчылары Бурганны килеңнедип турар. Меге шажын узуткадыр, «ол олчаан ону кым-даа көрбес» деп, Иегова аазаан (Ажыдыышкын 18:21). Удавас Бурган меге шажынның шупту хевирлерин чок кылыр (Ажыдыышкын 18:8).
ХАНЫ ШИНЧИЛЕҢЕР
Бурганның меге шажынга хамаарылгазы кандыг? Ол кандыг херектерге буруулуг? Ооң бак ажыл-херээ силерге Иегова-биле улаштыр таныжарынга чүге шаптыктавас ужурлуун билип алыр силер.
4. Бурганга шупту шажыннар таарымчалыг бе?
Аңгы-аңгы шажыннар чаңгыс Бурганга чедирер оруктар-дыр деп санал бар. Ылап-ла ындыг бе? Матфей 7:13, 14-тү номчааш, харыылаптыңар:
-
Библиядан алырга, кандыг орук амыдыралга чедирер?
ВИДЕОНУ көргеш, айтырыгга харыылаптыңар.
-
Бурганга шупту шажыннар таарымчалыг деп, Библия өөредип турар бе?
5. Меге шажыннарда Бурганның ынакшылы чок
Меге шажын Бурганны бак атка киирип турар. Ооң эң билдингир херектериниң бирээзи — дайыннарга киржилгези. ВИДЕОНУ көргеш, айтырыгга харыылаптыңар.
-
Ийиги делегей дайынынга церковьтар кандыг херектер үүлгедип турган?
-
Ол дугайында силер чүү деп бодаар силер?
Иоанн 13:34, 35 биле 17:16-ны номчааш, харыылаптыңар:
-
Силернии-биле алырга, шажыннар дайыннарга киржирге, Иегова чүнү миннип турар?
-
Меге шажын дыка хөй аар кем-херектерге буруулуг. Ынакшыл дугайында хоойлуну шажыннар канчаар хажыдып турар?
Меге шажыннарда Бурганның ынакшылы чок
6. Кижилер меге шажынның кулданыындан адырлып алзын деп, Бурган күзеп турар
Ажыдыышкын 18:4-тү a номчааш, харыылаптыңар:
-
Меге шажынга мегелеткен улуска Бурган дуза кадарын күзеп турарын билгеш, чүнү миннир-дир силер?
7. Алыс шын Бурганны билип алырын уламчылаңар
Меге шажыннарның ажыл-херээ дээш, Бурганны шиидип болур бе? Ачазын дыңнавайн, хостуг чаңнап, будалган оолдуң дугайында бодап көрүңер. Ачазы оглунуң ажыл-херээнге таарзынмас. Ынчангаш оглунуң ажыл-херээ дээш, ачазын буруудадыры чүге чөптүг эвес?
-
Меге шажынның херектери дээш, Иегованы буруудадыры чөптүг бе? Шажыннарның каржы херектери Иегова-биле найыралга чүге шаптыктавас ужурлуг?
ЧАМДЫК УЛУС МЫНЧА ДЕП БОЛУР: «Бурган дугайында дыңнаар хөңнүм чогул, шажыннар бергелерни шиитпирлээр хамаанчок тывылдырып турар».
-
Аңаа хамаарыштыр чүү деп бодаар силер?
-
Меге шажынның ажыл-херектери дээш, Иегованы шиидери чүге шын эвес?
КОЛ БОДАЛ
Меге шажын бодунуң өөредиглери, кем-херектери-биле Бурганны бак атка киирип турар. Бурган меге шажынны узуткап кааптар.
Катаптаашкын
-
Меге шажынның ажыл-херээнге, өөредиглеринге хамаарыштыр силерниң бодалыңар кандыг?
-
Меге шажынга Иегованың хамаарылгазы кандыг?
-
Иегова меге шажынга кандыг кеземче онаар?
НЕМЕЛДЕ
Шажыннарның хөй кезии Бурганны канчаар бак атка киирип турарын номчуп көрүңер.
Иегова бисти чааскаан эвес, а Аңаа ынак улус-биле демниг чүдүүрүвүстү чүге күзеп турар?
Бир священник бодунуң шажынынга чигзинип эгелээн. Ынчалза-даа Бурган дугайында алыс шынны дилээрин ол соксатпаан.
«Священник чүдүлгезин чүге каапкан?» («Оттуп келиңер!» февраль, 2015 чыл)
Төөгү дургузунда шажыннарның хайындан кижилер Бурганны тоомча чок, каржы деп бодаар апарган. Ол мегени Библияда сойгалаанын номчуп көрүңер.
«Бурганга ынак болурунга шаптыктаар меге өөредиг» («Таңныыл суургазы» ноябрь 1, 2013 чыл)
a Ажыдыышкын номунда меге шажынны чүге «Өндүр улуг Вавилон» деп адаанын 1 дугаар немелде материалдан билип ап болур.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
